فتاة بخمسة عشر شخصيه(روايات ليبيه)

الحلقه 20

فتاة بخمسه عشر شخصيه🔥
الحلقه (20) الاخيره🔥

الدكتور: وجها ميتفسرش
خلود: شن يادكتور طمني على امي
سميره: قول حاجه كويسه بالله
سمراء : حاطه يدها ع فمها وتراجي في الجواب
الدكتور: للاسف عظم الله اجركم
انقلبت المستشفى عياط وبكا حتى الرجاله بكو كانو وجعو القلب كل يلي ماشي وجاي في المستشفى يترحم ع ساميه ويمشي اما الصبايا والبنات ماعندهم عزم في يلي تبكي من قلبها وفي يلي غير قدام الناس وفي يلي يراقب في الثاني ويبي يبين روحه ان هوا زعلان اكثر منه الرجاله شدو عزمهم وناضو لاجرائات الدفن
بعد ساعه
روحو للحوش ونصبو الخيمه بعد العصر بدو الجيران والاقارب والاصحاب يجو والبنات يلي سارحه ويلي تضيف ويلي شاقيه بخوتها ويلي تفكر في امها وين قاعده ومع من وشن ادير ويلي تقول حسيت بغلا جديده بعد ما فقدتها مشى جو العزاء عادي جدا مفيش عياط واجد بس بكاء يعني مفيش كفر بس نضرات الجيران كانت شييينه ومش حلوه لدرجه بنات يونس كرهو رواحهم ومشن لشقتهم وسكرو ع رواحهم الباب
♕بنت الشريف♕_
عبدالسلام: عطيني الاوراق ونحولهن للمحكمه وانتي ماتفكري في شي يلي في الحوش كلهم حيطلعو
راما: تمام هذينا نسخه من الاصليات يلي مكتوبات بأسمي
عبدالسلام:تمام توا حنطلع نشيلهن للمحكمه و ع العصر حتستلمي الحوش
راما: تم ..طلعت الاوراق .. تفضل
عبدالسلام:تمام
راما:وقفت..هي سلام
عبد السلام:مع السلامه
راما:طلعت ومشت للسياره .. عارفتك مش حدير الشي يلي انا نبيه وقت تلقاهم عندهم عزاء حتقول مقدرتش ف انا حندير حاجتي بروحي ... مشت شور الحوش
نيرمين: راما طولت
ناديه:شويه وتجي
راما: خشت...شن تقرمن
نيرمين:عظم الله اجرك
راما: هذي ميتعزاش فيها
ناديه: هذا واجبنا
راما:تمام توا بنرقد وانتن شوفن جوكن واليوم وبكره راحتكن متقربن شي في الحوش يلي تبي تطلع تطلع
ناديه: شافت لنيرمين
نيرمين: تشيرلها ع انها تقول الشي يلي فخاطرها
ناديه: راما
راما: نعم
ناديه:اليوم راجلي طلق مراته وقالي نبي نرجعلك وحيوفر كل طلباتنا
راما: تمام شوفي روحك كان صدقتيه وتريحتي لكلامه ردي وشغلك متفكريش فيه لان الفيلا حنبيعها
نيرمين: كييييف
راما:شافتلها... كنك؟
نيرمين: قصدي ليش تبيعي فيها وانتي وين بتقعدي
راما: شافت للباب ... الفيلا هذي كبيره ع 3اشخاص وعندي حوش ثاني كبير ف حنبيعهن الاثنين وناخذ شقه صغيره وانتي شريتلك حوشك وحتستلميه الاسبوع الجاي نديره في تشطيبات بسيطه
نيرمين:باهي وشغلي كيف بنعيش راما منقدرش نشتغل عند حد غيرك تعودت عليك
راما: وانا منقدرش نخليك عند حد غريب ف خليتلك مكتب في الشركه عندي تهتمي بيه وهكي في غيابي
ناديه: ليش انتي وين بتمشي
راما: حنمشي انا وجدي لتركيا نعالجه برا ونعيش معاه بره
ناديه: قصدك معش تبي تجي لليبيا نهائي
راما: لا مش هكي بس فتره علاج جدي حنقعد بره بعدها حنقعد نجي انا وياه زياره
نيرمين: ليش بتقعدي بره باه شن السبب يلي يخليك اديري هكي
راما: خلاص بنكسب راحتي لامتى بنقعد نفكر ومنرقدش كويس تره قوليلي؟
ناديه: باهي شن تبي اديري توا
راما: نبي نطلعهم من الحوش ونرده باسم بابا ونعرضه للبيع ونبيعه وانا ناخذ فلوسه ونسافر بيهن لعلاج جدي بعد جدي ترجعله صحته كل الاسئله يلي عندي حنلقه جواب عليهن والمشكله اني عارفه ومتأكده لو نسأل نيرمين حتجاوب ع كل شي بالحرف
نيرمين:في حجات انا منعرفهنش جدك هوا مفتاح كل شي
راما:شن هوا يلي متعرفيش
نيرمين:ليش ساميه تكرهك ومنى كيف تكون بنت عم باتك والمشكله ان كل واحد فيهم قبيله يعني مش قبيله وحده باتك وامك و .. سكتت
راما: و شن؟
نيرمين: وانتي مش بنتهم
راما: لا بنتهم والشي هذا طلعوه وقالو هكي لانهم عارفين ان انا حنورث كل شي بعد جدي
ناديه: بس انتي مش مستحقه وليش انتي بذات يلي يلي كل شي بأسمها ليش جدك يحبك وجدتك لا وعمامك وعماتك يكرهوك و اقاربكم الباقيين لا
نيرمين: ساكتته ولا طلعت حرف
راما: ماه يلي في جنبك كان تحكي يصير خير بعدها بس خليها منبيش ناخذ حاجتي بالساهل انتن بكره حتمشن للحوش جدي تنضفنه لاني بنعرضه للبيع امشن ارقدن وتريحن بكره يوم طويل
نيرمين: بلعت ريقها بصعوبه...تمام
ناديه:حاضر
راما: مشت لدارها بعد ما تأكدت من الشي يلي كان في عقلها
_
روٌآيَـآتٌ بنت الشريف🥀🖤
__
حوش العزاء...
كانت صدمه للعيله كلها ساميه يلي كانت بجبروتها وقوتها كلها تموت من جلطه بسبب كنتها؟؟ لهدرجه وجعتها  كنتتها مش دايره روحها قويه وميهمهاش حد؟ شن صدمها توا وليش الزعل يلي زعلاته هذا؟ حتى راجل احلام مازعل هكيي
في الليل🌃
الجنان مليان صبايا وكلهن نظرتهن لهويدا ورويدا ورهف مكانتش حلوه يلي تحكي عليهن بالشين ويلي اطلع عليهن في كلام مش حلو ويلي تقول البنات نفس امهن يعني سمعتهن خربت💔