༺فلاش باك ༻
يوم خطوبه لوران💕
لوران: ماما
يسرا: نعم
لوران: لقتها في الصالون تتفرج جلست جنبها... ماما بنقولك ع موضوع حلو هكي
يسرا: انشاء الله خير
لوران: خير خير اممم ااا
يسرا: اخلصي امم ااا وبعدين
لوران: ااا 😂😂 خلاص خلاص بنقولك
يسرا: نوضي من قدامي
لوران: لا والله خلاص المهم تذكري محمد يلي كنت نكلم فيه
يسرا: كنتي؟ ع من تضحكي عارفتك لتوا تحكي معاه
لوران: خيتسلمها يلي ساكته ع فضيحتي😂
يسرا: يعني عارفتيها فضيحه
لوران: ييووووه ي ماما بيجي يخطب
يسرا: لا
لوران: بصدمه.. شن لا
يسرا: مش رااضييه
لوران: ي ماما شن مزال تبي ي ماما انسان محترم وكويس وسمح ويشتغل ويصلي ويعرف يطيب عنده عضلات ويحبني وقعد معايا راجل
يسرا: اهااا وتحكي في صفاته وتفصلي فيه وانتي منسجمه اخرى ي قليله الادب حتى خواتك مادارن الشي هذاا
لوران: وقفت.. قعدنا علاقه لفتره طويله وماعمره خلاني زعلانه ولا رقدت منه زعلانه ووقت نضايق يقعد ينكت عشان نضحك وعمره ماخلا حاجه فخاطري وتوا جاي بيكمل علاقتنا ع حاجه تفرحنا متكسرينيش بالله عليك
يسرا: شبه اقتنعت.. به خليه يتفضل
لوران: امتى؟
يسرا: اصبري نحكي لباتك ع انه خو صاحبتك وبعدين يصير خير
لوران: باست امها.. نعلولي منك وخلاص
يسرا: امبه امشي شوفي حالك خليني نتفرج
لوران: امبههه
جت العشيه وجا الليل وحكت وهدرزت يسرا لخالد
يسرا: خالد
خالد: نعم
يسرا: عندي ليك موضوع
خالد: عدل جلسته.. انشاء الله خير
يسرا: خير بإذن الله في واحد متقدم لي لوران ويقعد خو صاحبتها
خالد: باهي مشاء الله
يسرا: ايوه لوران حكتلي وقالتلي انه يبي يجي ويحكي معاك
خالد: خلاص خليها تقول لصاحبتها يتفضل ي بكره ي بعده
يسرا: على خير
خالد: انشاء الله طفي الضي
يسرا: طفاته.. تصبح على خير
خالد: تلاقي الخير
يسرا: طلعت وسكرت الباب مشت لدار البنات
دق دق دق
نوران: لمياء نوضي افتحي
لمياء: يلي ع الباب افتح وخش
يسرا: عندي 3 بنات بايرات
لوران: جيتك في الوقت هذا فيه جواب صااح
يسرا: باتك قال لا
لوران: ليييش
نوران شافت للمياء بعدم فهم
يسرا: يبيلك واحد من ولاد عمك
لوران: بس انا نبي محمد ومحمد يبيني
يسرا: تي بااهي ه الحب يلي مقطع بعضه قال يجي ونشوفه ونهدرزو ويصير خير
لوران: تنفست براحه... طيحتي قلبي
يسرا: يااااي.. برمت ع البنت.. وانتن ورني تلفوناتكن بالك عندكن
نوران: ناقصني انا غير نحب
لمياء: واااه يماما السنه الجايه شهاده انا ناقص غير نكبد
يسرا: عليك جيل حتى يلي يسألكن تولعن فيه
لمياء: مامي حبيبتي ليش تحكي وكأن عزوز جالسه معانا
يسرا: عزوز فعينك ي فرخه مزلت في ايام شبابي
لوران: تحكي بصوت واطي لنوران.. تفكيرها تفكير كبار وشموخها شموخ بنات صف اول
نوران: ضحكت بشويه
يسرا: شن توشوشن
لوران: قلتلها اكيد كانت مهبله شارعهم بجمالها ايامات كانت صغيره
يسرا: تنهدت
لوران: لاحظت ضيقتها.. ماما كنك
يسرا: بإبتسامه متصنعه... شي بس ذكرتيني بايام زمان
لمياء: رقدت ع بطنها... ماما هدرزيلنا ع ايام زمان
يسرا: ايام عز ايام حلوى مفيش كيفها ايام كنا متريحين قبل ما باتي يبيع حوشنا ونخسرو رزقنا
نوران: كيف يعني
يسرا: زمان كان عندنا رزق وحوش كبيييير لين جا يوم وتهدم كل شي قدام عيني
لوران: شن السبب
يسرا: خلاص هي انتي وياها الفجر قريب يأذن ارقدن بكره نبو نبرمو ع الحوش عشان عرب اختكن مش عارفه امتى حيجو
لمياء: قولي مدخلكنش وخلاص عليش هذا كله
نوران: قرصتها.. اسكتي انتي
لمياء: احححح يكلبه
يسرا: خلاص هي رقدن تصبحن.. طلعت وسكرت الباب
لوران: تتصل بمحمد و؏ طول رد... الوو
محمد: عيوني
لوران: بابا قال باااهيي
محمد: تبصري
لوران: لاا
محمد: خلاص بكره نشوف امي ونقولك امتى نجوكم
لوران: تمووم
محمد: هي تصبحي ع خير
لوران: تلاقي الخير... وسكرت الخط.
لمياء: فرحاانه ولا
نوران: عقبالنا
لوران: سمن بالله راه نقطعكن
نوران: انا بنرقد
لمياء: نمشي نقرا شي روايه ولا نحضر مسلسل
لوران: النت طافي
لمياء: انتي بكم مشتركه
لوران: معنديش نت
لمياء: حمااادييي يخليييك بدوون نت مصدقتش
لوران: اها معنديش
نوران: خودي فوني امس مشتركه ب 35
لمياء: منوورهه هذي اختي صح
لوران: درقي وجهك تره🙂
لمياء: اننننن
الحوار هذا كله ع الساعه 4:00
لمياء: اتفرج ع مسلسل ع النت
نوران: رااقده
لوران: تفكر في بكره وشن ادير تقديم الضيوف لالا مش ضيوف في عقلها هذوما اهلها الثانيين بعد حوار طويل وتفكير وخياال رقدت
_
بنت الشريف 🥀🖤
__
أنت تقرأ
فتاة بخمسة عشر شخصيه(روايات ليبيه)
Fantasyروايتي بأسم {فتاة بخمسه عشر شخصيه} 🤍 اكيد نصدمتو من الاسم 😂 بس حتكون روايه بأحداث حلوه نبدو في التقديم🤍🤍 روايتنا الجديده تتكلم على بنت كانت ام قلب طيب وكانت رقيقه وااجد لدرجه ان على ابسط حاجه تصير دموعها ينزلو بسرعه حتى ع اتفه الحاجات وكانت دلوو...
