فتاة بخمسة عشر شخصيه(روايات ليبيه)

الحلقه 5

الحلقه ﴿5﴾
༺فلاش باك༻
امال:  سكرت...  ماما
سمراء:  نعم
امال:  ليش بابا رفض عيسى
سمراء:  عليش كنك؟
امال:  قصدي ليش رفضه
سمراء:  سيبت يلي فيدها...  قصدك تحكي معاه وجايبتيه من التلفون
امال:  اها نحكي معاه ليا سنيتن
سمراء:  ماحسبتك هكي واحسن شي باتك رفضه
امال: ليش تحرقوو فيااا قوليله يواافقق علييه
سمراء:  مشت لدارها خذت فونها..  زيدي عيطي هي تلفونك عندي وتمعشقي وخوذي راحتك توا
امال:  تبكي..  نبي تلفوونيي عطيه لياا
سمراء:  مفيش لين تعرفي ان الشي هذا مش في مجتمعنا
امال:  مجتمع شنوو بالله انا نبي عيسى مش عيل هوا كان عيل راه سيبني بعد وعوده اهو جا وانتم كسرتوني و كسرتوه
سمراء:  ومزال حتنكسري ع الواقع لما باتك يعرف
امال:  لا بالله ماتقوليله
سمراء:  معناها اسكتي
امال: به..  في عقلها والله لما نهرب معاه
سمراء:  طلعت من الدار وسيبتها
بشرى:  قصدك ماما عرفت بكل شي
امال:  اها عرفت شفتي الحظ يلي عندي انااا
موده:لانه عسكري
بشرى: بس خوف بابا من ان وحده فينا تقعد بدون راجل بعد تتزوج حسيت في شي غير هكي
موده& امال:  كيف يعني
بشرى: مش عارفه بس في شي مش متريحه
امال:  عيسى نعرفه مش داير شي غلط متشكيش فيه
بشرى:  انشاء الله خير..
امال:  بشرى عطيني فونك
بشرى:  شن تبي فيه
امال:  نبي نكلمه نقوله ان ماما خذت فوني
بشرى:  امسكي
امال: تتصل.. ميردش
بشرى:  يمكن لانه رقم غريب
امال:  بعتت مسج ( انا امال رد)  ..  شويه عاود اتصل..  الوو
عيسى: رقم من هذا
امال:  رقم اختي ماما خذت فوني
عيسى:  عليش
امال: مش راضيه على علاقتنا
عيسى:  يعني توا خلاص سنتين قضيتهن معاك عشتهن بفرحه توا بتنكسر فرحتي
امال:  تبكي.  مش بيدي وربيي
عيسى:  اشش متبكيش مفيش الا حل واحد
امال:  تعال اخرى لبابا بالك يرضى
عيسى: تي 3 مرات بردت وجهي خلاص
امال:  زادت تبكي.. يعني توا انتهت علاقتنا
عيسى: انتي متسرعه توا كنت نبي نقولك حل لكن انتي متصبريش
امال:  باهي شن هوا
عيسى:  نهربوا ومتقوليش لحد الا لخواتك
امال:  لالا نخاف شن نهربوا هذي بلاش جو هنود
عيسى: تي باهي شن ندير هي قوليلي
امال:  فكرت في خمس ثواني وحسبت حساب كل شي ولقت صح مفيش حل (طبعا مفيش حل هذي قالتها لانها تبي تهرب معاه وتكمل حياتها معاه بس 🙂)..  باهي نهربوا بس وين نمشوا
عيسى:  تركيا رخيصه ونحصلوا حوش
امال:  باهي امتى
عيسى:  بعد بكره الساعه 2:30 توتي روحك وتتأكدي ان الحوش كله راقد متطلعيش الا بحاجتك الخاصه لبس وحركات هذينا لا حتى فونك حنشريلك من غادي
امال:  باهي ليش بعد بكره
عيسى:  عشان امك تكون مش مشدده المراقبه عليك يعني عطيها وقت عشان تهدي اعصابها هكي
امال:  امم به
عيسى:  تمام
امال:  تمام
عيسى:  تصبحي علي خير
امال:  تلاقي الخير
عيسى:  مش حنقول شي لانه تلفون اختك
امال:  ايوه امسك😂
عيسى:  سكري خير مانبدا
امال:  باي...  سكرت...  امسكي فونك
موده:  بيلي ضحكتي
بشرى:  شن قالك
امال:  بنهربوا
موده&بشرى:  شنووووو
امال: اها كان راجل معايا وجا لبابا وبابا رفضه وعيسى 3 مرات جا
موده:  من عقلك انتي
امال:  اها
بشرى:  اماال انتي قد يلي تقولي فيه؟
امال:  اها قده حنهرب معاه ونسافروا ونعيشوا مع بعض فرحانين
موده:  وماما وبابا وخوتك مش حاسبتيهم رجاله ولا كيف
امال:  وعيسى شنو حتى هوا راجل باتك وخوتك مقدروش الشي هذا لو واحد من خوتي يحب راهو مشى وخطبها وحارب الدنيا بس نحنا البنات حرام ناخذوا يلي نحبوه
موده:  به اخر كلام صح بس انك تهربي معاه هذي لا
امال:  مدخلكش المهم قلت
موده:  تعرفي لو هربتي معاه انتي لا اختي ولا نعرفك ولا كأن عندي اخت ثانيه فوقتها
بشرى:  موده اسكتي شن الكلام هذا
موده:  هذا يلي عندي هيا بتمشي معاه وتقعد فرحانه ونحنا هنا نقعدو في هم وغم وننحرموا من حاجات واجد بسببها
امال:  مدخلنيش فيكم انتم حرمتوني منه وانا حناخذه ومتبيش تحسبيني اختك ماحسبيش عادي وانا بعد بكره حنمشي معاه
موده:  طلعت وسيبتها
بشرى:  حيجي يوم وتندمي
امال:  لا حنعيش معاه حياه حلوه مش زي العيشه يلي هنا فقر وهم
بشرى:  به..  لحقت موده
امال:  قعدت توتي في شنطتها مكملتش الساعه الا وهيا مكمله خذت شويه حجات مش واجد نفس ما هوا قاللها دارت
بشرى:  كنك
موده:  من جدها اختك
بشرى:  حكيت معاها بس مفهمتش ليش مسكره راسها
موده:  هذا عليش منبيش نحب ولا نفكر في الموضوع هذا اساسآ
بشرى:  يالله فوتي خلاص
سمراء:  شن في كنها امال
موده:  بتهرب معاه
بشرى:  بتغطي..  لا بلاش جو انتي شن بتهرب
سمراء:  بشرى متغطيش علي اختك وكيف بتهرب معاه هذي من جدها
موده:  اها ي ماما  كلماته من فون بشرى و.....   هذا يلي صار
سمراء:  مشت تجري لامال في الدار..   شن الكلام يلي سمعته
امال:  شافت لخواتها..  كلام شنو
سمراء:  بتهربي ما بتهربي ولا
امال:  على طول قلتنها و اها بنهرب هوا جا 3 مرات تقدملي وانتي ي ماما محاولتيش تقنعي بابا ولا تجي تسأليني بالك نعرفه مفيش ولا ردت فعل
سمراء:  انتي محرومه من الطلوع بعد اليوم
امال:  به
سمراء:  طلعت وسكرت الباب بالمفتاح..  وحده منكن تفتح الباب عليها تشوف
بشرى: حاضر
سمراء: مشت وخلت وراها بشرى وموده يتعاركن
بشرى:  ليش تحكي
موده:  ها نخليها تمشي وتجيبلنا العار وكلام الناس يلي مايرحم
بشرى:  قصدي كنا نهدرزوا معاها بشويه ونفهموها مش هكي
موده:  شن بتفهميها وهيا ماسكه كلمه تقدملي 3 مرات وهوا راجل ومش عارفه ايش هذي تبيلها ماما
بشرى:  باهي توا شن نديروا
موده:  شي خلي الباب مسكر ونشوفوا
سمراء:  هيثم
هيثم(راجلها):  نعم
سمراء:  في حد تقدم لامال
هيثم:  اها واحد يشتغل في العسكريه
سمراء:  ليش مقتلي
هيثم:  تعالي نقولك توا
سمراء:  باهي ليش رفضته
هيثم:  انتي شن عرفك
سمراء:  قولي بس
هيثم: لان باته كان يشتغل مع باتي وسارق من باتي فلوس واااجد
سمراء:  باهي وشن دخل الولد في باته
هيثم:  شن الولد بيطلع احسن من باته السراق يربي سراق
سمراء:  عليك تفكير كنت جيت حكيت معايا وسألت ع الولد وبعدين قرر
هيثم:  انا راجل ومتزوج وعندي بنات ومزلت بناخذ رأي مرا؟
سمراء: وكنها المرا هذي؟
هيثم:  في المواضيع هذينا الصبايا ميدخلنش
سمراء:  والله امالا عليش امك جت شافتني وقت بتخطبوني ولا باتك كان في وسط الصبايا ولا شن.
هيثم:  تي خلاص شن هذا ابسط شي اديرو منه موضوع
سمراء:  طلعت وسيباته
امال:  تفكر كيف تطلع من الحوش شويه وجتها سمراء
سمراء: فتحت الباب..  امال
امال:  نعم
سمراء:  تعالي تعشي
امال:  معنديش نيه
سمراء:  هيا تعالي بلاش زعل
امال:  منبيش معنديش نيه
سمراء:  جلست جنبها..  انتي عارفه ان يلي درتيه غلط صاح
امال:  مدرتش غلط انا حكيت معاه في الاول صداقه بعدها علاقه بعدها تقدملي وانت شن درتو رفضتوه رغم انه طلع راجل
سمراء:  باتك ماقالي شي والله توا كيف عرفت منك
امال:  باهي ي ماما قولي لبابا يوافق راه والله كويس هوااا
سمراء:  حكيت معاه وقالي ان في مشكله بين جدك وباته
امال: جدي وباته؟
سمراء:  اها
امال:  تي شن جيب جدي لباته بالله بابا يدير في سبله
سمراء:  قالي ان.......  وهذا كله
امال:  تي باهي شن دخل عيسى في النص الراجل قاري واشتغل ويبني في حوشه بفلوسه قاعد
سمراء:  عارفه بس باتك مقاليش شي ع الموضوع من بدايته اصلا
امال:  بابا وميقولكش
سمراء:  اقسم بالله
امال:  به
سمراء:  وبعدين من جدك بتهربي وجو مسلسلات تهنديه اديري فيهن
امال:  جا بالحلال ماتبوش انتم بس وقت انا نهرب تقولوا ياريت وافقنا
سمراء:  وتجيبيلنا الكلام الشين الناس مترحمش راه
امال:  و انتو يلي يخايفين من كلام الناس راه مترحموش
سمراء:  امال مزلت هاديه عيسى قوليله يجي اخره بعدين ساهل
امال:  يخدم عندكم هوا اصلا بس خلاص معش بنمشي معاه كان يبيني حيجي مره ثانيه
سمراء:  ايوه كان يبيك اصلا مش حيقولك نهربو اكيد عارف خطورت الشي هذا
امال:  باهي ماما بنرقد
سمراء:  متبيش اتعشي
امال:  لا
سمراء:  تمام..  طلعت وطفت الضي وسكرت الباب وخلت وراها امال تفكر في كلامها وان صح مفروض فكر في خطوره الشي هذا وكيف تجي في عقله اصلا ومعقوله عادي عنده اهلها يغضبو عليها امال فكرت وفكرت وناضت
امال:  وين كان عقلي نسيب اهلي يلي تعبوا عليا ونمشي مع واحد مايجيبلي الا التعب مفيش حب مفيش شي الحب مع السنين حيمشي..  طلعت كل حوايجها من الشنطه وردتهم لمكاناتهن وطلعت
هيثم:  اهي جت
امال:  بشرى تره فونك شويه
سمراء:  شافتلها وعرفت امال شن تبي ادير
بشرى:  لالا
سمراء:  شن لا هذي عطيها شويه وتجيبه ليك
بشرى:  هاكي
امال:  خذاته ودخلت للدار
هيثم:  كنها
سمراء:  عندها امتحان بكره
هيثم:  اها
امال:  سكرت الباب واتصلت بعيسى...  الو
عيسى:  اهلين
امال:  من عقلك انت
عيسى:  شن
امال:  من عقلك تبيني نهرب معاك
عيسى:  مش تحبيني انتي وتبي تعيشي معايا مفيش الا الفكره هذي
امال:  بس تقدر تتقدملي اخره وتشوف الرد
عيسى:  ساد مابردت وجهي الا واجد عندكم
امال:  باهي هذي اخر مره
عيسى:  لالا منيش جاي ووتي روحك بعد بكره سلام..  سكر
امال:  هففف شن ندير توا