فتاة بخمسة عشر شخصيه(روايات ليبيه)

الحلقه 19

فتاه بخمسه عشر شخصيه🔥
الحلقه{19}ماقبل الأخيره 🔥

راما: دخلت للحوش لقت رهف منهاره وساميه مصدومه والتوأم يكذبن في الكلام وباقي العيله يلي نصدمت ويلي ساكته ...السلام
ساميه: شافت لراما وعيونها دموع
راما: شافتلهم .. وصللكم الخبر
رهف: تحكي بعياط... مستحيل ماما تكون هكيي مستحيل
راما:كنت في حوش بابا قصدي حوش ساميه والجيران شاهدين
رهف: كيف ع شن شاهدين
هويدا: ماما سافرت وسيبت بابا الجيران ع شن بيشهدو
راما:تضحك ...ايااااه قصدك كذبو عليكم
رويدا: كنت عارفه ان ماما تحكي مع حد بس محكيتش
راما:شافت لرويدا وهيا مش فاهمه
رهف: شن تحكيي انتيي كيف تحكي هكي ع امك
رويدا:عيطت عليها...ليش بنكذب كنت عارفه من الاول ان ماما بتمشي معاه بس كانت تراجي في امي (ساميه) تطلع من الحوش عشان تاخذ اوراق املاك المزارع متاعات جدي
راما:في سرها... اوباااا يعني هذا عليش نزلت لجدي هذاك اليوم عشان تاخذ الاوراق بس انا خذيتها هيا والاوراق وكذبتي طلعت حق الحمد الله ربي وقف معايا
ساميه: كانت واقفه فقدت توازنها من الكلام يلي سمعاته
حنين: جديده .. مشت سندتها عليها
ساميه: بعديي من عليا انتي امشي لاهلك
راما: هااي شن تحكي انتي غلطت كنتك المحترمه متخليكش تهزبي حنين
ساميه: ليش ادافعي عليها وانتي اكثر وحده تعرفي ان هذي مش
راما: اسكتييي منسمعش صوتك
ساميه: سكتت
حنين: راما شن قصدها
راما:شي
حنان(بنت علي): قصدها انك مش بنتنا
راما: سبحان الله بات وام كويسين العقرب هذي من وين جت مش عارفه
حنان: هااي احترمي نفسك
حنين: يلي قلتيه مش جديد عليا
راما: ابتسمت ع جنب
حنان: كيف
حنين: راما حكتلي قصتي لانها عارفتكم حيجي يوم وتصدموني
ساميه: شافت لراما
حنان: واااو طلعتي فاعله خير
حنين: احسن من وجهك
هاجر: امتى كان عندك لسان انتي
حنين: كلنا من اول ماخلقنا ربي عندنا لسانات
هاجر: شي جديد قلتيه
حنين: كويس ضفتي حاجه كويسه لرف معلوماتك الغبيه
راما: هي ساميه نوضي وامشي لدارك .. شافت الساعه .. الساعه 1 الليل توا كلكم ارقدو هي
ساميه: مش قادره تتحرك عيونها بس يتحركو
رهف: جديده
ساميه: مش قادره تحكي وتبكي
رهف: تعيط جديييده قعدت نفس جديي
راما: انجلطت؟ اكيد انجلطت لانكم عيله تجلطو
البنات: كيف نديروو توا
اماني: كلمو حد من الرجاله يجي
هويدا:كلمت اسكندر..
اسكندر: الوو
هويدا: تبكي وترعش.. ت تت تعال عندناا بسرعه
اسكندر: انتفض من ع الكنبه.. كنك شن في
هويدا: جديده نجلطتتت
اسكندر: كيف يعني
هويدا:تعال في حوش راما
اسكندر: باهي هي .. طلع يجري للسياره
راما: حوشي قعد مرمده
رهف: جديده جتها الجلطه ومش قادره تتحرك ولا ادير شي غير عيونها يدمعو وانتي تفكري في حوشك
راما: وجدي يلي قاعد مرمي في الحوش ومفيش حد شقى بيه وانتم يلي هامكم تصويركم في النافورا ومش عارفه شن وجدي غادي لا ماكله لا شراب انا في داري ساعه 4 ننزل نلقاكم بره الحوش الا حنين يلي مش حاسبينها من عيلتكم .. قربت من الدروج فكرت ان لو سيبت حنين معاهم مش حيريحوها وهيا وصيت لمار.. حنين معايا فوق
حنين: مشت تجري عشان تهرب من النظارات الحقيره ...كويس انك انقضتيني
☆ فلاش باك
قبل 6شهور
راما: حنين
حنين: توترت منها .. نعم
راما: دابينا الحوش فاضي ومفيش حد بنقولك ع شي وفكيني من جو الخوف مني انا بنت نفسك نفسي
حنين: شنو
راما: وقت كنتي صف ....... انشاء الله ماتكونيش مصدومه بزياده
حنين: قصدك يلي قاعده معاهم مش عيلتي
راما:لا واحمدي ربك ع الشي هذا لانها متصلحش تكون اسره سعيده
حنين: انا منصدمتش لان حسيت من سميه مش حسستني اني بنتها
راما: المهم قتلك لان حيجي يوم ويبرمو عليك
حنين: تمام.. عقلها يحكي بروحه
☆الحاضر☆
راما وحنين كل وحده في دارها و اسكندر وصل لحوش راما وكلم الاسعاف عشان ساميه طلعو كلهم مع اسكندر وساميه للمستشفى
حنين:ادق ع باب راما.
راما: ادخل
حنين: دخلت.. راما
راما: شافت للباب وسكرت الابتوب... نعم
حنين: ليش خليتيني معاك
راما: كنك متبيش تقعدي هنا؟؟
حنين: لا مش هكي قصدي يعني ا
راما: قاطعتني..تعالي قعمزي هنا
حنين: مشت لسرير راما وقعمزت جنبها ... شنو
راما: فتحت الابتوب.. تذكري البنت هذي
حنين: قعدت تشوف للابتوب.. لالا بس تشبهلي وااجد
راما: هذي لمار
حنين: توأمي؟
راما: ايوه بالضبط متبيش تكلميها؟
حنين: ياريت
راما: توا كنت نحكي معاها اهو المكالمه مستمره
لمار: رااما ويينكك ي زفته
راما:اهو جيتك
لمار: قوليلي شن صار معاك
حنين: تسمع وتشوف قي اختها كيف تحكي وقريب تبكي
راما: شي بس .. شافت لحنين.. حنين معايا وفي امانتي نفس ماوصيتيني
حنين:شافت لراما.. كييف