انشاء الله تكون عجبتكم 🥺💗
دق الباب فتح البواب ودخلت سياره فخمه (الشيخ زايد) نزل منها شخص كل العيله نصدمت منه..
راما: ابتسمت ع جنب
ساميه: وقفت ورجليها مش قادرات يشيلنها
يونس: منصدم من الشخص يلي قدامه
حنين: تحكي بينها وبين نفسها.. بعد السنين هادو كلهم هذا وين جا؟
حسين: قدم لراما.. اهلا ببنت اختي
راما: اهلين بخالي
حسين: حضنها... متغيره يبنت اختي
راما: شافت للعيله.. من الهم يخال
حسين: حيمتحي مع الايام ماتفكري في شي
راما: مغيرتش نضرتها.. اكيد و على يدي بإذن الله
ساميه: انت شن ادير هناا
حسين: نعم؟
ساميه: شن ادير هناا ناقصنا نحنا ماصدقنا اختك ماتت وتريحنا
راما: هااااااي انتي وين تحسابي روحك هي هي بكلامك هذا بره حوشي
ساميه: راما بنيتي كنك
راما: دبشك وبرهه منبيش حد من العيله هنااا هي كلكم بره ردوا لحوشكم
الكناين طلعوا بعد ماسمعوا صوت الهرجه
احلام: ثاني مره تلزينا
راما: انتي من جا شورك اصلا وكيف تخشي في حوش لازينك منه
حسين: معندهاش كرامه العيله هذي اصلا مفيش حد كويس الا عادل الله يرحمه
غزاله: حسين منسمحلكش تحكي ع راجلي بالشين
حسين: وعلي معلش حتى هوا انسان محترم
راما: شافتله.. مفيش حد كويس في العيله هذي
ساميه: موده جيبيلي الشنطه متاعي من الدار
راما: ايوه
ساميه: محسبتكش هكي يبنت ولدي
راما: به
يونس: يشوف لحسين مش قادر يتحرك
حسين: شافله.. راما شن رايك حتى يونس يطلع
راما: لز احلام تو يطلع كلبها المطيع
يونس: احترمي نفسك
راما: به.. تعال خالي تفضل جوا
حسين: هي.. دخل ومعاه راما
غزاله: عمتي متقسيش عليه
علي: اها منى وخوتها كويسين لكن انتي مفهمتش ليش تكرهيهم
ساميه: شافت لقاسم... القديم مكرهني فيهم
علي: يلي فات مات خلاص اهي امال ردت لاهلها باتها وامها استقبلوها معدوش كلام الناس وانتي كارها وحده ميته في قبرها
ساميه: جلست.. باه خلاص ناقص غير تضربني
علي: دخل لحسين.. اهلا بالنسيب
حسين: اهلا بيك
هدرزو وضحكو ومشو جوهم
العيله كلها روحت قعد القصر مافيه الا راما وحسين وغزاله وعيالهم والشغالات
علي: كيف جت في عقلك نجيبي خالك ي راما
راما: اهو كساد
علي: بس متقعديش اضايقي فيهم
راما: معدلتش عليه
علي: راما انا مجرحتكش نفسهم ليش اتعاملي فيا هكي
راما: تي تشوف فيهم كيف يخلو فيا نتعذب ومتجيش تشوفني شن صاير فيا تشوف فيا كيف نضعف وكيف نقعد بالاسابيع بدون ماكله مافي الا غزاله هيا يلي تجيبلي في الميه بس غزاله الوحيدة يلي مستحيل نجرحها بس انتم حتنحرقوا في نار وحده مع بعض.. ناضت خذت مفتاحها و طلعت
حسين: وين
راما: طلعت ومردتش
علي: متقولش وين ماشيه هذي
حسين: اختي وراجلها مشو وخلوها بروحها رغم عيلتها الكبيره بس مفيش حد تقرب منها
علي: كله من امي
حسين: مش مهم المهم توا انها كبرت وكونت روحها بروحها وقعدت احسن منكم
علي: من قال احسن منا؟
حسين: اها احسن منكم عندها شخصيه وعندها كلمه وعندها قصر وشركات ومعارض مش نفسكم
علي: متنساش ان الشركات والمعارض من امها وباتها ومفروض الشركات يتقسموا
حسين: لا الورث كله يمشي لراما ماعندهم بنت غيرها
علي: وامي؟
حسين: امك بنت عادل؟
علي: لا
حسين: خلاص معناها متحكيش فيه الموضوع هذا هذا حق لراما وبس وربي يزيد في رزقها
علي: انشاء الله.. وقف.. هي سلام مروح انا
حسين: سلام
علي: عزاله هيا
غزاله: هي.. مشت توتي في روحها وكلمت بناتها وعيالها وروحو
حسين: يتصل براما مقفل.. اووف رديتي لعادتك القديمه
_
روٌآيَـآتٌ بنت الشريف 🫧🖤
__
أنت تقرأ
فتاة بخمسة عشر شخصيه(روايات ليبيه)
Fantasyروايتي بأسم {فتاة بخمسه عشر شخصيه} 🤍 اكيد نصدمتو من الاسم 😂 بس حتكون روايه بأحداث حلوه نبدو في التقديم🤍🤍 روايتنا الجديده تتكلم على بنت كانت ام قلب طيب وكانت رقيقه وااجد لدرجه ان على ابسط حاجه تصير دموعها ينزلو بسرعه حتى ع اتفه الحاجات وكانت دلوو...
