فتاة بخمسه عشر شخصيه🔥
راما: قاعده في سيارتها وتراقب في العيله وهيا تدخل للحوش من بعيد... كلكم جوا وحيتسكر الباب.. اتصلت بأحمد
احمد: نعم استاذه راما
راما: سكر باب الحوش والسحاب والباب الخلفي منبيش ولا باب مفتوح
احمد: حاضر
راما: تم.. سكرت ومشت جري لحوش جدها فتحت الباب ودخلت مشت لجدها
جدي
قاسم: شافلها
راما: باست يده... تعرف ان وقت نحكي معاك نكون ضعيفه صح
قاسم: خاطره يحكي بس مش قادر كل يلي يقدر يديره يحرك عيونه بس
راما: عطيني اسبوع اسبوع بس وحنسافر بيك ونعالجك توا نبي نمشي نشوف الاوراق في دار ساميه.. ابتسمتله... اكيد قاعد تقول اوراق شنو صح اممم حنقولك الاوراق يلي كتبت بيهم الحوش هذا كله بأسمها وهوا اصلا بأسم بابا يعني انا منملكش الشقه الصغيره يلي فوق بس لا نملك الحوش الكبير هذا كله بس تعرف انا مش محتاجته حنخليه ليها لان درت حوش اكبر من هذا ومش حوش قصدي قصر ووقت نسافر بيك ونعالجك بره حنقعدو عايشين فيه انا وياك بس اي صح واوراق المستشفى المزوره ع حالتك انها مجرد جلطه وانما هيا حد رماك من الدروج وتحطمت بعدها بس من هوا منعرفش ومتخافش حقك مش رايح... وقفت ومشت لدار ساميه
راما: اوووف الباب مسكر.. رفعت الفرش يلي كان تحت الباب ولقت المفتاح فتحت الباب ودخلت.. زعما وين يكون خلي نشوف الدولاب اكيد في واحد منهن..
نختصر🖤.
قعدت ادور في الدولاب ملقت فيه شي مشت للادراج ملقتش شي رفعت السرير لقت تحته سراميك يختلف ؏ باقي ديكور الدار رفعاته لقت خزنه بس شن الرمز معرفاتاش
راما: اكيد الرمز رقم لكارثه بس شن قعدت تفكر وتفكر بعدها كتبت تاريخ وفات باتها.. فتحت معقوله الرمز تاريخ وفات بابا ولا في سر ثاني ورا التاريخ هذا؟
فتحت الخزنه ولقه فيها صور وااجد واوراق شافت الصور لقتهم باتها وامها
راما: ايييه شن الغلا يلي نزل عليك داسه صورهم عندك وفي مكان امن لوين تبي توصلي بس المهم اوراقي توا
شافت الاوراق ولقت ورقت املاك الحوش بأسم باتها
راما: يعني هذي الورقه الاصليه توا باهي التزوير وين وليش تبي الحوش باسمها اصلا شن غايتها المشكله عزوووز يرا تي شن القرف هذا
خذت الاوراق وسكرت الخزنه وردت كل شي لمكانه ورتبت الدار نفس اول مره
راما: فتحت فونها وشافت صور الدار قبل ما تخربها😂.. نفسه نفس الترتيب مش باين ان كان فيها حد ذكيه ي انا
طلعت لجدها
راما: جدووو لقيت اوراق الحوش الاصليه يلي بأسم بابا وكاتب فيه تنازل ليا وقت نوصل ســـ18ـنه خلااص توا مزال سهام وخلود وسميره و يونس وانتقامهم حيكون في عيالهم وعيالهم حيتعذبو نفس ما انا تعذبت جدي كان موافق ع كلامي غمض عيونك بقوه
قاسم: غمض عيونه بقوووووه
راما: مسكت خدوده.. نعلولي نا😂😂
قاسم: يشوفلها ويشوف للباب
راما: شافت للباب
قاسم: يشوف للباب
احلام: راما انتي هنا
راما: قلبت عيونها بملل... اها عندك مشكله
احلام: لا معنديش بس ياريت اسلوبك يكون كويس معايا خير مانعلمك الادب
راما: وقفت بتطلع.. كورس الادب المجاني يلي عندك عطيه لروحي اوقفي قدام المرايا واشرحي لروحك يكون احسن.. ضربت بكتفها ع كتف احلام.. بعدي من طريقي تره
احلام: شافت لقاسم.. خذي يلي مدللها اكثر من بناتي ومتتحملش دمعتها وضربت بناتي ع خاطرها بس خذيت مني يلي تستحقه
راما: كانت ورا الباب وسمعت كلامها دخلت... يعني انتي رميتيه من الدروج صح
احلام: برمتلها بصدمه
راما: تقرب منها بشويه.. انتي السبب في حالته هذي صاح هذا عليش كبدك دم عليا
احلام: ا اا ان انتي انتي مش ططلعتي تتتووه
راما: تعابت عليها.. اا اها ااننا كنتت ن نب نبي نطلع توا
احلام: دمعتها طاحت لان عارفه شن بيصرلها
راما: ايااااه من توا تبكي تي عذابك جا بالساهل ي مرت يونس
أنت تقرأ
فتاة بخمسة عشر شخصيه(روايات ليبيه)
Fantasyروايتي بأسم {فتاة بخمسه عشر شخصيه} 🤍 اكيد نصدمتو من الاسم 😂 بس حتكون روايه بأحداث حلوه نبدو في التقديم🤍🤍 روايتنا الجديده تتكلم على بنت كانت ام قلب طيب وكانت رقيقه وااجد لدرجه ان على ابسط حاجه تصير دموعها ينزلو بسرعه حتى ع اتفه الحاجات وكانت دلوو...
