١ أميرة فتاة من الطبقه المتوسطه جميلة و رشيقه شعرها بنى طويل عينيها بنيه وجهها صافى طلتها تلفت القلوب و الأنظار وهى رسامه ممتازة فى عمرها ال ثلاثين
أدهم رجل أعمال مشهور ومثقف قوى الشخصية وصارم لديه جسد رياضى عيونه ولحيته الداكنة تعطيه جاذبيه خاصة فى أوائل الأربعين من عمره
سارة_ فتاة جميلة الوجه والشخصية مرحه وطموحه وهى شقيقة أميرة فى أواخر العشرينات تعمل فى الصحافة
رأفت _ والد أميرة رجل ذو حكمة وكرامه يحب بناته جداً فى الستين من عمره
سميرة_ والدة أميرة شخصية حنونه مرتبطة ببناتها بشدة فى الخمسون من عمرها
فريدة_ عمه أدهم فى الستين من عمرها تمتاز بالجدية والصرامه
عمر _ مدير أعمال أدهم شاب طموح ومخلص لعمله ولديه صداقة خاصة ب أدهم
** فى إحدى المناطق الهادئة التى يسكنها الطبقة المتوسطة الكادحة و ببيت مرتب ومفروش بالأثاث البسيط الراقى تحتفل أميرة بعيد ميلادها مع والدها رأفت ووالدتها سميرة وشقيقتها سارة ومع خطيبها سامح وصديقتها نهى ويقف الجميع حولها ويغنون لها أغنيه عيد الميلاد وقبل أن تطفيء الشمعة تطلب منها سارة .. سارة : أستنى ..أتمنى أمنية ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
** تغمض أميرة عيونها وتتمنى أمنية ثم تقترب من الشمعه وتطفئها .. رأفت : كل سنة وأنتى طيبة يا مرمر أميرة : وحضرتك طيب يا بابا سميرة : كل سنة وإنتى طيبة يا حبيبتى السنة الجاية تبقى فى بيتك سامح : لسه شوية يا طنط سميرة _ بغيظ : وماله يا حبيب يا طنط شويتين تلاته هاتى يا سارة الأطباق نقطع التورته ** يشعر سامح بالإحراج من سميرة فتقول له أميرة لتغيير الموقف .. أميرة : إيه يا سامح مش هتقولى كل سنة وإنتى طيبة ** يقدم سامح هديته ل أميرة وتقف حولها نهى وسارة بتطفل ليروها .. أميرة : هديتى ها هديتى عينكم فيها ليه؟ نهى _ تمزح: مش إحنا واحد يا أميرة؟ أميرة : لاء طبعاً سارة _ بفضول : إفتحيها بقى ** فتحت أميرة الهدية وأخرجت منها سلسله وإنسيال فضه ففرحت بهم جداً بينما نظرت سميرة ل رأفت وفهم بإنها لا تعجبها هدية سامح فقال رأفت لها وهى تقدم له طبق الحلويات .. رأفت : تسلم إيدك سميرة : دى هدية دى؟ رأفت : على قده سميرة : طب ما هى على قدها وحوشت وجابتله تليفون فى عيد ميلاده من شهرين ما يقدرها بحاجه عدله ولا عشان إبن صاحبك هتدافع عنه رأفت : ولا بدافع ولا هتكلم بس ماتنكديش عليها بقى هى فرحانه وخلاص سميرة : عشان خايبة ** رن تليفون سامح فخرج للشرفة ليرد فقالت نهى ل أميرة بغيظ شديد .. نهى : هو ده إللى لففتينا يومين عشان نجبله هدية ب خمس آلاف جنية سارة : قوللها حاجة لحسن خلاص أنا هطق منها هو سألها أجيبلك إيه قالتله أى حاجة نهى : أهو يعتبر مجبش حاجة أصلاً أميرة : حلوين أوى على فكره نهى_ بسخرية : المهم إنهم عاجبينك سارة : عندك حق يا نهى أصل الكلام ما منهوش فايدة
