*** نظرت أميرة ل أدهم ومسحت دموعها وقالت له .. أميرة : إنت مش هتوصلنا ل كدة صح ؟ أدهم_ يبتسم : إنتى كبرتى الموضوع ليه هى معجبتكيش ؟ أميرة : لاء حزينة أوى أدهم : هى فعلاً حزينة بس جميلة خصوصاً بمرور الوقت وألم الحب والأثنين مفيش سلطان عليهم أميرة : إنت عارف قصائد تانية ولا دى بس ؟ أدهم : عارف شوية قصائد لكن دى إللى أفتكرتها عشان إحنا ماشيين على نفس الجسر ..المهم عجبك البرج ؟ أميرة : عجبنى بس مش زى ما كنت متوقعة شكله من بعيد أجمل أدهم : فى حاجات وهى بعيد أحسن تشوفيها من قريب إنبهارك بيها يروح.. ما عدا إنتى أميرة _ تبتسم : أنا ؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
** وهنا تمر سيده تبيع الزهور بالشارع بجانبهم فيذهب لها أدهم ويتحدث معها ثم يقوم بشراء جميع الزهور التى لديها ويذهب بهم ل أميرة ويقدمهم لها فتأخذهم وتبتسم وتتورد خدودها كلون الورود ثم يمسك يديها ويقول .. أدهم : كنت معجب بيكى وحبيتك لما أتجوزتك وبقيتى معايا حبيتك أكتر وأُعجبت بيكى أكتر وأتمنيت إن عمرى كله كان يبقى معاكى
أمرة : من وقت ما دخلت حياتى وأنا حسيت إنى عايشة بجد .. شكراً يا أدهم أدهم : شكراً ؟! أميرة : شكراً عشان وعدتنى أكون مبسوطة وفعلاً خلتنى مبسوطة أدهم : تخيلى يا أميرة أعيش العمر دة كله وأتجوز مرتين وأعرف بنات بعدد شعر راسى من خلال الشغل والعلاقات وأشوفك بعدهم كلهمم ومالقيش الحب غير معاكى الموضوع مش موضوع صورة رسمتهالى ولا فكرة جتلك إنك تبسطينى وأنا مضايق الموضوع إنك خطفتى قلبى فتحتى باب فيه كان مقفول بألف قفل .. ضحكتك يومها وكلامك شغلونى طول اليوم فضلت أفكر فيكى ..عارفة أنا حاولت كتير ما أشوفكيش تانى وفعلاً كنت هخلصلك الشقة إللى كنتى هتتجوزى فيها بس كل ما أشوفك آلاقى روحى بتروحلك أكتر قولت يبقى أكيد ده الحب أميرة _ بذهول : ده الحب لية أنت أول مرة تحب فى حياتك كُنت أنا ؟ أدهم : تصدقى أميرة : إزاى أمال كنت بتتجوز من غير حب ؟ أدهم : كل جوازه كان ليها ظروفها لكن أنتى لاء إختارتك بحب وعقل وبقلب و بس صدقينى يا أميرة أنتى لو خايفة من بُعدى مرة واحدة أنا خايف من بُعدك مليون مرة أنا كل يوم بحمد ربنا إنك بقيتى ليا أنا مش لغيرى فمتخافيش وخلينا نعيش وننبسط بلاش حزن أو تفكير فى أى حاجة وحشة أميرة : طب ليه دايماً حاسة إن فى ندبه فى حياتك ذكرى سيئة أو متعبة أدهم _ بحزن : عشان دى الحقيقة وإنتى إحساسك صح أميرة : ممكن تحكيلي أدهم : أكيد هحكيلك عشان أنتى أول واحدة تحس بالوجع اللى جوايا ..لكن دلوقتى واليومين دول مش هنتكلم غير عن السعادة والحب عايزك تعملى إللى نفسك فيه تجرى تتنططى تفرحى تضحكى عيشي اللحظة بلحظتها ماتفكريش فى حاجة غير إنك تكونى مبسوطة أميرة : أنا ممكن أعمل كل ده وبراحتى إذا كنت معايا يعنى لو هجرى فى شوارع باريس هتجرى معايا مش هتحرك خطوة من غيرك أدهم : أنا مينفعش أجرى أنا ينفع أصورك أعملك أى حاجة تتمنيها لكن أجرى و أتنطط ميصحش خالص أنا أدهم الهجان أميرة : أحب أقولك يا أدهم بيه يا هجان أنك هتجرى معايا وورايا هنلعب وهنتصور وهنفرح أوى أدهم : مش هيحصل مستحيل أجرى ..
