اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
٦
** كان أدهم يحدث أميرة وهو يقف أسفل العقار وينظر ل أعلى فإلتفتت أميرة ونظرت للشارع فرأته وإنصدمت بشدة من وجودة ونظرت له أيضاً داليا وضحكت وقالت .. داليا : أوعى الجنان أميرة : إنت .. إنت إزاى جيت هنا ؟ أدهم : هتنزلى ولا أطلعلك وأبينلكم الجنان إللى بجد زى ما بتقول بنت خالتك؟ أميرة _ ل داليا : أعمل إيه؟ داليا : إنزليله طبعاً ماما نايمه هيطلع إزاى أميرة_ ل أدهم : زى ما أنت أنا هنزلك ** خرجت أميرة من الشرفة للصالة ثم أرتدت حذائها وجاكيتها ونظرت فى المرءآة تعدل شعرها وملابسها ثم تفتح باب البيت بسرعة وتنزل ل أدهم لكن قبلها هدأت قليلاً حتى لا تظهر له مدى سعادتها بوجوده وإصتنعت الغضب .. أميرة : إنت إزاى تيجى لغاية هنا هتجيبلى الكلام ؟ ** مد أدهم يده ليسلم على أميرة فسلمت لكن يدها إرتجفت فى يده فتركها وقال بحب .. أدهم : واحشتينى أوى أميرة : أدهم بجد ممكن كده تعملى مشكلة لو بابا وماما عرفوا إنك جيتلى إسكندرية وأنا لوحدى أدهم : و إنتى جيتى هنا لوحدك؟ أميرة : أيوة أدهم : ليه ؟ أميرة _ بتوتر: عشان ..عشان بفكر فى طلبك أدهم _ بسخرية: حبيبتى هو أنا طلبت منك نهاجر أنا طلبتك للجواز وبعدين إزاى تيجى هنا لوحدك وإزاى ماتقوليلش أميرة_ بسخرية: صح المفروض كنت أخدت إذنك أدهم : هو إنتى هترجعى ل سامح أميرة _ بتعجب : سامح ؟! لاء طبعاً أدهم : طب أنا عايز أتكلم معاكى كتير أميرة : ماشي هنروح فين ؟ أدهم : على البحر طبعاً أميرة _ لنفسها : البحر نفسه هيقولك إنى بحبك بقالى إسبوع بحكيله عنك …
** تجلس نهى مع سامح فى سيارتها ويضحك سامح عليها فهى متوترة للغاية ووجهها شاحب .. سامح : معقول من كلمتين عملتى كده أمال لو نفذ تهديده نهى : أنا كنت فاكرة إنه فرصة هقوله كلمتين هيصدقنى هدخل عليه بالكعب والأحمر هيريل مانا عملت كدة مع أربع مديرين فى شركات ونفع سامح : مديرين مش أدهم الهجان نهى : نظرته لوحدها رعبتنى خلى أميرة تشبع بيه ده يا حظها الأسود لو زعلته فى مرة سامح : مالناش دعوة أنا عن نفسي فسخت الخطوبة وريحت دماغى نهى : مع إنى مستغربة إنك تفسخ الخطوبة وتشيل أميرة من دماغك كدة مرة واحدة إلا إنى بقولك لو كان أدهم حطك فى دماغه عشان يوصلها كنت خسرت كتير سامح _ لنفسه: غبية يا نهى مش أنا إللى هطلع خسران إنتى بس إللى بتفكرى غلط وفاكره حلاوتك ولبسك وحواراتك العبيطة هيخلوا أى واحد يجرى وراكى غبية.. ** بالفعل لم تكن نهى على درايه كافيه بوجود أشخاص كأدهم فى الحياة و كانت تظن أن ملابسها و دلالها على أى رجل مكسب لها حتى فى محاولتها فى تلفيق إتهامات باطله للآخرين ظنت إنها ستتفتح لها الطرق فهى دائماً تختار الطرق الصعبة الشائكة لتجتازها لكنها لم تفلح أبداً فلا يحيق المكر السئ إلا بأهله ..
