**تجلس فريدة و سميرة بالصالون يتحدثون وينزل أدهم وأميرة يتفاجئون بوجودها ويلقون عليهم الصباح .. أدهم: صباح الخير فريدة، سميرة: صباح النور أميرة : ماما حبيبتى انتى بخير سميرة: الحمدلله بخير بس قلقت عليكى لما عرفت اللى حصل فريدة: أنا قولتلها تطمن خالص أميرة مع جوزها ومامتها التانيه **تنظر أميرة ل فريدة وتبتسم ثم تحضر إبتسام الفطور وتأتى لتخبر فريدة.. إبتسام: الفطار جاهز يا فريدة هانم فريدة_ل سميرة : إتفضلي إفطرى معانا سميرة: لاء شكراً إتفضلوا انتوا بالهنا والشفا أنا هروح إطمنت على أميرة خلاص أميرة_برجاء: عشان خاطرى يا ماما إقعدى إفطرى معانا أدهم_ل سميرة : أميرة لو قالتلى عشان خاطرى مقدرش معملهاش اللى هى عايزاه **تنظر أميرة ل أدهم بسعادة وتقول سميرة وبداخلها إطمئنان كبير على أميرة إنها فعلاً فى يد أمينه سميرة _ل أدهم : ربنا يجبر بخاطرك دايماً زى ما بتجبر بخاطرها **يجلس أدهم و أميرة وفريدة وسميرة على السفرة يتناولون الإفطار فتقول فريدة .. فريدة : أحسن النهاردة يا أميرة ؟ أميرة : الحمد لله أدهم_يغيظها : لا بقت أحسن كتير كانت بتجرى فوق ** نظرت أميرة ل أدهم لكى لا يُحرجها أمام الجميع فقالت سميرة بتعجب.. سميرة : ليه يا بنتى بتجرى؟ مش قولنا نهدى و نركز أميرة _بإحراج : أبداً يا ماما أنا هادية ال .. السلسلة وقعت كنت بدور عليها أدهم _ بخبث : أمم كانت مستعجلة عشان ماتتأخرش عن الفطار مع فريدة هانم فريدة : بتفهم ** ضحكت أميرة على رد فعل فريدة والتى أحرجت به أدهم دون أن تدرى و أخذ أدهم كوب ماء وشربه ونظر ل أميرة بتوعد.. سميرة : عملت إية يا أدهم مع الحرامى .. سلمته ؟ أدهم: لاء هو مع الحرس واعترفلهم مين اللى سلطه أميرة: مين إللى عمل كده؟ فريدة: أكيد حد غبى زى إللى بعتهولنا.. عاقبة يا أدهم عقاب يسمع الناس كلها سميرة: الطيب أحسن أدهم : إللى يسيب حقة غبى مش طيب فريدة : جاتله الجرأة يدخل بيتك و يضرب نار بمكالمة واحدة أخليه ما يشوفش نهار تانى *تنظر سميرة وأميرة لبعضهما بذهول مما يسمعوه من عائلة الهجان التى لا تتنازل أبداً عن حقها..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
** بعد إنتهاء الإفطار يدخل أدهم ل مكتبه وتحضر له أميرة القهوة وتدخل له بها فتسمعه يتحدث بهاتفه قائلاً .. أدهم : أيوة إسمه سامح محمود البنهاوي .. تمام .. ** يغلق أدهم الهاتف وينظر ل أميرة التى تضع القهوة على مكتبة فتسأله.. أميرة : كنت بتتكلم عن سامح ؟ أدهم : اه الشيك أتصرف خلاص أميرة_ تتنهد : طب كويس كدة خلصنا منه أدهم _ يبتسم : إطمنى خلصنا أميرة _ تمزح معه : كدة تحرجني قدام ماما و طنط وتقولهم بتجرى فى الأوضة أدهم :مش أنتى إللى نزلتينى زعلان أميرة : زعلان بجد يعنى؟ أدهم_بغضب مصتنع : أيوة طبعاً أميرة : وأنا ميرضنيش زعلك ** تقترب أميرة من أدهم و تلف ذراعيها حول عنقة وتنظر لعينيه بكل حب و تقبل شفتيه بهدوء ليغمض عينيه مستمتعاً بقبلتها ثم ينظر لها بإعجاب ويحاوط خصرها بذراعيه .. أميرة : كدة رضيت؟ أدهم_يتنفس: أنتى وجودك خطر أميرة _ بتوتر: يعنى إية ؟ أدهم : بتخلينى أفقد تركيزى بمجرد ما بشوفك تفتكرى هتخلينى ثابت و انتى فى حضنى بالشكل ده أميرة : مايهونش عليا زعلك منى حتى لو كنت بتهزر..أسيبك تكمل شغلك عشان معطلكش أدهم : أنا هخلص شوية شغل وعندى مشوار لو تحبى نخرج بليل نتعشي بره شوفى المكان اللى تحبيه ونروح أميرة : إختار أنت المكان على ذوقك وأتصل بيا أجهز نفسي أدهم: أى مكان حلو معاكى ** تبتسم أميرة ل أدهم وتقبل خده وقبل أن تخرج من المكتب تلتفت ل أدهم الذى مازال عينه عليها لاتفارقه وتسأله.. أميرة : هو مين إللى باعت الحرامى؟ أدهم _ بجمود: متشغليش بالك الموضوع أتقفل ** تتفهم أميرة أن أدهم لا يريد إخبارها فتومأ رأسها له و تخرج من المكتب تسأل نفسها.. اميرة: يا ترى مين اللى باعته
