بطلة حياتى ل صفية صالح

١٧

** يدخل أدهم ل أميرة غرفة الملابس يراها تقف وعينيها مليئة بالدموع وتنظر لزجاجة العطر التى أنكسرت على الأرض وتفتت فيقول بلهفة ..
أدهم : حصل إية ؟
أميرة _ بحزن: وقعت إنكسرت
أدهم : مش مهم المهم  أنتى كويسة الإزاز جه عليكى ؟
أميرة_ بحزن : لاء
أدهم :  بتعيطى ليه ؟ تعالى معايا سيبى كل حاجة مكانها الصبح إبتسام تنضفها
** يخرج أدهم من الغرفة ممسكاً بيد أميرة التى بدأت دموعها تنزل بغزارة على خديها الذى تحول لونه للأحمر ففهم أدهم أنها حزينة ممن حدث فأمسح دموعها وقال بهدوء..
أدهم : مالك زعلانه ليه؟ أنتى مش قولتيلى إنك مش زعلانه  انى روحت عند ليليان ؟
أميرة_ بغضب : بس مقولتش أنى مش غيرانة ومش متخيلة إنها ممكن تكون حاولت معاك قربت منك أو حضنتك.. كفاية أصلاً أنها بتفكر تاخدك منى .. وعلى فكرة مش هيحصل مش هتاخدك منى ومش هسيبك ليها
أدهم _بهدوء : طب أهدى أنا مش هروح معاها
أميرة_ بتحدى: دا أكيد أنا مش هسيبك ليها أصلاً
أدهم : أنتى صح ماتسبنيش ليها
** كانت أميرة تتحدث بغضب ملئ بالغيرة والحب  كما أن أدهم أحتواها جيداً لكى لا يزيد غضبها وراعى شعور الغيرة لديها الذى كان سعيداً به بداخله فقد كانت تفرك يدها ببعضها من توترها وغيرتها ..
أميرة_بتحذير: أنت مش هتشوفها لا هنا ولا فى الشركة ولا تروح بيتها
أدهم : حاضر مش هشوفها أهدى بقى عنيكى ووشك كلهم محمرين من الزعل
أميرة : زعل ؟ أنا مش زعلانه
أدهم _ بحب: واخد بالى
أميرة_ برجاء: أدهم أوعى تروحلها عشان خاطرى
** يقرب أدهم أميرة لحضنه فتتمسك به بشدة ويربت على شعرها ويقول بهدوء..
أدهم : أجمل واحده غيرانه فى الدنيا
** تبتعد أميرة قليلاً وتنظر له بتحدى وتقول..
أميرة : مش هتاخدك منى لاء .. دى بتحلم هى فكراها سهلة
** تقترب أميرة من حضنه مرة أخرى فيربت أدهم على شعرها ويهز رأسه موافقاً على حديثها ثم تبتعد مرة أخرى فيمسح وجهه بيديه يحاول الهدوء على تصرفاتها الغاضبة الجميلة فتقول بتوعد ل ليليان
أميرة : ماشي أنا لو شوفتها هلخبط وشها
أدهم : لخبطى يا حبيبتى بس أهدى أهدى أنا معاكى أهو..
** تنظر أميرة ل أدهم وتقول ..
أميرة : أنت بتاخدني على قد عقلى ولا إية ؟
أدهم : وماله عقلك يا حبيبتى دا مفيش أحلى منه
أميرة: فعلاً أنا عاقلة حتى شوف أنا أخدت الموضوع بهدوء إزاى
أدهم _ لنفسه : كدة بهدوء فاضل إية غير إنك تروحى تقتليها
أميرة _بتسرع  : أنت سرحت فى إية بتفكر فيها؟
أدهم : لاء طبعاً أنا بس عايزك تهدى شوية .. أنا بحبك ومبحبش أى حد تانى وقولتلها كدة صدقينى
** هزت أميرة رأسها وإبتسمت فقال أدهم بتعجب ..
أدهم : إية ده مش هتقوليلى بجد؟
أميرة : مصدقة كلامك وعارفة إنه بجد
أدهم : يعنى إطمنتى وهديتى
أميرة : أه خلاص بس هروح أشيل الإزاز عشان ممكن تنسي وتدوس عليه
أدهم : سبيه عشان ماتتعوريش أنا هخلى بالى و هخلى بالى عليكى وعلى قلبك الجميل ده
** ابتسمت أميرة ل أدهم فأقترب منها وقبل جبينها بكل حب لتلمع عينيهما من الغرام والعشق لبعضهما ..