Song recommendation for this part :
" Jaded "
~
" ခွမ်း !!! "
ဖန်ခွက်တစ်ခုကျကွဲသံကြောင့် အိပ်ရေးဆက်သူ
ကျန်းဟာအိုမျက်လုံးများမှာချက်ချင်းပွင့်လာခဲ့သည် ။
နိုးနိုးချင်းအိပ်ယာပေါ်တွင်သူတစ်ယောက်တည်းသာ
ရှိနေသောကြောင့် ဆောင်းဟန်ဘင်းတစ်ခုခုများ
ဖြစ်နေတာလားဆိုတဲ့ အတွေးနဲ့ အိပ်ယာကပေါ်က
လျင်မြန်စွာထကာ ဧည့်ခန်းထဲသို့အမြန်လှမ်းမိသည် ။
လက်ကနာရီကိုကြည့်မိတော့လဲ နံနက်ခုနစ်နာရီသာ
ရှိသေးတာဖြစ်ပြီး သူနှစ်နာရီလောက်ကောင်းကောင်း
အိပ်ပျော်သွားပါသဖြင့်ခြေလှမ်းတွေကသွက်လက်
နေခဲ့လေသည် ။
သို့သော် ဧည့်ခန်းထဲကဖန်ကွဲစတွေပြန့်ကျဲနေပြီး
လက်တွင်သွေးများစိုရွှဲနေပါသည့်မြင်ကွင်းနှင့်အတူ
ဆောင်းဟန်ဘင်းကို တွေ့လိုက်ရသောအခါ
ကျန်းဟာအိုမှာ ခြေလှမ်းတွေကိုတုံ့ခနဲရပ်လိုက်မိသည် ။
" ဟန်ဘင်း.....ဘာဖြစ် "
ကျန်းဟာအိုကစကားကိုဆုံးအောင်မမေးလိုက်ခင်မှာတင်
ဆောင်းဟန်ဘင်းခြေထောက်နားမှာကျနေတဲ့ သူ့ရဲ့
ဖုန်းနဲ့အတူလင်းနေသောမျက်နှာပြင်ကြောင့်
ကျန်းဟာအိုမျက်နှာတစ်ခုလုံးတွင် စိုးရိမ်စိတ်များက
ပြည့်နှက်သွားသည် ။
" ပျော်လားဟမ် ? "
ဆောင်းဟန်ဘင်းရဲ့သွားကြားထဲက အံကြိတ်သံနဲ့
ပြောလိုက်သောစကားမှာ ကျန်းဟာအိုရဲ့
အရိုးထဲသို့စိမ့်ဝင်သွားကာ သူ့ရဲ့ကြွက်သားများ
အားလုံးကိုတောင့်တင်းသွားစေသည် ။
" ငါ့ကိုရှင်းပြခွင့်ပေးပါ ။ မင်းနားထောင်ပြီးသွားရင်
ငါ့ကိုနားလည်သွားလိမ့်မယ် "
" ကျွန်တော်ကခဗျားကိုပဲ ထပ်ပြီးနားလည်ပေးရဦး
မှာလား ။ ကျန်းဟာအို ဒီလိုဆိုဘာလို့ဒီနေရာထိတောင်
အပင်ပန်းခံပြီးရောက်လာသေးတာလဲ ။ "
ဆောင်းဟန်ဘင်းရဲ့ ခနဲ့တဲ့စကားကြောင့်
ကျန်းဟာအိုရင်ဘတ်ထဲတွင်အလွန်တင်းကျပ်
သွားရသည် ။
သူဖြစ်ချင်ခဲ့တာဒီလိုမဟုတ်ကြောင်းကိုတော့
သူသေချာပေါက် ဟန်ဘင်းနားလည်အောင်
ရှင်းပြရမည် ။
YOU ARE READING
All in You
FanfictionI like him but we're not meant to be..... Start Date : 3.7.2023 End Date : 10.8.2023
