الهَوى اسّرار وهَواجِيس واحّلام ... والىَ متّى واحّلام وصِلك بعّيده

البارت التاسع

'
مشت تطلع مع السلالم لأنها تفضل المنظر بحكم ان السلالم كلها زجاج والمدينة تحتها ، تمشي بهدوء ينتظرها عشرين سلم بالضبط ، ابتسمت تلحن بصوتها وتغني أحد الأغاني وهي تقول :
غيابك لعنبو هذا الغياب ! اللي مامنه فود كسر حجر الضلوع وضيق الخاطر ولا سّره ، طلبتك لاتخلي للعواذل تكثر المنقود انا مضطر وطباع العواذل حيل مضطرة
كانت تقصده بشكل غير مباشر ، ابتسمت ترتب حجابها ونقابها وترتب أوراقها ، وصلت للطابق الثلاثين ولفّت تشوفه واقف وابتسم لها ووقفت بفشلة ونطقت تبرر أختيارها للسلالم عوضًا عن المصعد : أحب المنظ..
قاطعها وهو يمشي لها وقال : افا ليه جايه الطريق كله ؟ أحرق المصعد اذا هو عطلان وأنتي تبينه
توسعت عيونها بهدوء وقالت : ايش ؟
سلطان : ودي أصافحك ي أخت مطلق الرجال
ظبيه شّدت على يدينها وقالت : أرجوك لا يوصله علم
ارتخت ملامحه يناظر بكلامها ونطق : ليه عسى م شر ؟
ظبيه : اعرف مطلق عنده ردود فعل ومادري وش ردة فعله اذا عرف اني اشتغل بشركة خويه
سلطان ابتسم وقال : ايه بس أنتي م تسوين حاجه غلط بالعكس أبهرتيني بأول أسبوع وصرتي ليدر قروبك بغضون شهر واحد بس ، تعرفين إنه محد يقدر يثير أعجابي بهالسرعة ي أخت مطلق
ظبيه نزلت عيونها وقالت : الله يرفع قدرك وجعلني عند حسن ظنك
سلطان : وقدرك ي أخت مطلق
زفرت بملل وقالت : أنتبه تناديني كذا داخل أسمي ظبيه
ضحك سلطان وقال : أبشري لا تشيلين هم
مشت تتخطاه وتدخل لمكتبه ، هي من بعد سالفة لجين ماصارت تتحمل تشوفه لمدة طويلة ونشف دمها من طلع قدامها لحاله ، رفعت عيونها تشوف لجين وحامد وعماد جالسين ، تقدمت تجلس وهمست لها : تأخرتي
ابتسمت بسخرية وقالت بهمس : بتتمنين اني م جيت من الأصل
دخل سلطان وقال : اهلاً فيكم طبعًا قبل ساعات كلموني طاقم الأمن فالمبنى وكلموني عن حاجه صارت قبل م يقارب أسبوع الى أسبوعين من الان والصراحة ضاق صدري شوي ولما عرفت مين المظلوم فالسالفة هذي ضقت زيادة يعلم الله ومن هذا المنبر راح تعرفون ان الحق بيطلع ولو بعد سنين محد بينأخذ منه حاجه وبيندفن رأيه وبدون م يطلع حقه ويأخذه ! كل شيء بيجيني وبيكون عندي علم فيه
جلس على طرف الطاولة ، وزفر غضّبه ومدد أصبعه على جسر خشمه وأردف : لجين أعتذري لظبيه
وقف نفسها وحركتها وهي تناظره جالس قدامها بالضبط ، هو شلون عرف وريحها من الدوشة اللي كان ممكن تصير فالمكتب بينها وبين لجين ، ابتسمت ابتسامة عريضة وبرزت بعيونها من أصبحت ضيقة وراء نقابها ، رفع راسه وابتسم من شاف عيونها وصدّ علطول ينطق : وقدمي استقالتك لمشهور برا
وقفت برعب وتوتر ونطقت : بعتذر..بعتذر منها بس م أبي أنطرد
قام يضبط ثوبه ونطق : حامد وعماد بتجي اليوم سمية بديلة لجين ولا تقصرون معها
حامد وقف وقال : تبشر ولايهمك
سحب عماد وراه ومشوا يطلعون ، لفّت بحسرة لها ووقفت ظبيه قدامها ونطقت بصعوبة : أسف..أسفه
شالت اغراضها ومشت تتخطاها وتتخطى أسفها اللي م عمرها أحتاجت له ، ضحكت بإنتصار تمشي وتصعد المصعد مع حامد وعماد ينزلون للطابق العاشر ، لفّت له ورفع كتوفه بمعنى ' مايهمه ' وضحك يجلس بكرسيه ويمّد لها أوراق استقاله ونطق : تفضلي
وقفت قدامه ونطقت بحرقة : بتندمون !
ابتسم لها وقال : صادقة بنفقد سراق أفكار
وقعت استقالتها وطلعت من المكتب ، ابتسم مشهور وقال بصوت عالي : درب السلامة يا حرامي
مشت تصعد على المصعد وتطلع من الشركة لأول وآخر مرة ..
~ حيّ الياسمين ، فيلا عقد ~
جالسة فالصالة وقدامها الخدم منتشرين يسوون أظافرها لها ، بكره أول جلسة ولازم تكون بكل قوتها ، تسمع لأديل ومروقه وتفرفر بجوالها ، وصلها أشعار يقول : تم تحديث المحاكمة..
سحبت الأشعار ودخلت عليه ووقفت بصدمة من شافت تم تعيين مُدعي عام للقضية ، عضّت شفايفها السُفلية لثواني وهي تفكر وقالت : شكلو الموضوع حيكبر دام وصل للنيابة !
زفرت بملل وقالت : ولسى يقولو شويا ويتحدث ويحطو اسمو للمُدعي
جلست ثواني ووصلها أشعار بتحديث أسم المُدعي وسحبت جوالها تقرأه وتوسعت عيونها على مصرعيها من قرأت أسمها ، أسم عهدت تسمعه من فترة طويلة جدًا ، صاحبة عمرها ورفيقة دربها الطويل اللي مشوا فيه يد بيد وم تخالفت أطرقتهم ابدًا ، نطقت بصدمة : لا ي زيتونه !!
ولأول مره بتجرب تكون ضدها بتجرب تكون عدوتها داخل الميدان وكل وحده فيهم بتقاتل لأجل نفسها ، لأول مره مابيتماشون بنفس الدرب ولا بيتوافق كلامهم لبعضهم كل شيء ضد وضد ، هي مع الدرب السهل والصح وزيتونتها فدرب الهلاك تخطي خطواتها وتملئ يدينها بالسواد والظلم ، هي تدري أنها انجبرت على هالقضية واستحالة تقدر تنسحب لأنه م بقى لها وقت للأنسحاب ، أنتهى كل شيء وانقضى سطّام بصفه عِقد وبجاد بصفه وصال ومُدعية القضية اسرار ..
~ فالديرة ~
جالسة قباله وتشوف وداد بجانبه ، تغيير عليها بالحيّل وياه واللهفة اللي تحسّ فيها له ، لهفة لحضّنه لهفة لأمانه ولهرجه اللي يحمل لها كل معاني المودة والألفة والقُرب ، رفع عيونه يناظرها ونطق ببرود : بتأخذين صف مين ؟
نطقت بنفس الطبقة والبرود : العدالة وبس
وصال ابتسم ع جنب وقال : بنشوف اذا قريتي الأسماء..
قاطعته من قالت : تقصد عِقد ؟ ماهمتني
توسعت عيونه وضحك بخفه وقال : افا ! الحين م صارت تهمك ؟
اسرار : وشفيك استعجلت خلني أكمل م تهمني داخل المحكمة ولا خارجها فأشهد بالله انها تسواك وتسوى سنين عُمر معك
صدّت لفنجالها ونطقت وداد بهمس : الحين هي اللي طمرت لحضّنك ؟
هز راسه بنعم وكملت تشتمها وقذفتها ، توسعت محاجرها الخُضر ونطقت : م برحمك حتى لو إنك زوجته وبنت عمي !
وداد ضحكت وقالت : شكلك نسيتي ان زوجي محامي ؟
قامت توقف وقالت : بنشوف زوجك وش بيسوي ضد كل الأدلة اللي بتطلع ضدهم بكره
وصال : اذكري الله وتذكري اني أخوك..
قاطعته وهي تنطق بدقن راجف : عن ايش تتكلم وش أخ وصال ؟ تستهبل ولا ناسي ان م بيني وبينك الا رضاعة أمي !
عضّت شفايفها لثواني تمنع بكائها ونطقت : أقصد عفيفة ولا تحسب م سمعتك بهذيك الليلة وأنت تحاكي منّير !؟ وتقول عن أي أخت تتكلمون الحين أنا أقولك نفس السؤال عن اي أخ !! واسمعني زين أنت وغيرك من الأفراد فالقضية بكره اللي قدامكم المُدعية العامة اسرار بنت محمد بن حمد آل يزيد لا أخت ولا غيره واحسن لك تتعود وتطلع نفسك من هالخُزعبلات اللي انا وأنت ندري بعدم مصداقيتها وعدم وجودها
سكتت تأخذ نفس ونطقت : مع الاسف !
مشت تطلع لغرفتها من عندهم ولفّ لوداد وزفر بغضّب وقال : والحين وش السواه
ابتسمت ابتسامة عريضة لأن خطة منيرة وأُمها بتنجح وقبعت العلاقة بين وصال واسرار ، همست تحت انفاسها وقالت : يعني م بيطلقوني منه وبعيش معه طول العمر !
ابتسمت له وقالت : اصب لك شاهي ؟
هز راسه بنعم ومسكت بيالته تصُب له ..
~ غرفة اسرار ~
جلست على فراشها المحطوط على الأرض تتأمل الفراغ وتفكر بالأحداث اللي بتصير لها بكره ، سطّام نجح وسحب عِقد بصفه لكن هي مستحيل تخاف من عِقد رُغم نجاحها بعملها وقوتها فالمحاكم ، هي تدري اذا الموضوع عنها عِقد بتكون رقيقة ومابتكون بنفس عادتها لكن مابتجزم لأنها حاسبه لكل شخص ألف مليون حساب ، عضّت طرف أصبعها وجهزت جميع الملفات اللي بتحتاجها بكره ، هي لقت ملفات سابقة بحق بجاد وكانت سرقة فالبقالة ومتاجر الفواكه والخضار وهو بعُمر الطيش ، ابتسمت بهدوء وقالت : ممكن م تحتسب لكن بيكون عندهم علم بالسرقة اللي تجري مجرى الدم في جسد بجاد وغير كذا لقينا للرسام صفحات سوداء
ابتسمت تشوف الإيميل اللي وصلها عن سطّام وعن المواد للشركة الخاصة في وكيف كان دخولها للسعودية غير قانوني ، وغيرها من الرسمات لأشخاص فاسدين فالبلد وخارج البلاد وكل فلوسهم طريقها حرام ، ضحكت بسخرية وقالت : تدخل بيتك فلوس حرام يالرسام ؟
وصلها إيميل ثاني وفتحته وأنصعقت برعب من شافت مقاطع فيديو له وهو يقايض بلوحاته لأحد الفتيات في شوارع مدينة خارج المملكة ، كانت واقفة وترجف بصدمة ولا هي قادرة تتكلم وأنرسل لها إيميل يقول : أتوقع كذا كفاية ؟
حملت كل شيء بجهازها وحظرت الإيميل وقفلت اللابتوب حقها ، رمته بعيد عنها وجمدت بمكانها لمدة طويلة تفكر باللي يصير بكره ، وكل مايجول بعقلها هو ليه رفع قضية على سرقة وكل شيء يسويه حرام ، ليه يوضح للكل انه بريء بالحكاية اللي بتصير بكره ، مسكت راسها بصدمة وقالت بحدة : تعقب تفوز بقضيتك وأنت م تأكدت ان السارق بجاد ولو اني اكره الطرفين تعقب يالرسام !
نطقت كلامها وانسدحت تتأمل السقف بحزة عصر ، هي تدري ان عِقد بتسأل من وين جاتها الأدلة بحقم سطّام لكن هي بدأت تضمن فوز بجاد وتنتهي من شر بتال ، سكتت لثواني وسكتت صوت أفكارها ونامت بهدوء ..
~ بيت مطلق ، السطح ~
يشرب من زقارته ويروي بها جوفه ، ضحك من تذكر أنهياره قدام جده وكلامه عن بنت سِت المُدن كله ، وضحكات جده وقطاته عليه وكيف كان يقوله : جابت رأسك يابِكر مشبب !
يقصد بكر العيال لمشبب ولده ويقصد فيها أن مطلق ماهو حق هالحركات لكنه فالأخير طاح ، ابتسم يشوف ضاحي يترقص من شافه وقال : من بلاه الهوى ربي يعييّنه ؟
ضاحي ضحك بصوت عالي وقال : حرام أن قد بلاه بين جنوبك
ضحك بخفه يرمي زقارته وينطق بهمس : صابه الهم ولا مات مغبوون
نزل عيونه لضاحي وقال : لبيه يبن مشبب ؟
ضاحي : لبى قلبك بطلع مع نايف
مطلق : والله إني معلم وش وراء الطلعات معه لكن انبسط وأطلق حجاجك
ابتسم ضاحي وقال : أبوس خشمك يشيخ
طلع يركض من الاسوار وركب مع نايف يغادرون ، صدّ وقال بضيقة صدر : والله إنها أغرب بشر يُمر علي حسيت وبرُغم قصر الوقت معها بمليون شعور ! وحسيت إني قضيت معها سنين طويلة وآه يحُر صدري على الفرقى والمفارق هذا بلاء وأبتليت به عسى الله يعينيّ وأقضيه واتناسى من غنوج المدينة !
مضى وقت طويل من آخر لقاء صار ، من رفضها له وذهاب كلٍ منهم في طريق عودته للمكان اللي ينتمي له ، بينسى مطلق وبيساعده الوقت والزمان ومرور الايام ينسى ، ونست عِقد بإنشغالها بنفسها وزينتها وسفراتها ، قام ينزل من شاف ظبيه راجعة من دوامها وابتسم ينطق : ارحبي واقبلي يالظبي العفر
ابتسمت له ومشت تركض لحضّنه ، ابتسم يضمّها وينطق : م كأنك ابطيتي اليوم ؟
ظبيه ضحكت وقالت : بس مرره مستانسه
ابتسم لها وقال : جعلها تدوم الوناسة وجعل سببها يدوم دامه ونسك
ظبيه : سلط..
رفع حاجبة وقالت بتوتر : سلطانتي
مطلق ابتسم بأستغراب وقال : سلطانة ؟
هزت راسها بنعم وقالت : ايه ايه سلطانة خويتي العزيزة على قلبي
ركضت تدخل وهي تنطق : بصلي وبنام لحد يجيني
مطلق : انك تعرفين محد يجيك
لفّ للحوش وابتسم من تذكر جده ونطق : كان والمراح للشيبه كل شوي اهجد !
مشى يدخل للمجلس ولبس ثوبه بدال قميصه ونزل يركب الشاص ويدعس للحلال ..
~ أحد الشقق السكنية بالرياض ~
ضحكت وهي طالعة من الشور ونطقت للي يتصل فيها على الجوال : تمزح ! أول م عرفت ان عليهم قضية جيتك ابي مقاطعك السابقة في تايلند لما بعت الصحن المستطيل للرجال هذاك وارسلتها للمُدعي اللي بيمسك القضية لأنه بيتكلم عن كل شيء
.. : تعجبيني تعجبيني شفتي كيف دارت الدنيا ؟
لجين ضحكت بسخرية وقالت : توو م كمل كلامي خمس ساعات وهذا هو انتقامي لسعادة مديري التنفيذي السابق
.. : اسمعي مشغول باقي تبين شيء ؟
هزت راسها بنفي مدعية انه يشوفها ونطقت : سلامتك عبوش
قفلت عبدالرحمن ولفّت تشوف المدينة وراها ، ضحكت بإنتصار وقالت : يارب عاد تصدقون وتمشي عليكم
رجعت من الشباك تمشي لدولابها تلبس وبعدها تسافر خارج السعودية ..
~ يوم الثلاثاء ، صباحًا ~
فالمحكمة العليا ، الكل مجتمعين وينتظرون القاضي يدخل ، ابتسمت لسطّام وقالت : اشبك متوتر ؟
سطّام ابتسم وقال : م افطرت
توسعت عيونها وقالت : افا عليك تبى قهوتي لسى م شِربتها
سطّام هز راسه بنفي ومدتها له تنطق : اقول امسك وارحمني مع الحركات دي !
ضحك ياخذها منها ويشرب بهدوء ، لفّت بتوتر ونطقت : فينك ي زيتونه فينك !
هي باقي م وصلت ومستحيل تبدأ المحكمة قبل حضور جماعة الإدعاء العام ، جلست بتوتر تشوف بجاد ووصال موجودين وأبو بجاد ونايف ، صدّت وهمست : اسمع سطّام
لفّ لها ووقف بصدمة من شافها تدخل ووراها جماعتها بزيهم المعروف والمميز بين حضرة المحاميين ، تمشي بكعبها وبكل ثقة ورجالها ومساعدينها وراها ، ابتسم بخفه ونطق : وش جابها ؟
عِقد وقفت ومشت لها وابتسمت بوسع ثغرها تضّمها ، ابتسمت اسرار وقالت : جاهزة حبي ؟
عِقد عبّست بشفايفها وقالت : لأ
ضحكت من نطقها وقالت : دخلنا ؟ وصل القاضي
هي من كرهها للمنظر اللي شافته فيه أمس م تبي تشوفه ولا تتلاقى بعيونه ، صدّت تدخل لقاعة المحكمة ودخلوا كلهم من بعدها ، جلست وقالت : مريم جهزي كل شيء ببدأ أول وحدة
مريم ابتسمت وقالت : زين لا تحاتين
اخذت نفس طويل وزفرته ، تشوف الكل يجلسون بأماكنهم ومن جلس القاضي ونطق : بسم الله الرحمن الرحيم حضرة المُدعين ؟
قاموا كلهم وتنتصفهم اسرار ، ابتسم القاضي بهدوء وقال : بدينا ع بركة الله
اخذت نفس طويل وزفرته ومشت تطلع من مكانها وتوقف بمنتصف القاعة وتنطق : أول شيء سلام عليكم ورحمة الله وبركاته حضرة القاضي والمساعدين والمسؤولين بهذي القضية وعلى المحاميين ، ثانيًا مشوارنا طويل لكن القرار الأخير واللي كلنا نثق به عندك حضرة القاضي
هز راسه بنعم وكملت اسرار تمشي بالقاعة لحّد م وصلت لبجاد ونطقت : بجاد بن بتال بن حمد مُتهم بهالقضية بالسرقة لكن للأسف مافيه شهود أعيان ولا دليل ملموس لسرقته مجرد لقطة كاميرا م توضح لنا مين هو الشخص الموجود فالفيديو ولا شيء
قامت عِقد ونطقت بحدة : أعتراض !
ضرب القاضي ونطق بحدة صوته : مرفوض باقي المُدعية تتكلم !
ابتسمت اسرار بخفه وصدّت عن عِقد ونطقت : بنطقي لهذي الأحرف والكلمات لا يعني أنني أتخذت من بجاد صفًا لي ! حاشا وكلا فعند البحث مطولاً أتضح إن الشيخ بجاد له ماضي مع السرقات سواء فالمحلات او الخضار ومحلاتها وغيرها
القاضي : دليلك
أشرت بأصبعها لمريم وتقدمت تمد لها الملف ، مشت للمساعدة وشافته ومدته للقاضي وشاف الصور والأدلة ونطق : وكم كان عمر المُتهم ؟
اسرار ضمّت كفوفها خلف ظهرها بثقة ونطقت : لسى بعمر الطيش
القاضي : ممكن م نحتسبها لكن كملي
اسرار ابتسمت وقالت : نحطها بعين الاعتبار ويكفيني حضرة القاضي
لفّت ترفع علبة ماء وتشربها دفعة وحدة ، ابتسم يتأمل كل إنش فيها وبأصابعها الراجفة اثر التوتر المبالغ فيه ، وشافها تتقدم لجهتهم وتنطق : وبالنسبة لحضرة سطّام بن نهيّان صاحب الأتهام ضد بجاد فمشوارنا طويل وممكن من بعض الأدلة قد تكون هذي آخر جلساتنا هنا
زفرت عِقد بغضّب ونطقت : جالسة تدافع عن الأشخاص الغلط !
لفّت لسطّام وتوسعت عيونها بصدمة من شافته يرسمها وبمنتصف المحاكمة ، وقفت تنتصف أرضية القاعة وتنطق بأعلى صوتها : له طريق مُظلم ماله نهاية في بيع لوحات لأشخاص غير سوّين وأشخاص متعاطين وتقايض لوح مقابل آنسات في أحد المدن وغيرها الكثير والكثير
توسعت عيونه ووقفت يدينه عن الرسم ، هي وش قاعدة تتكلم عنه وهو نظامه وقانونه اللي يمشي عليه من دخل عالم البزنس ' الله ثم الدين والوطن ' وغير مصداقيته مع عملائه وعنده تاريخ بكل شيء ومسجل كل شيء ، وقفت عِقد ونطقت : كذا كثير !
القاضي صرخ بحدة وقال : حضرة المحامية ! بيجي دورك بنشوف الأدلة وأنتي بدورك انفيها !
مسك نفسه وهو يناظر بعيونها ، عكسها اللي حتى م ألتفتت له وانطلقت للشاشة تشغل جميع الأدلة والإثباتات عليه ، وآه يالكسر من عرف انه ماهو بالموجود فالفيديو وآه شلون ظلمته وأستسهلت الظُلم وتلطخت فيه ولا رفّ لها رمش ، هو م نوى الشر لها لهالدرجة وبهالطريقه ولا تجرأ يماشي درب مثل دربها اللي أختارته ، لفّ يتأمل نظرات الصدمة على عِقد ورجع يناظرها من نطقت : التبرير لحضرة المحاميين
مشت تركض بخفه لمكانها ، قامت بحدة ونطقت : مو توو قالت حضرة المُدعية أنو مافي إثبات كافي لبجاد ؟ وللفيديو اللي م كان واضح أنا أرفض قطعيًا الفيديو اللي قبل شويا أنعرض لأنو الشخص مصور من قفاه وشلون يصير الجاني من غير اي إثبات أنو هو الشخص نفسو ؟!
ابتسم من كلام عِقد وثقتها بنفسها ، صرخت تضرب الطاولة وتقول : م تقلبوها كدا بدون إي إثبات وأطالب بمعرفة مصدر الأدلة الوهمية دي !
لفّ القاضي لأسرار ونطق : جماعة الإدعاء العام
وقفت اسرار وقالت : جلسة ثانية ينقصنا بعض الأدلة
نطقت بحدة وعيونها تطلع شرار : ناقصك أشياء واجد !
لفّت لعِقد ونطقت : انا محايدة جدًا ليش التهجم ؟
عِقد صرخت وقالت : لا مصخت السالفة واضح مره إنك محايدة !
ابتسمت تجلس وقام القاضي ينطق : بينعاد التحقيق ونبي لكل سؤال جوابه تقدرون تتفضلون
طلعوا الكل من قاعة المحاكمة ومسكت يدها تنطق بحدة : زيتونه اشبك شكلك نسيتي مين اللي ازاكي بكل حياتك
اسرار : محايد..
قاطعها من سحب الملفات اللي بيدها وتمسكت فيها تتبعه ، يدخل أحد الممرات اللي يسكُنها البياض وينطق بحدة : دوري لي أي غرفة او أي زفت فاضية !
نطقت بصدمة : الأدلة..
قاطعها من صرخ : بغرقها بموية وأكلك ياها لحّد م تتخمين سامعة ي حضرة المُدعية !
ابتسمت وقالت : وشفيكم هذي أدلة ولازم تظهر للعامة
سحبها لأحد الغرف وقفل الباب وراه ، زفر بقرف يرمي الأدلة على الأرض وقرب منها ، رجعت بخطواتها وبحذر للخلف تقدم وقال : جربي تطلع
ضحكت بسخرية وقالت : ليه خايف ؟ لأنها حقيقة
صرخ بغضّب يضرب المكتب وراها : بنت محمد لا تجننيني !
اسرار غمضت عيونها برعب من غضبّه وتذكرت حادثة المرسم ، زفرت وفتحت عيونها وشافته قبالها ركزت بملامح الغضبّ اللي تعتري ملامحه وصدره وقت يصعد وينزل أثر غضبّه ، نطق بحدة وعيونه بعيونها : تصدقين ؟ ولو فزتي بتخسرين بعدها خسارة قوية يبنت محمد
نطقت بغضّب : اذا عِقد لا تستهين باللي بيننا !
سطّام ابتسم وقال : وخسارتك بتكون أضخم أرباحي وانتصاراتي وأقواها
مشى يطلع من عندها ، رفع جواله يتصل بالشخص المعني ووصله صوته وهو يقول : مرحبا ؟
سطّام : ضروري أشوفك اليوم تعال بيتي
مطلق : تم بجي
قفل الجوال ولفّ وشاف عِقد ونطق : ماقصرتي
عِقد ابتسمت بهدوء وقالت : بنقفلها المره الجاية وأعرف اني استحالة ارضى بالهزيمة
سطّام : وعادي لو انهزمنا أهم شيء المحاولة
مشى يطلع من المحكمة ، ولفّت تشوف طريق اسرار اللي اتخذته ومشت وراها وقالت : زيتونه
شافتها تركب سيارتها وركضت لكنها أنطلقت ، زفرت بغضّب وقالت : حتحرقي نفسك ي بنت !
داست البنزين تنطلق بخطها الطويل ، شّدت ع الدركسون ونطقت : واذا طلبوا مصدر الإيميل وانا حاذفته ؟؟
وقفت عند مقهى وطلبت من الدرايف ثرو ، اخذت نفس تتأمل الطريق ونطقت : لحظة انا حظرته بس
فتحت شنطتها وطلعت اللابتوب ولفّت من مد لها الموظف كوبها وأخذته تحاسب وتمشي ، فتحت اللابتوب وشافت المحظورين ' ٠ ' توسعت عيونها بصدمة وقالت : وين راح !؟
أختفى الإيميل عن الوجود تمامًا ، قفلته بغضّب وقالت : بعد يومين لازم أنهي كل شيء
ضحكت بسخرية وقالت : وش أنتصارك يالرسام ؟
مشت من طريق هي تجهله لكنها تحاول تبتعد عن المُدن والضجيج اللي يصاحبها ، وتمسك خط نائي مجهول الوجهة ..
~ بيت سطّام , الجلسة الخارجية ~
أمام المسبح جالس ويتأمل مطلق قدامه ونطق مطلق بتوتر : لك ربع ساعة تشوفني ! أعجل وش عندك ؟
سطّام : قبل يوم كلمتني وقلت بتأخذ بنت محمد
مطلق زفر بقرف ونطق : يشيخ الله يسدها بوجه بتال وبجاد
سطّام ابتسم وقال : امين بس ليه ؟
مطلق : وجيههم تقطع الرزق صدق !!
ضحك بصوت عالي وقال : محلولة
مطلق : لا بالله وش أقول للبنت وهي مالها لا ولي ولا والي ادخل عليها وأقول بعرس بك !؟
سطّام : م يحتاج الحين مفروض عليك ؟
مطلق : اليوم عرفت انه مفروض علي اعرس بها
سطّام ترشف من القهوة ونطق : وليه ان شاءالله ؟
مطلق : السلوقي أبو وجه شبه منحرف يبي يرفع عليها قضية بعد قضية ولده انها تطلع وتجي معي وأنا ماني محرم لها وغيره انها تسكن عند صاحبتها وتسافر معها ومعي وبيزيد بهارات من عنده اعرفه ويقول انها كلها بدون أذنه وانه هو ولي أمرها وبيجبرني وقتها اتزوجها وأنا ماودي يخي !
سطّام : بتزوجها
صدّ مطلق لثواني وفزّ يصرخ : اسألك بالله !!
سطّام ابتسم وقال : والله بتقدم لها رسمي منكم
مطلق : لازم قبل تنتهي قضيتكم
سطّام : لو الليلة عيوني لك
مطلق ابتسم وقال : حلو حلو بس ماتحس حرام بحقك
سطّام ابتسم وقال : لا بالله إني من أول طامع بنسبك ي مطيليق لكن استحيت من أختك مدري حسيتها بحسبة بنات عمي بحكم إن ماعندي خوات
مطلق ابتسم وقال : لا خلا ولا عدم يالهَاجس أجل الليلة تعال وتقدم لها من عندنا انا وجدها وجدتها
سطّام نطق بأستغراب : وأمها وأبوها ؟
مطلق زفر بضيق وقال : أبوها يطلب الحّل وأمها هجت من أول أيام الحداد وليومك ذا ماندري هي حية ولا ميتة
توسعت عيونه بهدوء وقال : الله يرحمه ويجمع شملها مع والدتها والله أن الأم شيء عظيم بالنسبة لي
مطلق : لنا والله لنا
زفر بضيق من الطاري ونطق : أجل علم أهلك
مطلق : ولايهمك بنسوي الخطبة والملكة عندكم ي أهل المعرس
ضحك وقال : يرجال بزفها قدام اللي يسوى واللي مايسوى بحط زواج لا صار ولا استوى بِكر نهيّان يتزوج مره فالعمر
مطلق رمى شماغه وقال : حااي شاش راسي !
ضحك ورفع شماغ مطلق يحطه على كتفه ونطق : وأنت حاول تشفى بسرعة أبيك تلعب بزواجي
مطلق : كيف تبيها بس ؟ تستهبل
ضحك بصوت عالي وقام مطلق يقول : الليلة لا تنسى حتى العروس بتكون فالبيت
سطّام ابتسم وقال : اخ حمستني من قلت العروس
فزّ بغيرته ونطق : أعقب !!
سطّام : بتصير حليلتي قريب وشلك وش عليك ؟
ضحك يمشي ويطلع من البيت ، ابتسم كم إنه مايطيق الانتظار لشوفتها الليلة تحت وضع يسمونه العربان بـ ' الشوفة الشرعية ' وكيف بيكون حالها لأنه عارف قد إيش رأي البنات هناك مدفون وكلمتهم مهمشة وصوتهم مكتوم ، وقوتها فالمحاكم بتنضرب عرض الحائط عند قوة رجال آل يزيد وخصوصًا إنها فعلاً مالها لا ولي ولا والي ، مايطيق الانتظار ..
~ فالديرة ، مجالس حمد ~
دخل يركض ووقف من شافهم مجتمعين وابتسم ينطق : سلام عليكم يالربع
ردوا جميع السلام عليه مو حبًا بمطلق بل لوجوب الرد بالسلام ، جلس بهدوء وقال : مالكم فالطويلة جاني خطاب
ابتسم أبو بجاد ونطق : لظبيه ؟
ابتسم مطلق وقال : مايهمك وتراني مارديته ووافقت عليه
حمد صغّر عيونه ونطق تحت انفاسه : وش جايب معك ي بِكر مشبب ؟
قام وقال : الخطوبة بتتم وبوجود ولي أمرها
أبو بجاد : الله يهني سعيد بسعيدة فارقنا
مشى يضحك بصوت عالي وسحب كرسي جده ونطق : كتموا الشيبه بسوالفكم البايخه
طلعه ومشى يبتعد معه للمزرعة وخلفها ، ابتسم وقال : الظبي بيعرس ؟
مطلق ابتسم وقال : بدري بدري
حمد : أجل ؟
مطلق : بِكر محمد
ابتسم بوسع ثغره ونطق : من سعيد الحظ ؟
مطلق : سطّام بِكر نهيّان
حمد : الله يجمع شملهم ومابينهم على الطاعه والمحبة
مطلق ابتسم وقال : امين امين وتراك شاهد معي انا وضاحي والظبي كنت بدعي سلوى غير الحكي م يجلس ببطنها
ضحك حمد وقال : ليت أيامنا تعّود وتعّود معها سلوى حبيبة القلب
مطلق بطقطقة نطق : الله الله العن شكلها سلوى عذبتك
ضحك بصوت عالي من شاف جده يرمي عليه الحصى ، ونطق : حمد قم ياحمد أركض وراي
حمد ابتسم وقال : شلل رجولي ماهو كذب ي بِكر مشبب
لفّ مطلق له وابتسم وقال : جعلني افداك برجولي يبو محمد
ابتسم حمد وقال : روح تجهز ورانا خطوبة
لفّ من دخلت سيارتها ونطقت : وصلت العروس
ابتسم حمد وقال : لو ماهي سلومنا كان حطيتها فوق راسي وتعطي رأيها لكن دامنا نعرف الرجال ونعرف أصله وطيب ساسه مالها رأي
مطلق ابتسم وقال : بتوافق وبتطير فيه هذا بِكر نهيّان ماهو بأحد ثاني
حمد نطق : خلها تجيني
مطلق صفر بأعلى صوته ولفّت له ونطق : حمد يناديك يبيك تغسلينه
فهمته ومشت لهم وقهوتها بيدها وأغراضها ، وصلت عنده وقالت : عيوني ؟
حمد ابتسم يمسك وجهها ويبوس عيونها ، ضحكت بخفه وقالت : جعلني قبلك ي أبوي
حمد : عمرك طويل يبنتي
جلست وقالت : لبيه ؟
حمد : لأني أعرف مصلحتك جيت كلمتك ولا تعرفين من عاداتنا وسلومنا اذا الرجال مافيه عيب ماللبنت رأي
اسرار : ايوه ؟
حمد : تبين تهجين من بجاد ؟
اسرار ابتسمت وقالت : ولسى تسألوني ؟
حمد : جاك خطاب ووافقنا عليهم
اسرار زفرت بملل وقالت : معاد تفرق معي سووا اللي تشوفونه مناسب
حمد : موافقه ؟
اسرار ضحكت وقالت : أبوي مالي رأي مثل ماقلت
حمد ابتسم يبوس راسها بقوة وينطق : عسى الله يبني بيتك يبنتي
اسرار باست خشمه ونطقت : امين ارسلوا لي الأوراق وبوقع عليها
حمد : اذا طلبوا شوفه شرعية ؟
اسرار : م اظن يطلبون بس عمومًا ردوا لي خبر
حمد هز راسه بالايجاب ومشت من عنده ، نفضت عبايتها من الرمال وزفرت بضيق ، هي للتو وافقت على سنة الحياة ومن شخص هي ماتعرفه ، بس كفاية تعب تحت سلطة بتال الظالمة وكفاية عيش بمكان هي م تحسّ بالأمان فيه ، دخلت غرفتها ورمت أغراضها ودخلت حمامها تأخذ دش وتنتهي منه وتتجه للمغاسل تتوضأ ، أنتهت وكبرت تصلي المغرب وبعدها الاستخارة وفعلاً أنتهت وهي تحسّ براحة ، رفعت عيونها للسماء وقالت : يارب خيرة لي يارب
غمضت عيونها وسرعان مانامت على سجادتها بتعب من الأحداث اللي حصلت لها باليوم ذا ..
~ مجالس حمد ، العشاء ~
محد متواجد أثر عزيمة تخص أبو بجاد ، ابتسم مطلق من شاف الحوش فاضي وأردف : فكه قسم بالله
شاف ظبيه تركض بجلالها وماسكة الملقط بيدها وفيه جمرة ، ابتسم يرفع المدخن ويحّط الجمرة والعود الأزرق فوقها ، لفّ لها يبخرها وينطق : على عرسك
ابتسمت وقالت : بعدك يعيون الظبي
باس راسها وقال : الله الله بالعروس
ظبيه شهقت وقالت : يووه نسيت منها !!
لفّت للبوابة اللي انفتحت وشهق مطلق وضحكت ظبيه تنطق : وشفيييك عِقد ذي ي أهبل !
تسارع نبضاته وضحت من شاف سيارتها وصدّ علطول يرجع للمجالس ، مشت ظبيه ونطقت عِقد : حتجننيني ! اش صار ؟
ظبيه : ابد جاها عريس ووافقوا عليه
عِقد رفعت حاجبها وقالت : مو على كيفهم مين هوا ؟
ظبيه ابتسمت وقالت : سطّام نهيّان آل عقيل
توسعت عيونها بصدمة وقالت : أنتقام ولا اش قاعد يحصل !؟
ظبيه : وش انتقامه انتي بعد امشي نجهزها
عِقد ابتسمت وقالت : بس والله يليقو حق بعضهم !
ضحكت ظبيه وقالت بصراخ : مرره !
عِقد : امشي امشي
طلعوا مع الدرج وشافوا عفيفة تصلي العشاء فالصالة ، ظبيه دخلت وقالت : عمتي شكلك ماتدرين عن الخطوبة
عفيفة ابتسمت وقالت : وشلون م أدري مشينا نصحيها
مشوا يطلعون مع الدرج وفتحوا الباب حق غرفتها ، لفّت لهم بصدمة وهي تفرش أسنانها ونطقت : سكنهم مساكنهم !
زغرطت ظبيه بفرح وبدأت عِقد تهز خصرها بفرح ، ابتسمت ابتسامة غريبة ونطقت : عاشوا عاشوا
صرخوا كلهن يحضنونها وابتسمت تحاوطهم وقالت : أنا اشوف أحسن شيء تتزوجون قبلي وش هالحماس ؟؟
عِقد صرخت بحماس وقالت : بني آدم يفرح لأنو يتزوج مره وحده وأنتي تذبي علينا ؟
اسرار : من حقي شايفه الانفعال ؟
ظبيه نطقت بقرف : الله يمغص بطنك قومي نظفي المعجون سديتي نفسي وبسرعة تعالي نجهزك
اسرار ضمّت عفيفة ونطقت : خليني وش تبين ؟
ظبيه ركضت للحمام وضحكت اسرار تبوس راس عفيفة وتنطق : أدعي لي ي أمي
ابتسمت عفيفة ونطقت : لا تشكين يبنتي
مشت تدخل الحمام وتطرد ظبيه منه ، غسلت وجهها ومشت تجلس وبدأت عِقد بخطوات المكياج وتنسيقاتها ودلعها فيه ، وظبيه واقفة تشرف على العمل ، وبعد مدة تعتبر طويلة أنجزت عِقد وانتهت من المكياج ولفّوا كلهم من نطقت عفيفة : لك عندي فستان ناعم أبيض
ظبيه صرخت بحماس : ألعب حق عرسك يعمتي ؟؟
ضحكوا البنات وابتسمت اسرار ونطقت : لعيونك بلبسه
لفّت عفيفة تجيب فستان ' ريم ' بملكتها من محمد لأجل تنفذ أحد طلبات ريم وهي تقول : ازا تزوجت اسرار أديها فُستاني تِلبسُوه
ابتسمت بحزن تتقدم وتجيبه ونطقت : يارب على المقاس
ابتسمت اسرار تقوم تلبسه وأخذت ثواني تتأمل شكلها فالمراية وابتسمت تطلع لهم وشهقت عِقد تبكي ، وبكت عفيفة وظبيه دمعت عيونها ، توسعت عيونها وقالت : قولوا مو حلو بس مو لدرجة البكاء ؟؟
انهارت عفيفة تتخيل لو ريم م انحرمت من بنتها وشافتها بهالكم من الجمال ، بس مستحيل تنصدم لأنها ورثت جمال أمها بعيون أبوها ، مسحت دموعها ومشت تحضّنها وابتسمت بوسع ثغرها ونطقت : جعل من جابك الجنة
اسرار ابتسمت وقالت : أجمعين يارب
شهقت ظبيه تمسح دموعها الزائفه وتنطق : والله انك قمر بس العريس وصل مافي وقت !
عِقد ابتسمت تقوم وتحتضّنها بكل قوتها ، حاوطتها وقالت بحُب : عقبالك ي بنت سِت المُدن وسِت قلبي
ابتسمت عِقد وقالت : حتحمسيني وأروح أتزوج ! وين زوجي ؟ زوجي اين أنت ؟؟
ضحكت اسرار وقالت : مو وقته اسكتي
ضحكت عِقد بصوت عالي وقالت : أسف
ظبيه مشت ونطقت : عروسنا اذا دقيت عليك انزلي مو تفشلينا وتوضحين للرجال انك هاجه من العيشة فالديرة
اسرار : طيب واذا كنت متقصدة اوضح هالشيء ؟
ظبيه : م بلومك بس انعمي واهجدي لا يصير شيء م تحبينه
عِقد ابتسمت تبوس خدها وتنطق : الله يقوي قلبو صراحة
ابتسمت اسرار ومشت تجلس بغرفتها ، هي ولأول مره يموت فضولها ولا فكرت تطُل رُغم سماعها للتراحيب وأصوات الرجال الواضحة ، هي فعليًا أكتفت من العيشة هنا بتبتعد عنهم وتحرقهم وهي تراقبهم من بعيد ، بتلوي ذراع تعورت منها وتقطع لسان أنمد عليها وأذاها وتبلاها وبتحرق أرواح أنزفت روحها حتى الموت بدون رحمة ، غمضت عيونها تسّد اذانيها وتجلس بالعزلة وهدوئها ..
~ عند سيارة سطّام ~
نزلوا سلطان وهذام ونطق بحدة : لو قايل من بدري !
سطّام : نهيّان بيلحق الملكة امشوا الحين
هذام مسك شعره اللي وصل تحت أذنه بشوي ونطق : يارب عديها على خير
سلطان : أهم شيء مو ملخبط ؟
ضحك سطّام وقال : لا هي اللي أبيها ومتأكد بعد
سلطان ابتسم وقال : أجل سم بالله وعلى البركة يالشيخ
دخلوا من سمعوا ضاحي يرحب ويقول : مرحبا في ذمتي مرحبا السماء ترحب والغيم يرحب والقاع ترحب ارحبوا !
هذام مسك راسه وقال بهمس : يراسي ضاحي تحمس !
ضحك سلطان يسكته وقال سطّام بصوته الرخّيم : البقى ي أخو مطلق
ابتسم سلطان من تذكر ' أخت مطلق ' فجاة ومشى يسلم على ضاحي ولفّوا على مطلق وخروجه مع حمد ، ومشوا يسلمون عليهم ، ابتسم حمد وقال : مرحبا وشلونك ي سطّام ؟
سطّام ابتسم وقال : بخير نحمد الله وأنت يوالدي ؟
حمد ابتسم وقال : بشوفتكم صرنا بأفضل حال عسى الله يبارك لكم
الكل ردد بقول ' آمين ' ومشوا يدخلون للمجالس ، رفع عيونه يشوف الشيخ وأردف : بنملك ؟
'
انتهى البارت ادعموني بنجمة وكومنت عشان اتحفز اكملكم 🩵
" صباحكم كتاباتي وهواجيسي ، م طولت هالمره وجايه بمتفجرات ، وش بتلبسون فالزواج 🤣؟ "
- تشبيّهاتكم والتنزيل بشكل يومي فالانستا " Jwuiri "
النجمة ي نجومي 🪽