الهَوى اسّرار وهَواجِيس واحّلام ... والىَ متّى واحّلام وصِلك بعّيده

البارت السادس عشر

'
قفل الجوال وفتح الواتس يرسل لعِقد إنه أختار محامي غيرها بحكم أنهم باقي مابدأوا بالجد ، وتفهمت تمامًا وأرسلت له كل صور بجاد بهذيك الليلة وقت صورته وحول كل شيء لمحادثة قصي اللي رسميًا صار محامي لسطّام بمعركة قادمة ..
~ بيت أبو سمو ~
ابتسم وهو متمسك بعصاته ، رجل بآواخر عمره وسمو أخر عنقود بيته ، ابتسم يشوف البنات ويرحب فيهم ويوجههم للمدخل الصحيح ، ابتسمت عِقد ونطقت : اخ يزكرني بجدو !
اسرار سحبتها وهي تضحك بفشلة ونطقت : ماهو وقتك
عِقد : اشبك والله حزنت
اسرار ابتسمت تمد الورد لسمو وتنطق : صاحبة السمو !
ابتسمت سمو بوسع ثغرها وقالت : لبيه ي اسرار لبيه !
ضحكت تسلم عليها ونطقت : محظوظ وليد تدرين ولا لا
سمو ضحكت بخجل من أسم خطيبها ونطقت : صح !
عِقد ابتسمت تضّمها ونطقت : بنت سِت المُدن !! مو مصدقة
عِقد ابتسمت تبعد وتمد هديتها وتنطق : أدري إني هدية بس اش أسوي مابتفهمون
ضحكت سمو تدخل يدينها بذراع اسرار وعِقد ونطقت : تعالوا
مشوا يدخلون معها وكانت تمشي بمهلها لأجل اسرار ونطقت : سلامتك يروحي
اسرار ابتسمت وقالت : ماهو شيء كبير والله يسلمك
عِقد اخذت نفس وقالت بهمس : يع شوفي مين فيه !
اسرار مررت عيونها وطاحت عينها بعيون منيرة اللي قامت ونطقت : بنت عمي !
ابتسمت اسرار ومشت تتجاهلها من اشتغلت الأغاني ، بدأوا البنات يرقصون ويستهبلون ، زفرت بملل وقالت : وأنا هنا محرومة كله من المعكاز !
عضّت شفايفها السُفلية لثواني من تذكرت سطّام ، بهذاك اليوم لمن قال لها : ياللي على معكازه تبيّن لي رجلك على حالها وقلبي على حاله
ابتسمت بوسع ثغرها ونطقت : معتوه هالرسام
رفعت عيونها وضحكت تصفق لعِقد واستهبال عِقد ، كانت تتمايل وترقص بشعرها رقص غنوج بحت ، ضحكت وقالت بصوت عالي : محظوظ ولد مشبب !!!
توسعت عيونها بصدمة وقالت : اوميقاد زيتونه !!!
ضحكت اسرار بصوت عالي وكملت تصفق ، طغى الخجل عليها ووقفت رقص ومشت تجلس ونطقت : حموتك !
اسرار : وأنا صادقه طيب
عِقد : صاير مثل الثلج ماحبيت !
اسرار قربت لأجل يسمعون بعض ونطقت : مين مطلق ؟
عِقد هزت راسها بنعم وقالت : سألتو فينك وتجاهلني تمامًا
اسرار : والله ما ألومه قايله له انخطبت وماتبينه يتغلى ؟
عِقد : اوكيه معاكي حق بس اشبو صاير كدا ؟
اسرار ابتسمت وقالت : يتغلى ولدنا يتغلى
عِقد : ماني فاهمة صراحة
صدّت تشوف منيرة اللي تكون أحد صديقات سمو المقربات ، وتنرفزت بدون سبب ومشت تطلع للشرفة قدام المسبح ، عضّت شفايفها ونطقت : يتغلى ؟
رفعت جوالها وبدأت تصور اللوك حقها بالأصفر المنعش ، كانت داخله جو وتلعب بشعرها وتلتقط صور لذيذة لها ، شهقت من اندفعت لحافة المسبح ونطقت منيرة : أجل ولد مشبب ؟
كانت واقفه على الحافة ومنيرة محكمة قبضتها ولا قدرت عِقد تفلت منها ، عضّت شفايفها لثواني ونطقت : أبعدي عني يامجنونه !!
منيرة هزتها وصرخت عِقد ونطقت منيرة : بشويش محد حولك يالمجهولة ! تحسبين مطلق بيلتفت لك وأنتي أجنبيه ؟ وبيترك بنات عمه صاحية أنتي !
عِقد صرخت بغضّب : المجهول مصيرك بعد تطاولك علي سامعة ؟؟ والله لا أندمك ودحين أبعدي عني !!
منيرة ضحكت بسخرية وقالت : تعرفين تسحبين ؟
عِقد توسعت عيونها وقالت : أصحك تفكري !!!
منيرة ضحكت تدفعها وشهقت عِقد تطيح فالمسبح ، رمت جوالها بعيد منها على آخر لحظة وغرقت تحت ، ابتسمت بشّر ونطقت : على إني م أطيقه حتى هو لكن يحرم عليك وأنا شايفع تسنيم تبغاه
مشت تدخل من الحوش وطلعت عِقد من المسبح ، صرخت بقهر ونطقت : اش القرف دا !! اللي صار دا كلو وأنا لسى م أخدتو منهم ! ويبغاني أسكن عندهم ؟ سوري بس حلم إبليس بالجنة وخلك على برودك ي مطلق
هي ماتدري عن النقلة اللي صارت وبيع الحلال والمجالس والمزارع ، ماتدري انه سوا نقلة تاريخية بالنسبة لشخص هاوي للإبل والحلال ، مشت تأخذ جوالها واتجهت للكراسي وجففت ملابسها بمناشف مجهزتها سمو خارج البيت ، تركت شعرها على راحته ولعبت فيه تجففه ، هي حطت أقوى مثبت ميكب عندها وثبت رغم الماء ، دخلت للحفلة بكل قوتها ومشت حتى وصلت لوعاء ثلج ومويه لأجل المشروبات ، شالته بيدينها ومشت لمنيرة ونطقت : سبرااااااايز !
سكبته عليها وصرخت من البرودة ، مدّت الوعاء على أحد البنات ومسكته ولفّت لمنيرة ونطقت : سوري بس لكل فعل ردة فعل أقوى وترا لسى ماشفتي حاجه ؟ حندمك تسمعي ؟
رفعت جوالها وضحكت تشوف أتصال منه وقالت : الواضح هوا اللي ميت عندي ولا ؟ يبنت عمُه !
ضحكت تمشي تبتعد عنهم كلهم بعد الإنجاز اللي سوته ، مشت اسرار تهرول بمعكازها ونطقت : بنت وش صاير ؟؟
عِقد ضحكت بسخرية وقالت : إتصال وهمي بس صراحة لعبتها صح
اسرار : بتتكلمين ؟؟
عِقد : الحيوانه رمتني بالمسبح وتحسب حتركها بدون م أرد لها حركتها
اسرار ابتسمت وقالت : كفو قسم بالله والحين وش بنسوي ؟
عِقد : جينا وباركنا وجبنا هدايا كثر خيرنا يالله نمشي
اسرار زفرت بملل وقالت : بس بنكمل الحفلة ببيتي
عِقد ابتسمت وقالت : ناسيه عن زوجك اللي تنامو منفصلين أنتي وهوا ؟
اسرار وقفت بصدمة وقالت : كيف عرفتي ؟
عِقد : خمنت مو مهم يالله نقلب بيت الرسام حفل
اسرار ضحكت بتوتر وقالت : صاحية ؟ أمشي لبيتك بس
عِقد : مع نفسك صراحة بيتي ملل طفشت منو
اسرار : أجل أمشي نحرق بيت الرسام
عِقد ضحكت تلبس عبايتها ونطقت : بأخذ دش عندك
اسرار : حلالك البيت يحبي
عِقد : تعجبيني أخدتي شوقر د..
اسرار شهقت تكتمها ونطقت : خلاص يرحم والديك فكينا
عِقد ضحكت بسخرية وقالت : بس منجد لأن لو تلاحظي كم بينكم ؟
اسرار بصدمة نطقت : ثلاثيني هو وأدري واجد بس خلاص
عِقد ضحكت وقالت : اشبك خايفه ؟
اسرار : مدري أحسه يسمعنا
ضحكت عِقد بصوت عالي وابتسمت اسرار ونطقت : أمشي
ركبوا سيارة عِقد وتوجهوا لبيت الرسام والمُدعية ..
~ دكة الشاهي ~
دخل وصال يشوف مطلق على أحد الطاولات وزقارته متوسده شفايفه ، مشى له ونطق : سلام عليكم
وقف مطلق ونطق : ي مرحبا
سلموا على بعض وجلس وصال وسحب مطلق البراد يصب له ونطق : دندن وغن يبو منّير خاطرك ماش
وصال ابتسم وقال : والله إنك صادق واسمعني ي مطلق
مطلق : اسلم
وصال : بحاول أوقف مع سطّام بس أهم شيء يفكني من بتال وولده
مطلق ابتسم وقال : وأنا وش لزومي فالموضوع ؟
وصال : أعلمك يعني
مطلق : ايوه ؟
وصال رفع البيالة يشرب الشاهي بهدوء وينطق : سوا الزواج ؟
مطلق : جعلها في وجه بتال هو خلاه يسوي شيء ؟ نشب له بالقضايا اللي ماتخلص
وصال : صادق والله
مطلق : يعني ماتبي الفوز من نصيب موكليك ؟
وصال هز راسه بالايجاب وسرعان م ارتسمت ملامح الصدمة على وجهه من نطق مطلق : أسحب أسمك وأتركهم بدون محامي ؟ مثل ماسويت مع بنت الحجاز
وقف بصدمة ونطق بحدة : جايك أبي العون وصرت علي فرعون !!
وقف مطلق ونطق : أعصابك ! ماتمشي ألعابك علي وإن مشت أنت جيت للطرف اللي مايمسّ القضية بصله ؟ ولا لحظة كنت تحسبني بروح أفاتح الهَاجس بسالفتك ولا بنت الحجاز وأثر عليهم ؟ توكل واتمنى تصحصح ي وصال معاد تجي منك الا المصايب ولا وش ؟
سحبت سحبته ومشى يسحب من زقارته ويرميها ، طلع يركب الشاص ومشى لبيت سطّام ..
~ حيّ الصحافه ، بيت سطّام ~
وصله رسالة من مطلق إنه جاي ، طلع يقول لصادق يفرش أحد السجاد الأحمر فالحوش تحت الأشجار ، ووصى حليمة تسوي شاهي وقهوة ومشى يضبط القعدة ووقف ينتظر قدوم مطلق ، ابتسم من شاف أضواء سيارة ونطق بصوت عالي : صادق أفتح لمطلق
مشى صادق يضغط الزر وانفتحت البوابة ، قفلت جوالها وقالت : كويس صادق فتحها قبل أدق على بِكر نهيّان
عِقد ابتسمت وقالت : كان حاسس بجيتك أوفف الحُب يجماعة
غطت وجهها بيدينها من الفشله وضحكت عِقد ، مشى يركض وقال : مطيلي..
سكت يشوف بورش تدخل للحوش ، مسح وجهه وشنبه وقال : حبايب القلب ؟
نزلت عِقد تركض ودخلت البيت ، نزلت بهدوء ونزلت عيونه لكعبها والألماس اللي يضوي برجولها ، ابتسم وقال : بِكر محمد
سكرت الباب وابتسمت تنطق : رجعت سالمة
ضحك بخفه وقال : راجعة بدري ؟
اسرار طاحت نظراتها على القعدة ونطقت : تنتظر أحد ؟
سطّام هز راسه بالايجاب وقال : تعالي أنتي والمحامية ليلنا طويل
اسرار : خلني أخمن مطلق ؟
ضحك يهز راسه بالايجاب ونطقت : دقايق ونجي
سطّام : تعالي أساعدك
هزت راسها بخفه ونطقت : مايحتاج
مشت تتخطاه ووقف يشوف الشاص يدخل ، وقف بجانب البورش ونطق : على هونك يالأكحل كلنا عارفين أنك مشتاق للغنوجه
ضحك ينزل وابتسم من سمع صوت سطّام يقول : ارحب مطيليق
مطلق مشى له ونطق : لبيه يالهَاجس
سطّام مسك كتفه ومشوا للقعده ، جلسوا ونطق سطّام : حبايب القلب بيجلسون معنا
مطلق ابتسم وسحب أحد العيدان القاسية من الشجر ، حطه بين شفايفه ونطق : حياهم الله والله جلسة معهم عن ألف مجلس مليان رجال !
سطّام ابتسم يتكي على المركى ونطق : انشهد بالله !!
مطلق ابتسم ينزل عيونه للأرض ونطق : متى بيجون ؟
سطّام : مدري والله تشرب شيء ؟
مطلق هز راسه بنفي وقال : كثر خيرك يالهَاجس بس بطني غدى قربة ماء من الشاهي
سطّام ابتسم وقال : وين شربته ؟
مطلق : على الطريق وقابلت وصال
سطّام عدل جلسته ونطق : اسلم اسلم
مطلق : يبي يلعب عليكم لأجل يفوز
سطّام : يرجال المحامي حقي داهية ولحّد يعرفه اصلاً ، يعني شخص مجهول ولأول مره يقابله وصال الرخمه
مطلق ابتسم وقال : ايه ازين والله حسبت محاميتك بنت أيمن
سطّام هز راسه بنفي وكمل مطلق : بنخمد شوي اذا جانا حد صحني
سطّام : تستهبل ؟
ابتسم يشوف مطلق متمدد ومغمض عيونه ، نظاراته على صدره ويده تتحرك على السبحة حقته ، سكت سطّام يشرب من فنجال قهوته وسحب الكراس الصغير وبدأ يرسم مطلق اللي مايتحرك ابدًا وهذا شيء يحبه سطّام بمطلق ، دخل بأعماق عالمه وبدأ يتعمق بالرسمه أكثر وأكثر ..
~ غرفة اسرار ~
كانت تسولف على عِقد اللي تجفف شعرها ، ونطقت : والله
عِقد : وهو كيف وافق على طلبك ؟
اسرار : غصب عنه
عِقد اخذت نفس وقالت : غبيه ترا زوجك ! أنا لو متزوجه مستحيل أفارقه
ضحكت اسرار وقالت : ي شيخه !
عِقد عضّت شفايفها ونطقت : واضح إني كذابه ؟
اسرار : مرره
عِقد : معلينا مره انصدمت إنكم تنامو منفصلين
اسرار ابتسمت وقالت : عادي يكثر اللي كانوا كذا
عِقد ابتسمت وقالت : حلو يعني تقولي بلسانك أنو هدي البداية وبس ؟
اسرار : والله مدري لي يومين ماني على طبيعتي أحس بيصير شيء قوي ويبعد الرسام عني ألفين كيلو !
عِقد : خايفه من القضية ؟
اسرار هزت راسها بنعم وكملت عِقد تقول : ايوه ترا ماني محامية رسامك
اسرار : رسامي ؟
ضحكت عِقد وقالت : ايوه
اسرار جلست ووردت ملامحها ، صدّت تنطق : ليه أنسحبتي ؟
عِقد قفلت المجفف ونطقت : لا رسامك م يبغاني
اسرار : بجلده !!
عِقد : لا كويس اصلاً ماودي أقابل شبيه الرجال وصال
اسرار ابتسمت وقالت : شبيه الرجال ويوم ضمّك تركتيه على راحته ؟
عِقد : تطهرت اصلاً بعد حضن مطلق..
سكتت بصدمة ولفّت على صدمة اسرار ، ابتسمت بخفه وقالت : أركض ؟
شهقت اسرار وصرخت عِقد تضحك وهي تركض ، اسرار ابتسمت من قدرت تمشي على رجلها وكملت تهرول بخفه وبدون معكاز ، صرخت بتهديد ونطقت : والله م أعديها وتهاوشين لك ساعة أننا ننام منفصلين وأنتي تضمين ولد مشبب على راحتك !!
عِقد ضحكت وقالت : ما قويت ابعدو عني صراحة !
اسرار : جايتك جايتك
عِقد : بناديه وأتحداك تقربي مني وأنا خلف ظهرو !
ضحكت اسرار ومشت تضبط نقابها ، وصلوا للحوش ومشت عِقد تسبقها ، ابتسمت وقالت : أحس إني داخله بينكم..
سكتت من الهدوء ، مطلق نايم وسطّام مركز ويرسم ، جلست وهمست : هوا منجد نايم ؟
رفع سطّام عيونه لها وقفل الكراسه بسرعة ونطق : متى جيتي ؟
عِقد : دوبي جلست
سطّام قام يشيل أغراضه ونطق : شوي وأجيكم
هزت راسها ومشى من عندها ، لفّت تشوف مطلق نايم ، عضّت شفايفها لثواني ودققت بنظرها ، ضحكت بخفه وهمست : والله معضل !
كان ثوبه ماسك عليه أثر نومته العشوائية ، مشت له وسحبت نظارته تلبسها وغمضت بقوة ونطقت : نظرو معدوووم !!
فزّت تصرخ من شافته فاتح عيونه ، ضحك يعدل جلسته ونطقت بحدة : مايضحك كانت بتخرج روحي !!!
مطلق : ماسويت شيء
مدّ يده لها ونطقت بحدة : اش تبغى ؟
مطلق : نظارتي
استحقرته وضحك وشهقت ونطقت : مطلق !!
مطلق فزّ ينطق : العلم ويش ؟؟
ابتسمت ببراءة ورفعت نظارته مكسورة بين يدينها ، توسعت عيونه بصدمة وقال : كسرتيها ؟
عِقد ابتسمت ونطقت : خوفتني ؟
مطلق مسك راسه وضحك بخفه وقال : جعلها فداك
عِقد ابتسمت وقالت : أسفه والله مو قصدي
مطلق : عادي يبنت الحلال سامحت مكحولة مليون مره وبعتها تبين م أسامحك وأنتي سبب تغيري ؟
عِقد اخذت نفس وقالت : لحظة ! بعتها ؟
مطلق : يوه ي بنت أيمن تورطت معك !
عِقد : شلون ؟
مطلق رجع ينسدح وغمض عيونه ونطق : ما أحب أقسى
عِقد ضبطت حجابها ونطقت : مطلق اش تقصد ؟
مطلق : اسمعيها ولو أنه ماهو بجوك بس ركزي بالكلمات
سحبت جوالها علطول ، فتح عيونه وقام من تنرفزت ونطقت : مو راضية تطلع لي أي وحده هي ؟
تقدم وسحب جوالها وحطها ، لبس أحد السماعات معها وبينهم مسافة ، شغلتها وبدأت تسمع الكلمات ، مرت دقيقتين ونصف والصمت سيد المكان ومطلق طاير لسابع سماء ، يسمع أفضل شيله بالنسبة له وهي بجانبه وقريبة من روحه يشوف ملامحها بوضوح وغرقان فيها ، استوقفها بيت يقول :
« عسى الله بيننا يجمع بخير ولا يجيب دموع
وعسى ماعيش بالدنيا إذا ماعشتها معها »
انتهت الشيله وألتفتت على مطلق ، وقربه منها وابتسامته وعرضه بجانبها ، كان الخجل طاغي على ملامحها ، عضّت شفايفها لثواني ونطقت تغيير الموضوع : ماحبيت مو جوي !
ابتسم يرجع سماعتها وينطق : وشفيك قلبتي طماطه ؟
صدّت عنه ولعنت خجلها اللي يبيّن عليها ، ضحك بصوت عالي وقال : بنت أيمن أرفقي بقلب بدوي ذابحته الحياة وقساوتها ! لا تبعدينه وهو مالقى الرقه والحنان والنعومة الا يوم سلك دروبك !
رفعت عيونها له وكمل يقول : لازم تعطيني إجابة أنا مابتعنى من الرياض للحجاز عشان أخطبك وانتي ماتبيني..
قاطعته ونطقت : أبيك بس..
سكتت وتوسعت عيونه بصدمة واستهَل وجهه ونطق : بس ؟
عِقد بتوتر نطقت : يكون بيتنا مو بالديار حقتكم صراحة ماني فايقه لبنات عمك وجنونهم
ابتسم وقال : أنتي وين وهم وين ؟ لا يبنت الحجاز بيتي فالرياض وبآخر الشارع ذا بعد
ضحكت وقالت : يعني أربع وعشرين ساعة مقابله زيتونه
ابتسم وقال : الله الله
عِقد : بس شرط
لفّ عليها ونطق : تم من الحين
عِقد : نسافر للحجاز سوا
مطلق : يويل حالك ي مطيليق سرت بك بنت أيمن
عِقد ابتسمت بوسع ثغرها ونطقت : أعتبرها موافقه ؟
مطلق ابتسم وقال : قلت لك تم !!
عِقد اخذت نفس وقالت بهمس : يعني خلاص حنتزوج ؟
مطلق عضّ شفايفه ونطق : لحد يهيضني وأسري الحين لأيمن !
ضحكت وقالت : لا لا خلاص سكتّ
ابتسم يغمض عيونه ، وصدّت تكتب لأروى أنهم جايين وأبدت أروى ردة الفعل المطلوبة والحماسية ، ضحكت بخفه وهي ترجف من الحماس ولفّت عيونها تشوفه يلعب بسبحته وهو مغمض عيونه ..
~ داخل البيت ~
كانت بتطلع بس نطق من وراها وقال : بِكر محمد
ألتفتت عليه ومشت له ، ابتسم وقال : وين المعكاز ؟
اسرار : حمدلله تجاوزته
سطّام : عقبال نفك ربطة كتفك
اسرار : هذي بتطول صراحة عمومًا وش بغيت ؟
سطّام قرب يمسك يدها ويمشي ، سحب نقابها من على وجهها وقال : واثقة فيني ؟
اسرار ابتسمت بتوتر ونطقت : في أيش ؟
سطّام : إذا قلت لك إني بفوز بالقضية وبنطلع تمشية حول العالم بتصدقين بكلامي ؟
اسرار عضّت شفايفها لثواني ونطقت : أتمنى
سطّام : يعني واثقة ؟
اسرار سحبت يدها ووقفت بهدوء ، هزت راسها بنفي ونطقت : لا تسألني أسئلة أنت بنفسك تعرف إجاباتها ! وشلون أثق بعد خذلان مسّ ضلوعي من كل شخص كنت أشوفه أقرب لي من روحي ؟
سطّام مسك فكها يرفع راسها له ونطق : أنا غير ليه ماتحاوليني مثل م أحاولك ؟ وليه ماتجربين لذاذة الحياة معي بعد مرارة مامريتي فيه ؟
اسرار رجعت بخطواتها وتعثرت بالكنب ، سحبها وجلست على فخذه ونطق : ايوه ؟ الجلسة ذي تطلع الخافي وتبيّن لي حقيقة شعورك !
اسرار ابتسمت وقالت : تحب تفتح مواجعي ي بِكر نهيّان ؟
سطّام : ليه ماقلتي تحب تغلق مواجعي وتنثر على دروبي الشايكه ورد وتمسك بيدي ولو إن دربي طويل بنمشيه سوا ؟
اسرار هزت راسها بنفي مرارًا وتكرارًا ونطقت : أنا م أثق فيك ! بتقول صعب ؟ لا ماهو صعب أنا خايفه من بكره وبعده أنا أخاف المستقبل وأخشى فقدك فيه ! صح م أنت قريب مني لكنك لمست جروحي بطريقة ما أوجعتني ! لمست شعوري وحركت مشاعري رغم قسوتي وانغلاقي وسكوتي وبرودة دمي ! ايه م أثق بس م أبي أخسرك !!
ثبت يده على خصرها وشّدها عليه وقال : وإذا قلت لك إنك قوتي بكره وسبب صمودي للحظة ذي بتغيرين بكلامك وتثقين ؟
اسرار وقفت نطقت بحدة : أفهمني يالرسام دخيلك أفهم أنت غلطت بحق نفسك من فكرت تأخذني أنا حكم علي وقتي وزماني وحكمت علي عادات وتقاليد أهلي وجنونهم وسيطرتهم وطغيانهم ! أنا خايفه من قوتهم بكره خايفه يضربون ضربة تطيح منها ولا عاد تقوى توقف
وقف وانحنى براسه يشوف دموعها متحجرة ، عضّ شفايفه ونطق بهدوء وهو يمسك راحة كفها : ولو حصل شيء وخذوك مني أوعدك مايطول ! وعد مني ماتطولين وأنتي تحسبين الليالي بدوني ووعد أجيك ليه ما أجيك ! بِكر محمد أنا واقع لك وراضي بقدري ومصيري معك والله مامسّني ذرة شك ولا ندم ولا بيمسّني !!
اسرار شّدت على كفه ونطقت : بيجيك اليوم اللي بتلعن فيها الساعة اللي عرفتني فيها أنا ي بِكر نهيّان ماضمنت نفسي ! أنا أمس ماني نفسي اليوم أنا متقلبه وكلها بسبب ضربات وصدوع تسكن جوفي أخاف ارتخي وانطعن من جديد ! بِكر نهيّان أنا مليانه طعنات وجروح عميقة وثلاث طلقات رصاص بجسدي ! أنا ليومك ذا مادري وين أمي ووين ديارها هي حية ولا ميته قاعده أعيش على وهم والوهم هو أنت وخايفه ينكسر ويتلاشى وأطيح من أعلى مكان وأنتهي !!
سحبت يدها ومشت واستوقفها صوته وهو يقول : أحبك
تقدم يحتضّنها من الخلف ويثبت دقنه على كتفها ، عضّ شفايفه ونطق : أحبك وأحب أسرارك وماضيك وحاضرك ومستقبلك أحب غموضك وسكونك وتقلباتك أحب ندمك وخذلانك وكسراتك أقبّل جروحك وطعناتك ورصاصاك أحب قوتك وضعفك وأحب فرحك وحزنك وأحب دربك وأعشق ممشاه ! بترديني عنك أحلف لك إني مابستسلم لحّد م أعرف وش هي أسرارك ! ومابوقف لحّد ما أعرف قصتك وأحل ألغازك وأفك عقدك !! أنتي دربي الطويل وأنتي مصيري شلون يمسّك خوف وأنتي حَرم سطّام ووراك رجل من صّلب نهيّان مايخشى الا خالقه ؟
وقفت تبكي بدون صوت وهي تسمع كلامه ، ابتسم ينطق : م برضى والله أقل حاجه أبكي بحضني..
قاطعته بذراعها اليسار وهي تتمسك برقبته ، ابتسم يحاوط خصرها ويرفعها له ، بكت بحرقة وأطلقت العنان لشهقاتها وصرخاتها ، مشى فيها لمكتبه ودخله يقفل الباب وراه ، جلس على الكنب وهي بحضّنه ، دافنه وجهها برقبته وثوبه كله دموع ولطخات مسكرا من مدامعها وعيونها ، مسح على ظهرها ونطق : دخيل الله على هونك !!!
عضّت شفايفها السُفلية تمنع شهقاتها تخرج ، مسكت ذراعه ومسحت عيونها الخُضر بطرف كُمه ، ابتسم بلهفة للصغيرة اللي تسكُن حضّنه وملامحها باكيه ، مسك فكها يثبت وجهها وقرب لكنها سرعان م انحنت براسها وابتسم يقبّل جبينها بكل حُب وحنيّة ، ارتسمت بسمه على ثغرها من الفراشات اللي فتحت جنحانها ببطنها ، تشوف أحد ذراعينه تحتضّن خصرها والثانية تثبت وجهها ، ارتخت ملامحها وغمضت عيونها بحضّنه ، مسح على شعرها وسرعان م نامت بحضّنه ، ابتسم بهدوء ونطق : وجبت القعده
سحب جواله من جيبه وأرسل لمطلق : معاد أقدر أجي تمسّوا على خير.
قفل الجوال وتمدد بهدوء ، تحركت لثواني ورجعت تسكن حضّنه وغرقت بنومها ، ابتسم يشغل تكييف مكتبه وسحب اللحاف اللي يسكن ذراع الكنبه يغطيهم أثنينهم وسرعان م لحقها لعالم الأحلام ..
~ صباح اليوم الثاني ، أولى جلسات القضية ~
صحى بألم من نومته ، مسك رقبته وفتح عيونه وماحصلها بجانبه ، عضّ شفايفه ونطق بثقل صوته : خوافه هربت ؟
قام يوقف وطلع من المكتب ، فك ازرار ثوبه بضيق لأنه مايحب ينام بالثوب ولا اعتاد عليه ، مشى يشوف حليمة تحضر الفطور وكشر ينطق : وين بِكر محمد ؟
حليمة زفرت بملل وقالت : تعال أفطر
مشى يشمر اكمامه ويجلس ، مسك يد حليمة ونطق : تعالي أفطري معي
ابتسمت وقالت : والله أفطرت..
قاطعها سطّام بحدة وقال : مو لازم تأكلين بسألك كم سؤال
جلست حليمة وقالت : ايوه أسمعك ؟
سطّام : وش شايفه عليها ؟
حليمة نطقت بغضّب : مو بس أنا اللي شايفه حتى أنت شايف برودها ووقاحتها وتعاملها معك ومعي !!!
سطّام : ماهي كذا أنتي اللي أجبرتيها تعاملك كذا
حليمة بحدة قالت : بتحطها فيني ؟؟ وبعدين وش فايدتك مو أنت زوجها ليش ماتربيها من جديد عديمة التربية !!
سطّام ضرب الطاولة بغضّب ونطق : بس عاد ! سواليف الرجل اللي يضرب أنثى ماهو برجال ولا رباني نهيّان على كذا وقبله الدين اللي ماعلمنا !! والسالفة ذي إذا م وقفت عند حدها بيصير شيء مايعجبك ! بِكر محمد زوجتي ومقامها من مقامي وسيدة البيت والحريم كلهم حطي كلام حلقه بأذنك ولا تغفلين عنها ! تساعدينها أن طلبت غيره لا تكلمينها محد يدري غير ربها وش حصل بحياتها ماله داعي نزيد الحطام كسور وفجوات مفروض شفتي نفسك أكبر وأعقل ! حسافه إنها جات منك كنت متوقع شيء أفضل
وقف يمشي للمصعد ونطق : بالعافية فقدت شهيتي مع الصباح
طلع للمصعد ونطقت حليمة بغضّب : مدري وش شايف فيها !!
سحبت جوالها تشوف رسالة من منيرة تقول فيها : اليوم لا تنسين
قفلت الجوال ومشت تطلع للمطبخ تغسل الصحون ..
~ فالمحكمة ~
وقف قصي يشوف سطّام داخل وابتسم ينطق : موكلي ؟
سطّام ابتسم وقال : يالله حييّه !
ضحك قصي يسلم على سطّام ، وبعد السؤال عن الحال ابتسم قصي يجلس وجلس سطّام بجانبه بحكم الوقت المتبقي ،ألتفت سطّام من نطق قصي وقال : جبت لك أقصى الاحتمالات للمواضيع اللي بيتكلم فيها ذاك وصال
سطّام : اسلم ؟
قصي : أول الاحتمالات هو سالفة القضايا اللي فتحتها عليهم وطلعت منها خسران وممكن تكون ظنونه إنه بيحسمها بالطريقة ذي بس معليك عندي الحل
سطّام : الله يعزك غيره ؟
قصي : وممكن يتدخلون بزواجك ببنتهم ويشوشرون على الشيخ وهالشيء أنا خايف منه بس بسألك وجاوبني بالصّريح
سطّام هز راسه بالايجاب وكمل قصي يقول : زواجك منها شرعي وعلى الكتاب والسنة والشاهدين ضامنهم ؟
سطّام نطق بصدمة : أعوذ بالله ! اكيد شرعي بِكر محمد زوجتي بالحلال طرقٍ عن أطول شنب فيهم ! وايه الشاهد جدها
قصي : حلو جدها ولي أمرها ؟
سطّام هز راسه بالايجاب وابتسم قصي ينطق : سدينا الثغرات
سطّام : توكلنا على الله
دخلوا للصالة يشوفون وصال واقف ويضبط أوراقه ، متأكد إنه بيقلبها عليهم غصب ، ابتسم يشوف الوثيقة الخاصة بولاية بتال لأمر اسرار ، وحطها آخر شيء هو قرر تكون أخر أوراقه الرابحة ، ابتسم من دخل بجاد وبتال وجلسوا بجانبه ، جلس قصي وسطّام بجانبه ، ألتفت الأرقاب من دخل الشيخ ' القاضي ' ووقفوا جميع ولمن أنتهى من السلام جلسوا ، ابتسم القاضي وقال : عسى الله يعيننا على العدل والمساواة نبدأ ؟
وقف وصال وبدأ بالحديث على حادثة القضايا الأخيرة بين آل يزيد وبِكر نهيّان ، كان يتناقش الموضوع مع الشيخ بالتفصيل الممل وكيف سطّام أتهم اسرار بالأول ثم بجاد ، هز راسه الشيخ بالايجاب وقال : المحامي قصي ؟
وقف قصي وجلس وصال بالجهة الثانية ، ابتسم لسطّام ونطق : عندنا الأدلة على وجود بصمات واضحة جدًا لبجاد على اللوحة وبرفع المستوى للشروع بالقتل أثر قنبلة قوية كانت مثبته على ظهر اللوحة وموصلة بجهاز لاسلكي
مشى قصي يحمل ملفين معه ، أحد الملفات يتمحور حول البصمات والثاني حول زيارة عقيل للمستشفى وتأثر سمعه لساعات طويلة ، أستقبل مساعد القاضي الملفات وبعد مراجعتها صار وقت إصدار قرار القاضي ، لكن سرعان م وقف وصال ونطق : قد نعتبرها تهديد وشروع بالقتل بأسباب
الشيخ : وشهي أسبابه ؟
وصال رفع حاجبة وقال : زوج نفسه من بنتنا بدون والي وهذا والله أعلم وبحكم الدين زواج باطل
الشيخ : يمكن كان معه ولي أمرها ؟
وقف بتال ونطق : لا ياشيخ أنا ولي أمر البنت وهي تصير بنت أخوي رحمة الله عليه
الشيخ : إثباتك
مشى وصال لبتال ونطق : بنخسر بجاد بس بنحرق اسرار قدام عيون ولد نهيّان
ضحك بتال بسخرية ونطق : بجاد بداله نايف أقدم وخلنا نخلص
مشى وصال بالأوراق لمساعد القاضي ، كان ميت خوف يكون دليلهم صحيح وشرعي ويتضح إنه بالفعل بتال ولي أمر اسرار ، عضّ شفايفه وبدأ يتمتم بداخله ويقول : اللهم سلم يارب أبعدهم عني وعنها يارب..
وقف بصدمة من نطق الشيخ وبصوته الجهورّي : حكمت المحكمة عصر يوم الإثنين على الزواج الذي حدث بين سطّام بن نهيّان واسرار بنت محمد على أنه زواج باطل لعدم وجود ولي الأمر أثناء عَقد النِكاح وتعود الفتاه لولي أمرها قسرًا ، وحُكم على بجاد بن بتال آل يزيد حُكم السرقة مع الشروع بالقتل بدون إصابات بالسجن لعشر سنوات مع الأعمال الشاقه والتأهيل من جديد !!
وقف قصي بسرعة ونطق بحدة : شلون بدون إصابات ؟!
ألتفت الشيخ له وقال : لو سمحت تقدر تتفضل
قصي : لا اسمحوا لي ! شلون يسمح موكلي لنفسه بإنه يرجعها لأهلها وهم مصاوبينها بثلاث طلقات رصاص بلا أي رحمة أو حتى ذرة أنسانية !!
توسعت عيونه بصدمة وقال : الدليل ؟؟
وقف قصي ومشى لشاشة العرض ودخل الفلاش الصغير ، عضّ شفايفه ونطق بهمس : ضروري أنجح !
عرض جميع صور الحادثة فالبيت وإصابات اسرار والرصاص اللي أُستخرج منها بعد ثلاث عمليات صعبة ، بدأ يتكلم بحدة وجدية عن الأوقات وأماكن الإصابات حتى وصل لصور بجاد في الزواج بهذيك الليلة ، ابتسم ونطق بثقة : وزي ماهو موضح قدامكم سلاح الجريمة بيد المجرم بجاد بن بتال آل يزيد وهو مسدس كاتم صوت وبعض اثار الدماء على قدمين المجرم
بدأ يكبر حتى وضحت لهم ومع بعض لقطات الكاميرا أثبت الجُرم على بجاد من ونطق وصال بحدة : كان هذا الفعل من طرف موكلي بدون علمي ولا علم والد موكلي !
الشيخ : الزواج فعليًا باطل حتى تثبت صحته ووجود شهود عيان وولي أمر
بتال نطق بحدة : مابه ولي أمر الا أنا وواضح قدامك حضرة الشيخ
الشيخ : حكم على بجاد بن بتال آل يزيد بالإعدام أثر وجود إصابات وسلاح ناري في مسرح الجريمة ، ومازال بإمكان سطّام بن نهيّان أن يترك الفتاه تعود لأهلها ويتقدم لها من جديد بوجود ولي أمرها ويتزوجها منه على سنة الله ورسوله وفي حال لم تكن تريد فأتركها وانصرف عنها
وقف سطّام بقلة حيله ونطق بحدة : بس أنا ماخذها من ولي أمرها !!
الشيخ زفر بملل ونطق : من هو ؟ ووينه ماهو موجود
قصي : طلبها من عن جدها وهو المسؤول عنها
الشيخ : والله أعلم ياولدي بس قدامي الدليل وبحكم المحكمة العليا سابقًا قبل عشرين سنة واللي تثبت أن الولاية لبتال بن حمد آل يزيد
بتال رفع حاجبة وقال : أبوي مايتكلم ولا يمشي مشلول من عشرين عام !! بتتهمون الشايب ذلحين ؟
الشيخ ضرب بمطرقته دليل على إثبات الحكم وانتهت المحكمة بفوز وخسارة لكلا الطرفين ، قام بصعوبة ومسكه قصي ونطق : أذكر ربك ! عطهم بنتهم وإن ما حصلت دليل على ولاية جدها لأمرها تعال وأنكح البنت مره ثانية من بتال ، لكن والله وشفني أحلف إني مابوقف حتى أشوف لك مصادقية ولايته لأمرها وأصبر علي الموضوع بيطول والمعذرة يبو نهيّان
ابتسم سطّام بهدوء وخبط على كتفه ونطق : ماقصرت والله يبو عبدالرحمن
شافوا توديع بتال البارد جدًا لبجاد ، وانتهى كل شيء بحياة بجاد اللي حُكم عليه بالإعدام بعد أسبوع كامل ، مشى بتال يطلع من المحكمة ونطق بحدة : ولد نهيّان ! هات بنت محمد !
صّر ع اسنانه بغضّب وألتفت ناوي يكسر فك بتال ، لكن مسكه قصي ونطق : والله ماتطول معك ! والله لا أثبت عليك تزوير وتنحرم من ريحة الحياة وأنت حُر والله لا أزج بك داخل السجن والله وأنا بِكر نهيّان !!
ضحك بتال بسخرية ونطق : هذا إذا ماكانت على ذمة رجال غيرك
سحبه مع ياقته وصرخ بوجهه : تعقب !! والله أن يحرم عليها
بتال دفعه ومشى يطلع على سيارته ، كان بارد الدم ولا كأن أحد أولاده وبالأصح بِكر حُكم عليه بالقصاص قدامه ، شّد سطّام على قبضته وهمس : وشلون بقابلها الحين ؟؟ بأي وجه بشوفها !!
ركب سيارته ومشى علطول يلحق عليها قبل تروح من يدينه للأبد ..
~ المطبخ ، بيت سطّام ~
جالسة عند الطاولة وتمسحها بهدوء ، تتذكر أول عزيمة صارت لمطلق وكيف جات منيرة وأبهرت عيونها وأعجبتها ومازاد حليمة إعجاب بمنيرة الا من نطقت : خذي رقمي عندك وترا عيني على سطّام
ومن بعد الحادثة بدأت منيرة تشتغل صح على حليمة ، وتحاول فيها لحّد م أنعمت بصيرة حليمة وصارت ماتطيق شوف اسرار بالبيت ، ابتسمت تسمع صوت الجرس ومشت له تشوف الشاشة ، ضحكت من شافتها واقفة وبيدينها أكياس ، هي هربت الصباح من حُضن سطّام ومشت تتهرب من أفكارها لكنها وبدون شعور رجعت بألوان حيوية صيفية لأجل تدخل مرسمه وتضيف الألوان على لوحاته الباهته والخالية من الحياة ، جابت طقمين للفنانين وكانت متأكده من فوزه بالقضية وعازمته على أكثر شيء هو يحبه ، أنفتح الباب ودخلت تشوف صادق وسلمت بهدوء ورد عليها السلام ، حسّت بصدرها ينغزها ليه رجعت تحسّ إن المكان صار موحش بالضبط نفس ديرة أهلها ، صار هالشيء ورجع يتكرر وهي مالها قوة ابدًا تواجه شيء ، ألتفتت من صوت بتال اللي صدع بالشارع حتى وصل لأذانيها وألتفتت تشوف حليمة تودعها من عند الباب وتردف : عساه آخر عهدنا فيك !!
طاحت الأكياس وانكسرت الألوان الرملية بزجاجها ، وتناثرت بالحوش ، حسّت بحرارة تحرق أسفلها لأعلى دماغها ، أنسحبت من بتال وهو يصرخ لكنها ماكانت تسمع شيء ، ماتسمع الا هدوء يعُم المكان رغم ضجيجه ، طاحت عينها عليه وهو يركض من سيارته ، ونطق داخلها : ‏كِل جرح بداخلي زاد بلحظة غيابك و أبتدأ بي ميلاد مأساة أعيشها بدونك ليه راجع الحين ليه تبي تذبح مابقى مني ! ليه أشعر بداخلك كلمه مخبيها اكيد بتكون أحبك ليه أحس بلهفة مسامعي لأجل أسمعك تقولها ! بِكر نهيّان راجع و أنت ناوي روحتك ؟ ليه تتركني أعيشك من جديد ؟ ما أنتهينا و أنتهت كل خيبتك ليش ترجع تنبش الجرح و تعيد !!
ماقدر يمشي لها من مسكوه عيال آل يزيد واختفت وكأنها لم تكن ، كان يصرخ ويستغيث لأجل يشوفها ويقولها أنه حارب حتى النهاية لكن بعقد ولاية هوى منها وسقط فيها بدون أي أمل يسانده ويتمسك فيه ، كانت هذي أقسى مراحل المحاولات وهو يدري إنه لا محاولات أخرى ، كانت هذه الأخيرة ..
'
انتهى البارت ادعموني بنجمة وكومنت عشان اتحفز اكملكم 🩵
" لاتنسون النجمة 🫦 ، سوري على النهاية بس المخرج عايز كيدا "
ضروري تجون أنستا : Jwuiri