الهَوى اسّرار وهَواجِيس واحّلام ... والىَ متّى واحّلام وصِلك بعّيده

البارت الأخير

صلوا على النبي قبل نبدأ ❤️
'
~ صباحًا ، ساراندي ألبانيا ~
ماسك جواله ويكلم تحت أشعة الشمس الدافئة ، زفر بضيق وقال : هو بخير ؟
ريم اخذت نفس وقالت : وضعو مستقر يعني بخير بس نهيّان يحتاجكم قريب منو
سلطان : جايين اليوم ان شاءالله وأن مالقيت حجز جينا على أقرب رحلة بكره
ريم هزت راسها ونطقت : انتبهوا لنفسكم
سلطان : طمنينا عنك وعنه
ريم : ما تخاف أبشر ، ونهيّان عندي
سلطان ابتسم وقال : استودعتكم الله
قفل الجوال وألتفت يشوف العيال راكبين السيارة البرية ، مشى لهم ساكت ويتصنع الابتسامات لأنه ماوده يربكهم ويعكر عليهم فأجبر نفسه يسكت لحّد مايحصل حجز ، تقدم ومسكه سطّام يمشي معه ، أستغرب أنهم قاعدين يبعدون عن العيال والبنات ، ألتفت له ونطق : سمّ يأبو نهيّان ؟
سطّام وقف من أبتعد عنهم ونطق بحدة : وش صاير لنهيّان ؟
جمّد وجه سلطان وعرف سطّام علطول وهزه ينطق : سليّط لحّد يطير عقلي تكلم !!
سلطان عضّ شفايفه ونطق بتوتر وهو يهمس : جاته جلطة
تغيرت ملامح وجه سطّام ، مسكه سلطان مع كتفه ونطق : حالته مستقره وبخير ي سطّام والله بخير !
سطّام هز راسه مرارًا وتكرارًا ونطق : لا لا ، يويلك تنتظرني أجلس هنا وأفقد نهيّان السند مثل وفاء القلب !! لا تفكر أني بجلس ثانية وحدة بعيد عنه وأندم بعدين عليها مثل الندم اللي قضيته بالعشر سنوات اللي راحت !
سلطان شّد على كتفه ونطق : تكفى أنا في وجهك ماتقول شيء اليوم آخر يوم لنا هنا خلنا نقضيه بشكل حبّي ! تكفى
جمع بين كفوفه يغطي بها ملامح وجهه ، زفر سلمان اللي يتأملهم بتوتر ومشى لهم ينطق : عسى ماشر أنت وهو ؟؟
سلطان ابتسم وقال : ولا شيء
سلمان ألتفت لسطّام ونطق : سطيّم فيك شيء ؟
شّد سلطان على قبضته ، خايف ، خايف يتكلم سطّام ويوترهم ويخرب عليهم آخر يوم لهم هنا ، خايف ينطق وهو مايدري إذا بيلقون حجز ولا لا ، لو نطق وماحصلوا حجز بيضيع هاليوم والمخططات حقته على الفاضي ، مسح وجهه وشنبه وقال بصوته الرخّيم : ماكليت شيء وكلمت سليّط وش بنأكل على الغداء ولعّلي خفيت ودوخت شوي
سلمان مسك كتفه ونطق : بخير بخير ماعليك
سطّام زفر بضيق وقال : بخير أكيد لأن السند مايميل !
ابتسم سلمان يمشي مبتعد عنهم ، ألتفت سطّام لسلطان اللي نطق : نهيّان سندنا كلنا والله مايخلينا ! بحاول طول اليوم أدور حجز وأن ماحصلت يكفيني تكون مكتم على الموضوع لبكره
سطّام مشى وهو يقول : خير خير
ركبوا السيارة ومشوا يطلعون للمكان المنشود ..
~ سابقًا ، قصر نهيّان الجبيّل ~
صحى ومسك عصاته ، مشى يوقف وأتجه للحمام وسرعان مامسك راسه من حسّ بألم فظيع يشابه للصداع ، لكن هالمره كان بجهة وحدة ، زفر بقرف ونطق : وقتك يالصداع النصفي !
توضأ وطلع يفرش سجادته ، كبر وصلى الفجر على موعدها والدنيا لسى ظلام ، أنتهى من صلاته لكنه ماقدر يقوم ، حاسّ بتخدر فأطرافه اليمنى ، بقى على حاله لحّد ماطاح على الأرض وطاحت عصاته وصحَت ريم منها ، فزّت تشوفه طايح وسرعان ماصرخت تنادي الخدم ، نقلوه للمستشفى علطول بمساعدة ريم وعبدالصبور ..
~ المستشفى ، العنايات المركزة ~
تمشي رايحه راجعة من أمام باب غرفته ، تحتضّن ذراعيها لها وتنتظر ، تنتظر يصحى وتأكد لسلطان وتطمن قلبه وقلبها ، جلست من حسّت بالتعب على الكراسي تنتظره ، وقفت من دخلت أنهار وقصي ودحوم الصغير ، ابتسمت ابتسامة عريضة وقالت : كنت ناقصه شوفتو
ابتسمت أنهار تحتضّن أمها وتنطق : كيفو ان شاءالله أحسن ؟
ريم ابتسمت تحاوطها وتنطق : حيصير أحسن
مشت تسلم على قصي اللي قبّل جبينها ونطق : وش صاير ؟
ريم ابتسمت ابتسامة عريضة وقالت : دحومي صغيير !
أخذته من حُضن بنتها ونطقت : حرام تجيبي للمستشفى !!
أنهار مسكت ذراع قصي ونطقت : زوج بنتك يقول ولدي رجال مايجي لو حاجه
قصي ابتسم ونطق : وأنا صادق طالع على جده قبل يطلع علي
جلست ريم ونطق قصي : ايه ياعمتي ؟ وش حصل له
ريم رفعت عيونها من على دحوم ونطقت : كنت نايمه وسمعتو صحى للصلاة وكان طيب مشى وراح بنفسو للحمام توضأ وخلص وحتى طلع وفرش سجادتو ، ومن كبر للصلاة غفيت وماصحيت إلا لمن وقعت عصاتو على الأرض بقوة وحصلته طايح
قصي نطق بصدمة : كان واقف ؟؟
ريم ميّلت راسها بعدم معرفة ونطقت : الأطباء ماقالو حاجه
أنهار عبّست بملامحها وقالت : خارج من الشر أبونا كلنا
ريم ابتسمت وقالت : يارب امين
قصي : لا معليه ان شاءالله إنه طيب
رجعت أنظارها على دحوم وهمست بـ ' ان شاءالله ' ..
~ بأعالي جبال ساراندي ، ألبانيا ~
جالسين وفارشين سجادهم الأحمر المعتاد ، قدامهم الخليج وفوقهم شجرة يستظلون فيها ، طفى مطلق على القهوة السعودية ونطق : القهوة قطعت
سطّام سحب الترمس ونطق : أملاه يأبو مشبب عسى كيفك مايزال
ابتسم مطلق يسحب الترمس وينطق : حطيت البهار ؟
سطّام هز راسه بالايجاب وقال : صّب
صّبها مطلق من الدلة للترمس لأجل ماتبرد ولا حلاتها بالدلة ، قفله ومشى ينزله بنّص قعدتهم ، السناكات والقدوع والحلى والموالح ، طلعة بعيدة عن المويه والصيف ومليانه بالربيع ونسايمه ، ضحكت شهد ونطقت : مو كذا عاد
ظبيه ابتسمت وقالت : والله وشفيك !
شهد : وش نلعب بلوت صاحية !!
عِقد رفعت حاجبها وقالت : اش بلوت ؟ الكروت هدي ؟
شهد : ايوه !! ما أعرف لها صعبة
ظبيه ابتسمت وقالت : مايصعب علي شيء دام رأس مطلق حيّ
سلطان ألتفت ونطق : أنا أسمي سلطان ويدلعوني مطلق وشفيكم
ضحكت من تذكرت موقف سابق ، وضحك سلطان من فهمها ، جلس مطلق ونطق : تم بس نحتاج أربع لعيبه
سطّام مشى يجلس وقال : أنا بلعب
اسرار ابتسمت وقالت : لو أفهم فيها جيت معك
مطلق : يالله ناقصنا واحد
سلمان رفع كتوفه ونطق : والله ما أعرف لها
هذام : بعدين وين عايشين بلوت بألبانيا !
مطلق : وش دخل ، وش ينلعب بألبانيا يالحبيب ؟
هذام : شطرنج مثلًا ولا بادل !
مطلق مسك نفسه ونطق : يافقع كبدي ياناه
ضحكوا العيال كلهم والبنات بالمثل ، وقفت شهد وقالت : بس منجد يبي لها بادل الليلة ! وش قولكم ؟
اسرار ابتسمت وقالت : تم طبعًا
ظبيه عقّدت حواجبها ونطقت : وش بادل ذا ؟
عِقد ابتسمت وقالت : بيبو هدي رياضة تُلعب بالمضارب جمعت من التنس والأسكواش مره ممتعة وخيار موفق صراحة !
مطلق : تم دامها أعجبت الغنوج
سطّام رفع عيونه ونطق : وتم على أنك اخف مخلوق فالدنيا
مطلق مدّ الفنجال له ونطق : صّب ولا يكثر هرجك
توسعت عيون ظبيه بصدمة وقالت : أعقب يا مطلق وش هرجك وأنا أخت أخوي !!!
ضحكوا كلهم ونطقت عِقد : اتركييه أشبك !!
سلمان ابتسم وقال : من عاشر قومًا أربعين يومًا أصبح منهم
مطلق مسح وجهه وشنبه وقال : لو أعاشرها ليلة صرت منها وفيها ولها ، ألعب
ضحك سطّام وقال : خفيييييف
مطلق : أم عيون خُضر تسلم عليك
ابتسم سطّام يستفز مطلق ونطق : من الغنوج ؟
يقصد أن عِقد برضو عيونها خُضر ، فزّ مطلق وضحك سطّام يركض ، رمى الفنجال بسرعة وضرب قريب من رجل سطّام وانكسر ، ضحك بصدمة ونطق : ماهقيت الغيرة تحرقك يأخو الهَاجس ؟
مطلق زفر بغضّب وقال : أقطع ! اللي ماعنده غيرة ماهو برجال !!
ضحك هذام وقال : صح غيرة بس بحدود المنطق
مطلق : صمها أنت بعد
مشى للسيارة وضحك سلمان ينطق : خليتوه يعصب !
سلطان ابتسم وقال : معليه يهدأ
مبسوط سلطان أن مطلق قدر يغير مود سطّام وينسيه ولو شويه ، أخذ نفس وكمل يشرب قهوته ، وقفت عِقد ومشت للسيارة وصلت وشافته راكب ووحده من رجوله بالأرض ، يدخن ويتأمل بحر الخليج قدامه ، وقفت قدامه ونطقت بسخرية : أشبك هربت ؟
مطلق : لو سمحتي بروق شوي مع زوجتي
شّدت على ركبته وابتسم بخفه ، زفرت بغضّب وقالت : والحُماره اللي واقفه قُدامك مين ؟
مطلق : رحم الله امرئٍ عرف قدر نفسه يابنت أيمن
ضحكت بصدمة وقالت : حلو ؟ لسى مكمل طيب طيب
مشت من قدام السيارة ووقفت عند طرف الهاوية ، الهواء يلفحّ شعرها ونسايم البحر الأحب لقلبها ، ابتسم مطلق يتأملها ونطق :
على بنت ريح ٍمن بنات الحجاز تختال !
‏تجلّت من إنتاج الغنج وأختٍ لـ فادي