نصائح مفيده عن اهل البيت

22

هلوو شونكم عيوني اليوم نصائح شويه مختلفه

.. من سلبيات مجتمعنا على مر السنين سالفة القال والقيل ، بالشغل بالزواج بالصداقة وبكل علاقات الحياة العايشيها تلكه هذا الموضوع اساسي ، قبل من اسمع واحد حاجي عليه ومشوه صورتي كل عقلي آخذ على خاطري واروح احجي ويه الواصله هذا الكلام تره جذب ومو حقيقي هسه كل شي تغير ، الجذاب ما يبطل طبعه والحاقد ماتكدر تمنع حقده عليك ، واليكرهك ما تكدر تخلي يحبك الهالسبب يبقى يحجي عليك والحاقد يأكده ، والمعيوب يصفكله والخبيث يصدكه

والأبن اوادم ينبهك والاصيل يرد غيبتك والعاقل ماراح يسمع من الأساس.

.. تفتننا لحظات اللقاء الأولى بتفاصيل المظهر وعند الوداع لا صوت يعلو على أصالة الجوهر ، ففي اللقاء الأول تفاصيل المظهر الخارجي تبدو أكثر إثارةً وجاذبية لنفوسنا فتثير تلك التفاصيل عقولنا ومشاعرنا في آن واحد ، فالأنطباع الأول عند اللقاء الأول مع من نُحب له تأثيره وجماله الخاص وهو يتشكل في أذهاننا عفوياً عن الإنسان الذي نقابله فيترك بصمه لا يُمحى أثرها مهما تراكم عليها من غبار السنين ، كذلك هو الأنطباع الروحي فكثير ممن نقابل ترتاح إليهم نفوسنا وتنفرج بهم أساريرنا وكأننا شاركناهم لحظات من عمر سابق أو تفاصيل من حاضر عشناه أو مستقبل حلمناه.

.. رساله الج

خلي بالج دائما لتخلين بشر يلزم عليج لزمه دائما خلي بالج الناس مالهم أمان

وأكبر غدارة دائما خلي اليكرهج يتحسر يشوفج ضعيفة حافظي ع نفسج وع كرامتج واجبري الكل ..! يحترمج ويقدرج غصبن عنه لان ماكو واحد يحب الإهانة لنفسه عيشي وأنتي رافعه راسج وعايشة بكرامة ومو كل شخص يجي تحجيله كل اسرارج السر مثل الدليل لا تخلين لزمه ع نفسج خليج قوية خليهن بكلبج لان الدنيا مو أمان ومترحم أحد لتفكرين كل الناس مثل كلبج ونفسيتج الطيبة وروحج اللطيفة صلي وتقربي لرب العالمين ونظمي وقتج بالدراسة وعيشي حياتج مثل ما تحبين بعيدة عن النفاق ربي يجبر كلبج.

.. مكروه  الانسان الي يتغير بدون سبب مزاجيتك خاصة بيك وبأختياراتك وبنمط حياتك لا تعكسها على الأخرين ماكو داعي المقابل يتحمل مزاجيتك رحيلك وبقاءك وقراراتك المتضاربة، أو حتى هروبك من العلاقة بدون سبب وبدون مبرر مقنع هذا غلط، الأمور طبيعية من تريد تقرر خليك واضح وصريح ، اذا حبيت تنهي أو تستمر قدم مبرر لقرارك وخليك واضح ، خليك شجاع شويه هي هاي النهاية بعدها ماكو شي .

.. في ايامك الصعبة راح تعرف الفرق الكبير بين - منو يتركك لحد ماتهدء. ومنو وياك لحد ماتهدء ! - منو يسألك شبيك ؟؟ لأن خايف عليك.. ومنو يريد يعرف شبيك علمود الفضول - منو كاعد وياك لحد ما يطلعك من اللي انت بيهه ! ومنو قال ألك شبيك وقالك ترا انا ماعليه - منو وياك مهما طحت.. ومنو خلاك لمن طحت ! - منو يتحملك في عصبيتك وفاهمك.. ومنو ياخذ موقف منك ويزعل ! اسأل نفسك هالاسئلة وبعدها حدد دائرة علاقاتك بالشكل الصحيح والمناسب.