اليوم الثاني قامت على صوت سلمان اللي يغني وهو يمشط شعره ويتعطر
جلست منفسه من الالم والتعب وفوق هذا حلقها متقطع تلملمت على نفسها تحاول تهدي الالم باي طريقه وتقوم
جلست من حست ان الموضوع قاعد يزيد قامت ولقت شنطتها وصلت اخذت ملابسها وشنطتها ودخلت الحمام خذت شور دافي ولبست ثقيل وطلعت وهي بالموت تمشي وماتبين قدامه جلست اخذت حبوب مسكنه ولفت: خلصت يلا
سلمان: يلا مشينا
تولين استوعبت فجاه انها اكلت المسكن بدون اكل! وتحاول ماتستفرغ قدر الامكان الين توصل وتاكل لها شيء
سلمان:ياليلللل كل هالمشي وفي الاخير مقفل! شدعوه ماتاخرنا ! تعالي خل نشوف مكان ثاني دخلو اول مطعم قدامهم وطلبو وفي انتظار الاكل تولين ماقدرت تمسك نفسها وفزت: سلمان
ركض وراها بخوف وراحت لاقرب زباله واستفرغت بقوه فيها وانخرش هو: بسم الله عليك معليه معليه ، ولف على الويتر اخذ مويه ومناديل ورفع شعرها وظل يمسح على ظهرها الين خلصت ومد لها المويه والمناديل ورجعت لمكانها تمسك بطنها بالم سلمان: وش فيك يابنت الحلال خل نروح المستشفى وضعك موب طبيعي ابد
تولين: مايحتاج اقولك خلاص انا اعرف
سلمان: مدامك تعرفين ليه ماوقف تعبك للحين؟
تولين: ثقلت عليك؟ شكيت لك؟ خلاص قلت لك اتركني بحالي
سلمان: لا والله يابنت الناس انتي امانة اكيد بحافظ عليك وماقدر اشوفك تنهارين قدامي وماسوي شيء!
تولين تنهدت: بقولك عشان ترتاح بالمطار ماقدرت اكل من التوتر ونفسيتي قالبه بسبب موضوع ما خاص فيني عشان كذا اكليت لان معدتي مضظربه اما الحين استفرغت لاني اكلت مسكن اول ماقمت والمسكن قوي على معدتي وهي فاضيه عشان كذا استفرغت خلاص؟ اي اسئلة ثانيه؟
سلمان: لا خلاص كلي الحين عشان تصحصحين
رجعت تولين تمسك بطنها بالم اول ماجا شاهي الاعشاب شربته بسرعه وطلبت واحد ثاني: بليز سلمان ابي كوب بعد باخذه معي
سلمان: عجبك؟ بالعافيه
تولين: الله يعافيك
خلصت فطورها ورجعت اكلت مسكن وتشرب شاهي الاعشاب ارتاحت كثير لكن لازال جسمها تعبان تمشو شوي ورجعو للفندق بدلت وتمددت على السرير بتعب
سلمان بطفش: شنسوي طفش
تولين: تتفرج معاي؟
سلمان: وش وراي حطي خل نتفرج
حطت الايباد بالنص وجلسو يتفرجون فجاه التفت على دموعها اللي نزلت: منجدك! مسلسل والله مسلسل
تولين: حتى ولو حرام تخيل شعور الولد لما مات ابوه قبل يعلمه!
وانهارت تبكي وهو يهديها: يابوي خلاص مانبغى فلم بحط لك شيء يضحك احسن
فتح فلم على ذوقه وانهارو ضحك
تولين: خلاااص زدت وجع بطني من الضحك سلمان: وربي بطل اجل تحطين لي حزن وطلق ودنيا مالي في ذي الاشياء
تولين: حرام عليك فيه قصة في الموضوع!
سلمان: ماختلفنا بس
قاطعته: خلاص خلاص اسمع اطلب كمادة لوسمحت
سلمان: ليش؟
تولين بوهقه ماتدري كيف تصرف: عشان ادفي بطني تعرف تو مستفرغه اليوم وكذا
رفع سلمان وطلب والتفت عليها وهي تاشر بثلاث طلب ثلاث وجت وحطت على رجولها وبطنها هنا ناظرها بشك وضحك: الحين ليش ماتقولين لي من البدايه انك معذوره كان ماجرجرتك بالهواء والبرد وتقاومين التعب ولاتقولين لي! عادي يابنت الحلال
هنا ناظرته بحياء تمنت لو الارض انشقت وبلعتها من الخجل قررت تسوي نفسها غبيه: وشو!؟
سلمان: خلاص ادري انك تستحين يعني شايفك ماتصلين ومنفسه وتعبانه تتوقعين مابفهم يعني! ترا عندي خوات وافهم
غطت وجهها بخجل وضحك: خلاص ماقلت شيء تعالي خل نتابع
جلسو يتابعون الين غلبهم النوم
اليوم الثاني قامت على دندنة صوته وهو يغني بالبلكونه ابتسمت وشدت اللحاف عليها وطلعت بالبطانيه فطس ضحك وضحكت: شسوي برد صباح الخير
سلمان: صباح النور تعالي كنت انتظرك طلبت فطورر يحبهه قلببكك توه جاء على حظك كلي قبل يبرد
استغربت الاكل نظيف: ليش ماكلت؟
سلمان: انتظرك
ابتسمت وبدت تصب لهم شاهي: انت غريب دايم اقوم القاك قايم قبلي متى تقوم؟
سلمان: تونيي قايم انا غسلت وجهي وجيت جلست انتي كانك موقته اول ماقوم شوي الا تقومين انتي لايكون انا مزعج وانتي نايمه؟
ابتسمت: لا مو مزعج ابشرك بس فيك شيء غريبب والصدق احيان اعصب واضربك بس ماتحس ههههههه
سلمان: وشو؟!
تولين: تتحرك كثيير وانت نايم!!! تخيل ان اول مره انام جمبك عطيتني شوتة! وجعتني وقعدت اراقبك لايكون صاحي وتستعبط!
انفرط ضحك: والله مو قصدي ماحس بنفسي عشان كذا العيال بكل سفرة يخلوني بجهه لحالي عشان سيقاني توصلهم لان الاسرة قريبه عرفتي او اتحرك وانا نايم بس ترا نادر مو دايم حتى الحركة احيان مو دايم
تولين: طيب انا اسوي شيء وانا نايمه؟
سلمان: مدري انا مانتبهت انتي تنامين وتقومين ماتحركتي ماتتحركين! هااديهه
ابتسمت: الحمدلله اجل انا من كنت صغيره تخيل كنت امشي وانا نايمه واجهلل كثير كان نومي مرههه ثقيل لكن سبحان الله كل ماكبرت كل ماصار نومي خفيف
خلصو فطورهم وسواليفهم
سلمان: تبين نطلع اليوم؟
تولين: اي بس لانطول الجو بارد
سلمان: فيه تزلج رحت له مع العيال تبين نروح له سوا؟
تولين: بس انا ماعرف!
سلمان: انا اعلمك معليك نلعب وبنبسط
تولين: تم اجل ، ولفت من حست بشيء جمبها وفزت بخوف بسرعه ورا سلمان اللي ضحك على شكلها: شفيك
....يتبع
وش توقعاتكم؟
عطوني ارآئكم وافكاركم الحلوه 🥰
أنت تقرأ
أشوفك في سواد الليل نور شع قدامي
Romanceبداية بسم الله الرحمن الرحيم نبدا بتعريف الشخصيات الاساسية الان ومع الوقت بنتعرف على ناس اكثر الجد سلمان الجده غاليه الاب: حمد الام: عذوب ندى & زياد = نهى - حمد سلمان & تولين فيصل جوهرة اهل تولين الاب: يزيد الام: عذاري عبدالله تالين الين شخصيات...
