أشوفك في سواد الليل نور شع قدامي

Part6

ياكبرك بعيني وياكثرالقبول
يابو الكلام اللي لعلّاتي دوا

سلمان لف عليها وهو يتأمل عيونها: مو غرور بس انا احب نفسي
تولين صغرت عيونها تنتظر تكملة الجمله انتبه وضحك وهو يلعب بشعرها ويبعده عن وجهها: امزح معك وش فيك
تولين بدت تدغدغه: الحين باقي تمزح؟
ماقدر يتحمل وسحبها بقوه وطاحت فوقه وقرب مره من وجهها وهمس: ايوه امزح وش بتسوين؟
استحت وتوترت من قربه حاولت تبعده عنها شوي ماقدرت غمضت عيونها ودفنت وجهها برقبته عشان مايسوي شيء وهنا استغل الفرصه وباس رقبتها وبعدها بسرعه:يعع سلمااننن!
قلبها للجه الثانيه: يع! افاا
تولين: يعني قصدي ياخي تدغدغني ماحبها
طبع قبله رقيقه على خدها: وكذا؟
ابتسمت: ايه كذا عادي
سلمان: طيب عطيني عشان افكك
باست عيون الثنتين وهنا فتح عيونه بحب : لا كذا ماراح تروحيينن!
تولين صرخت: خلاصص هاه ،عطته وحده بخده: قلت اتفلسف لعله يفكني
سلمان: وانا قلبي يعورني هاه!
استغربت الوضع ولفت عليه عاقده حواجبها: وش فيك صاير رومانسي؟
سلمان: من زمان وانا رومانسي لكن ماعطيتيني مجال انتي بس عطيني مجال
تولين ضحكت وهي تضرب صدره: اقول بس استح
قامت وهي تسمع ضحكته رجعت الالبوم لمكانه
بعد مدة جلسو هادين تولين على جوالها تسولف مع البنات وسلمان يتابع في التلفزيون مسلسله
تولين فزت: سللومم بكرة فيه عشاء عند اهلي تكفىى قوم قوم بقضي
سلمان: وش تبين؟
تولين وهي طالعه: علي الحلى يلا يادوب نلحق
لبست بسرعه وطلعو وامتلت السياره صواني
سلمان: باقي شيء؟
تولين: استنى اشوف ماما
اتصلت عليها: هلا ماما.. لبيه... ابشري اخذتها باقي شيء؟ انا برا الحين... سمي على خشمي يلا مع السلامة
سلمان: هاه؟
تولين: خلاص الباقي في البيت تسلم حبيبي
سلمان: اهم شيء رضا عمتي
تولين: اكيد
رجعو للبيت وتسبحت وسوت سكين كير وسلمان منسدح يون من بطنه تولين: وش فيك بسم الله وش جاك
سلمان: بطني يعورني
تولين: دقيقه بسوي لك شيء يدفيك واجيك
شربه وتمدد يحاول ينام
اليوم الثاني طلع من بدري للنادي
وتولين تتجهز رجع المغرب ودخل يتسبح بسرعه ولعت العوده وجت تتبخر معه وهي تدندن
وبدت ترقص وهي تغني سلمان: الله الله
مسك يدها وهي تدور وتتغنج وقفت وهي تنزل المدخن وراحت تركض تلبس عبايتها: يلا امي بتذبحني تاخرت مره
رجعت من تذكرت: صح وشلون بطنك الحين؟
سلمان: لا اشوى راح الالم
تولين: زين الحمدالله
سلمان: يلا انا بنزل اشيل الحلى استعجلي
تولين: مر اخوي العصر وخذاه خلاص مابقى شيء يلا يلا
مشو للعشاء وبدت تولين تحضر وتساعد خواتها بالعشاء
انتهت ليلتهم متاخر ومابقى الا الاقارب وجالسين في الحوش بهدوء وجلسة ملمومه
ارسل سلمان: مشينا؟
تولين: يلا طالعه الحين تعال الله يجعني خذ الصواني من عند الباب
سلمان: يلا
طلعت الاغراض عند الباب وصففتهم: بلبس عباتي واجي
لبست وجت تساعده وتشيل الترامس ولفت على امها تحضنها: الله يستر عليكم يابنتي
سلمان: فمان الله ياعمه
امها: الله يستر عليكم
ودعتهم ومشو
تولين استندت على كتفه والطريق هددووءء سلمان حفظ حركاتها: قولي اسمعك
تولين: وش اقول؟
سلمان: فيك شيء؟ شكلك متضايقه
تولين: شوي
سلمان: وش صار؟
تولين: ولاشيء
سلمان: كيف ولاشيء
تولين: خلاص سلمان متضايقه كذا من ربي نفست خلني شوي الين اهدى وانسى ماحب اتكلم اذا تضايقت خلني وانا بتفاهم مع نفسي
سلمان: وش ذا الخوف ياتولين ليه ماتقولين انا معك انا سندك بعد الله ماتثقين فيني للحين؟
بعدت وهي تلعب باصابعها وتجمعت الدموع: سلمان لاتزيدني تكفى انا كذا ماحب اتكلم اذا الكلام بيغير شيء بتكلم لكن مايفيد في ذا الموضوع غير انه يزيد على جرحي والا انت والله انك عيوني وادري بك ماتقصر الله لايحرمني منك ، ورجعت تحضن ذراعه: بس خلني هنا الين اتناسى ودي ابقى هنا طول العمر
ابتسم سلمان وشاركها صمتها الين وصل وانتبه لخشمها اللي احمر وعيونها على انها مسكت بكيتها لكن اوجعه قلبه عليها وحضنها بقوه الين نزلت دموعها وبكت على كتفه اليين حس بهدوئها وحضن وجهها بين كفوفه وهو يبوس عيونها: فيني ولا فيك يابعد روحي وراسي
حضنها مع الجنب وحاوطت يدها خصره ودخلو وهي تمسح عيونها: وصخت ثوبك
سلمان: فداك ماعليك منه اهم شيء لاتكتمين بكيتك ترا توجع والله اكثر من البكي
لفت تاخذ بجامتها بهدوء: تعودت
دخلت غسلت وبدلت وجلست على التسريحة تدهن وجهها ويدينها والهواجيس تاخذها وتجيبها
انسدح سلمان: يلا تعالي خل ننام طفي النور معك
نفضت افكارها وقفلت النور وانسدحت ويدين سلمان تحاوطها وناموا
قامت اخر الليل وجلست تناظر السقف بهدوء بعدت يدين سلمان وقامت وضت وجلست تصلي وتدعي وتتعوذ من الضيقه اللي جتها فجاه ناظرت الساعه 3:54am جلست تقرا وردها الين ياذن الفجر وقومت سلمان يصلي وصلت ورجعت جلست على السرير تقرا اذكارها بكفها مسحت على نفسها ولفت على سلمان تحصنه معها ابتسم على حركتها وسحبها لحضنه وهو يشم شعرها وهي اكتفت بانها تغمض ولفت عليه بانزعاج بعد ماحست بيده تسللت لبطنها يدغدغها: سلماان نامم
سلمان مارد واكتفى يطبع قبلاته وتاففت بانزعاج: خلاص سلوم
سلمان ناظر بعيونها: وش فيك؟
تولين وهي تلعب باصابعها ودموعها تجمعت بعيونها: مافيني شيء
سلمان: كيف مافيك شيء والدموع هذي؟
تولين مسحت عيونها ودفنت وجهها بصدره:خايفه
سلمان: من وش مني؟
ماردت واكتفى بتنهيده وبعدها وهو يرجع شعرها ورا اذنها: عيوني لاتخافين مني وانا امانك
ابتسمت وهي تشد على حضنه تمسك دموعها ونامو
مر اسبوعهم بهدوء سلمان يروح النادي وتولين تقضي وقتها مابين البنات والنادي
المغرب اتصل سلمان على تولين وهي بالنادي : هلا حبي خلصتي؟
تولين: اي باخذ شور الحين
سلمان: يلا انا برا
تولين: اجل جايه
غسلت بسرعه وطلعت قرب بيسلم عليها وبعدته: لا تكفى ريحتي عرق خلني اروح اتسبح الحين
سلمان: يازين ريحتك ايا كانت
تولين: وععع سلمان !!!!
ضحك وحرك للبيت
مشى للبيت
دخلت تتسبح وهو منسدح على جواله يتابع
طلعت تولين بروب الحمام طويل ومغطي جسمها كله راحت لغرفه الملابس جففت شعرها ولبست بجامة حرير ونزلت تسوي لهم اكل
سلمان رجع من صلاة العشاء : وش تسوين؟
تولين: سالمون ورز ابيض
سلمان: يااسلاامم على الريحة وش اسوي معك؟
تولين: خلاص قربت اخلص بس نحضر السفرة
اخذ الصحون والاكواب وراح للطاوله يرتبها جت بالصينيه وحضرت الاكل وجلست وهي تصب لهم بيبسي: سم بالله يلا
جلست وهي تعطس وانفها احمر: باكية؟
تولين: لاا بس مزكمة شوي
سلمان: سلامتك ياروحي
تولين: الله يسلمك
خلصو عشاهم ونامو بدري
قامت اليوم الثاني بتعب شدت اللحاف عليها من البرد فتحت عيونها وراسها مصدع ومزكمه ناظرت حولها مافيه احد قامت تسبحت تصحصح وبدلت وطلعت للصاله تدور سلمان مالقته انسدحت واتصلت عليه مارد: اففف اكيد الحين بالتمرين ياربيي
قامت سوت لها شاهي بالليمون وجلست تحاول تداري زكمتها وتعبها ومر الوقت الين نعست مكانها ونامت
سلمان اتصل عليها من شاف اتصالها وماردت كمل تمرينه ورجع بدري للبيت شغل الانوار وشافها في الصاله متكوره على نفسها ووجها احمر وانفها وعيونها قرب يقومها:توته قومي تولين بعدته بانزعاج ولفت على الجهه الثانيه جلس جمبها على الجوال وكل شوي ينادي عليها الين جلست: افف اسكت راسي يعورني وقفت وراحت للحمام ثواني وبدت تنادي عليه

اهلا اهلاا كيف البارت؟
توقعاتكم حبايبي وتفاعلكم 💕