أشوفك في سواد الليل نور شع قدامي

Part12

( الشخصيات والاحداث خياليه لاتمد للواقع بصلة)

___________________
" اخاف على قلبه وبكل ليله اداريه
لأنه السبه في رضا قلبي والمسرّه"
___________________

سلمان. وش تدورون؟
جوهرة: ساعة امي ضاعت
سلمان: كيف ضاعت؟
جوهره: امي كانت توضي ونستها على المغسله قمت اخذتها لاتضيع وضيعتها كانت معي هنا وانا اجهز القهوه ومدري وين راحت ياربيي امي بتذبحننييي
دخلت امها على اخر كلامها: ليه اذبحك؟ بسم الله على بنتي
جوهره بورطه: ضيعت ساعتك بالغلط والله هي هنا انا متاكدة شفتها
عذوب: يابنت الحلال جابتها لي نهى لقتها بالمطبخ وعطتني اياها
جوهره: هااهه ياربي هالنتفه وانا هنا لي ساعه ادور انجنيت
سلمان: طيب يلا عطووني القهوه بسرعه
جت الخادمه بعد ماجهزت الصينيه وحطت القهوه والشاهي: كلاص هذا جاهز
اخذه وراح للرجال مستعجل
تولين بضحكه: يلا يالمفهيه امشي نروح للحريم
جوهره ضحكت معها: يلا يالمفهيه الثانيه
جاء وقت العشاء وحضرو الخادمات وجوهره وتولين معهم
جوهره سحبت الصينيه من يد تولين:خلاص تولين ترا بعصب لاتشيلين شيء
تولين: طيب بس برتب ماشلت شيء ثقيل
جوهره جلستها بالغصب: اجلسي اقول
جلست وهي توجه الخادمات وتساعد جوهره بالتحضير وهي جالسه
دخل فيصل وهو صاد: خلصتو؟ ابوي بيدخل الرجال يلا
جوهره: يلا دقيقه باقي شوي اذا خلصت بدق الباب عليك
فيصل: زين عجلو
خلصو وطلعو من المجلس
وقامو الرجال والحريم للعشاء وراحو البنات يجلسون بالمجلس ويرتبونه قبل يرجعون الضيوف خلصو بسرعه وجلسو
عند الرجال
بدا يعرق سلمان ويحمر وجهه استعدل بوقفته بتعب يلتقط انفاسه نزل الترمس وطلع من المجلس متوجه للمغاسل يغسل وجهه ووقف يجففه ناظر نفسه بالمرايه وتنفسه مو منتظم عدل شماغه ورجع للمجلس وجلس
زياد همس باذنه: وش فيك ياولد اوديك المستشفى؟
هز راسه بلا: لا برتاح بس
زياد: اكيد؟
سلمان هز راسه بايه وهو ساكت
بدو الضيوف يمشون وبدا المكان يفضى
اخر الليل العايله كلهم تجمعو في البلكونه بعد العزيمه حتى الجد والجده
دخلو زياد وفيصل بعد ماقفلو البيبان وودعو الشباب
زياد: يلا احنا بنمشي تبون شيء؟
الجده: على وين يامك خلاص الناس نامت نامو ياعيالي
زياد: متجمعين الشباب ياجده ولزمو علينا
الجد: لاتتاخرون ياعيالي وانتبهو
زياد: ابشر يلا مع السلامه
الكل: مع السلامه
تولين بقلق لفت على عذوب: عمه وسلمان وينه؟ دورته بالبيت مالقيته
عذوب نادت بسرعه قبل يطلع فيصل: فيصللل
فيصل رجع لامه: سميي
عذوب: شفت سلمان؟
فيصل: قالي بيروح مشوار ويرجع
عذوب: زين يمه
فيصل: يلا تبين شيء؟
عذوب: سلامتك
مشى فيصل ورجعت تولين بعيونها تراقب الحوش لعله يمر وتطيح عينها عليه تتطمن
دقايق وشافو سيارته ماره من جمبهم ووقف بنص الحوش ونزل يترنح وعاقد حواجبه وكان واضح عليه التعب فزت بخوف تولين ونزلت ونزلت وراها جوهره مسكت كفوفه تعاتبه من خوفها: سلمان خوفتني وين رحت وانت تعبان!
قربت اكثر تتفحصه: سلوم وشفيك بسم الله
ناظرها بتعب وهو مايدري وش تقول
تكى عليها يحاول يستند ويوقف وجسمه يرجف رجع جلس بالسياره يسند راسه ويحاول يلقط انفاسه همس بسنده: ابوي
جوهره بخوف: يببههه يببه تعال بسرعه
نزلوا كلهم بخوف يتفحصونه
حمد: جوهره نادي السواق بسرعه
جاء السواق يساعد حمد يشيلونه للسياره وجلس وراس سلمان بحضنه يقرا عليه من الايات ويستودعه الله
ومشو لاقرب مستشفى
في البيت
الجده غاليه  لاحظت قلق تولين قربت لها حضنتها تطمنها: لاتخافين يمه هذي انا جدته وهذي امه ماخفنا كثرك سلمان من يوم هو صغيير مايتحمل المرض مره مناعته ضعيفه تعودي يابنتي ولاتخافين مافيه شيء حراره بسيطه وتروح يعطونه مغذيه ويرجع زي الحصان معليك تعالي تعالي غرفتك غسلي وبدلي وريحي هو كذا كل فترة يمرض مناعته ضعيفه
مسكت جوهره كفها وهي تقومها: تعالي تعالي معي
راحو لغرفة اروى غسلت وبدلت وجت جوهرة بكوبين شاهي بابونج: خذي ريحي اعصابك والله الموضوع بسيط مافيه شيء داخ من الحرارة بس
تولين اللي بدت تهدى من كلامها ووقفت وساوس وتفكير بس ماتنكر انها خايفه عليه
مرت ساعتين وجوهرة وتولين بالغرفه يسولفون واخذتهم السوالف
الساعة 3:00am
دخل سلمان وانتبه لجوهرة متمدده على طرف السرير تغير جو تولين واصوات ضحكهم مالي الغرفه
سلمان: ياهلا بجوهرة تو مانورت الغرفه
ابتسمت وهي تسلم عليه: النور نورك ماتشوف شر ياخوي كيفك الحين؟
سلمان: الحمدلله احسن
ولف لتولين اللي بدت عيونها تمتلي دموع
انسحبت جوهره بعد ماتطمنت على اخوها وتولين قربت وهي تحاوطه وتدفن وجهها بصدره: خوفتني عليك وربي ان قلبي بغى يوقف من طحت قدامي
سلمان قبل راسها: بسم الله عليك وعلى قلبك هذاني مافيني الا العافية لاتخافين ولا شيء
تولين رفعت نفسها تحاوط وجهه: الا بسم الله عليك انت واستودعتك الله
ابتسم وهو يحضنها وهمس باذنها: لو العمر ينهدى اهديتك عمري ياضي عمري
ابتسمت وبعدت عنه وهي تتجه للباب:جوعان؟ اسوي لك اكل؟
مسك يدها يوقفها: ماني جوعان بس نعسان مره تعالي
جلست على السرير وراح سلمان غير ملابسه وانسدح بتعب ابتسمت لشكله وقربت وهي تلعب بشعره وتتأمله بحب وكل شوي تشيك لو حرارته ارتفعت
تسريع الاحداث بعد اسبوع بدا الكل يرجع للرياض بعد مانتهى العيد
بعد صلاة العصر
الشباب في الحوش يرتبون الشنط في السيارات
والجد والجدة وحمد وعذوب مع بعض
وندى وزيادوعيالهم مع بعض
فيصل وجوهرة وسلمان وتولين مع بعض
رتبو العفش ومشو خط للرياض
فيصل: سلمان سووقق ياخي انا مواصل ابي انام تكفى
سلمان: يليللل خلاص انزل انزل
فيصل: تولين ممكن تجين قدام؟
تولين: تمام
تبادلو الاماكن وانسدح فيصل وراسه بحضن جوهرة وغط بنومه
مر وقت طويل والسيارة صمت جوهره تنعس وفيصل نايم وتولين ساكتة توقعها تبي تنام لكن لف عليها وهي ساكتة وهادية
مد يده لكفها يحتضنها بيده: وش فيك هادية؟ تعبانه والا فيك نوم؟
تولين هزت راسها بلا: ولا شيء
سكت وهو يشوف هدوئها توقعها مستحيه من فيصل او تبي ترجع مع جوهرة سكت وكملو طريقهم
وقف سلمان عشان يصلون العشا والمغرب جمع وقصر لانهم مسافرين
فرشو فرشتهم وصلو وجلسو شوي يقرون اذكارهم ويتمددون
قام سلمان للشنطه واخذ مخده وبطانيه والتفت لجوهره اللي جت بتركب: جوجو تعالي قدام
لف لتولين اللي تلبس شوزها ومسكها: لاتطيحين اجلسي والبسيها
ثم نزل بعد ماستوعب انها ماتقدر تدنق نزل ولبسها جزمتها قربت وهي تبوس يده: تسلم حبيبي
انتبه لعيونها الذابله ووجها واضح عليه التعب: تعبتي؟
تولين: شوي، متى نوصل؟
سلمان مسك يدها يسندها الين ركبت: الصدق باقي قدامنا طريق مطولين
تنهدت وهي تنزل المرتبه وتريح ظهرها
شالو الفرشه سلمان وفيصل وركبو اخذ سلمان المخده وحطها بحضنه تمددت تولين وغطاها بالبطانيه ابتسمت وهي تضم يده ابتسم وقرب وهو يقبل كفها: نامي وارتاحي ياروحي
ابتسمت وسرعان ماغلبها النوم من التعب وكمان اليوم اللي قبله ماقدرت تنام من بطنها وجنينها اللي ازعجها كثير وهو يتحرك
مر وقت قليل وهمست تولين وهي تشد على ذراعه ومغطيه فمها: سلمان بستفرغ
سلمان: ايش؟
تولين انكمش وجهها بقرف: بستفرغغغ
سمعها فيصل ووقف بسرعه ومد المناديل لجوهره اللي نزلت وراها بالمناديل والمويه: بسم الله عليك وش فيك؟
استفرغت كل اللي ببطنها قربت جوهره تسمي عليها وتسندها خلصت واخذت المويه تغسل وجهها وجوهره محاوطتها: وش فيك يابنت الحلال تعبانه؟ والا وحام ؟ انا من شفتك الصبح وانتي فيك شيء
تولين: تعبانه والله مزعجني ولدي الله يهديه ماخلاني انام ومن قمت وانا حايمه كبدي
جوهره: الله يعينك يختي
ركبو للسياره مره ثانيه وتمددت تولين ونامت مره ثانيه وهي ماصدقت يهجد ولدها ويقلل حركته غطت بنومها وسلمان مغطيها بالبطانيه ومو باين منها شيء وفيصل اساسا ماراح يناظر وسلمان متاكد من هالشيء
ثواني وغط سلمان بنومه معها
جوهره بنعاس: كم باقي بنوصل ودي انام
فيصل: نامي طريقنا طويل
جوهره: واخليك لحالك! مستحيل!

.....يتبع

____________________________
اهلا حبايبي توقعاتكم للجاي؟
+ تبون نختمها والا نكمل؟

استغفر الله🩷
الحمد لله 🩷
الله أكبر 🩷