أشوفك في سواد الليل نور شع قدامي

Part 3

(الشخصيات والاحداث خياليه لاتمد للواقع باي صلة)

تولين: سلمان امانه ابعدها
ماتحرك الطير ابدا متعود على الناس قرب للطاوله وبدا ينقر الخبز وتولين متمسكه في ظهر سلمان ومتخبيه تحت البطانيه: سلماانن ابعده بدخل!!!
سلمان دفه وطار
سلمان: تخافين من طير! ترا مايسوي شيء
تولين: ماحب الطيور ايييوهه تقشعر جسمي
سلمان ضحك وساعدها يشيلون الاكل وسكرو البلكونه دخلت تولين للحمام بدلت وتجهزت وطلعت: يلا مشينا؟
سلمان:يلا
مد يده وشبكت يدها بحياء ومرخيه يدها وكانها انشلت عن الحركه شد عليها بقوه وهو يبتسم على حياءها اللي عجزت تقلل منه تستحي منه مررهه
تولين بتساؤل: مو لازم نشتري شيء؟
سلمان: لا هم بيعطونك كل شيء هناك
تولين: امم حلو
سلمان: والله انتي الحلو
صدمها وضربته بخفيف وبدلع مع حياء: سلمااانننن
سلمان وهو يقلدها ويتمايل: ننعععممم؟؟؟
تولين: لاتقولها كذا فجاه استحي
سلمان: وش اسوي قبلها!؟
تولين بحياء: خلااااصص ولا شيء تعال اول شيء خل ناخذ قهوه قبل نروح
اخذو قهوتهم وراحو للالعاب الثلجيه دخلو لبسو اللبس المناسب والاحذيه والالواح وطلعو للتلة لبسو الالواح وعلمها سلمان على الاساسيات وبدت تتعلم
سلمان: يلا الحين نمشي سوا خليك متزنه
تولين: طيب خلك قريب لا اطيح
سلمان: وراك انا معليك يلا ١ ٢ ٣
تزحلقو من القمه سوا ووصلو للنهايه صرخت تولين: كيف اوققفف!!!
سلمان: العصي العصيييي
اول ماغرزتها انفكت منها بقوه وصرخت بخوف وهي تغطي وجهها قبل تصدم: يممهه
اسرع سلمان وجا قدامها وطاحو على بعض
سلمان: جاك شيء؟
بعدت يدينها من وجهها: يوهه الحمدالله ياربي الحمدالله خلاص مابي العب
ضحك سلمان ووقف: ليش فكيتيتها؟
تولين: عورتني ماقدرت اثبتها
سلمان: طيب تعالي ناخذ الالواح الثانيه اامن واحلى
تولين: يلا احسن
اخذو الكراسي اللي يتزحلقون فيها
تولين: سلمان تعال قدام عشان اقدر اتمسك فيك
سلمان: وانا شلون امسكك!
تولين: لا اخاف اكون بالمقدمه كذا
سلمان: يلا طيب جلسو وانحجبت الرؤيه عنها: يوه ماشووفف
ماكملت كلامها الا وهم طايرين صرخت بسرعه: مامداني اتمسك!!!
فرطت ضحك من الموقف وهي ماتشوف شيء بس تحس بالثلح يطير عليها وتحس بالسرعه اللي تزيد: يمه سلمان هدي هدي
وصلو للنهايه ووقفت بسرعه: ماشفت شيء!! ظهرك مغطي يلا مره ثانيه وبجلس قدام بس امسكني زين اخاف اطير
سلمان: يلا طيب
طلعو مره ثانيه وجلست قدام وهي تثبت نفسها بالكرسي: يلا جاهزه
نطو وبدو يتزحلقون ومع كل لفة تتمسك برجوله بخوف: يممهه
استمتعو باللعب وخلص الوقت ماحسو
دخلو داخل يتدفون واكلو بيتزا وطلعو للفندق: مرره انبسطت سلمان يجنن المكان مره شكرا الله يسعدك
سلمان: العفو ووياك ياروحي خلاص اجل نجي كل يوم مدامه عجبك
اكتفت بابتسامه وهي ترخي راسها على كتفه وتضم ذراعه وهو مبسوط على تغير حالهم واخيرا ارتاحت معاه وهو كمان ارتاح
وصلو للفندق وبدلو وطلعو يتمشون بالاسواق ويتسوقون
تولين: ابغى انسق لك انا ممكن؟
سلمان: يلا نسقي
جهزت له طقمين ولبسهم وهو يوريها: امم كان الاول احلى
سلمان: اي والله
اخذوه وطلعو
سلمان: خل نرجع شرايك؟
سندت راسها على كتفه بتعب: ايوه خلاص تعبت
رجعو للفندق
دخلت للحمام اخذت شور دافي ونامت جمب سلمان اللي غط بنومته من زمان غطته باللحاف معها ونامو
اليوم الثاني قامت تسبحت وبدلت ولبست ثقيل وهي تحس بالم في حلقها وكانه بداية زكام اخذت شاي وليمون وجلست تشرب الين يقوم سلمان مرت ساعه ولا قام وتاخر هاليوم قربت تصحيه: سلمان؟ يلا الساعه وحده لمتى بتنام؟
سلمان: تعبان جسمي يوجعني بنام
تحسسته: مافيك حراره بس شكلك مزكم من صوتك !
سلمان: شوي
تولين: طيب قم قم تسبح وتنشط وتعال نفطر لاتقعد بالفراش تمرض اكثر!
قومته بالغصب
اخذ شور ولبس ثقيل ونزلو تحت وهو يسحب رجوله بتعب
راحو لمطعم وافطرو فطور متاخر وكلهم خشومهم حمراء واصواتهم رايحه فيها
تولين: سلوم خلصت؟ ماكليت شيء
سلمان: حلقي يعورني خلصي ونروح الصيدليه
تولين: خلصت اساسا يلا
وقف وهو جسمه يرجف وراسه يدور لكن سحب نفس ويوازن نفسه ومشى بهدوء وجمبه تولين اللي ماتقل عنه تعب

...........يتبع

--------------------

🙈توقعاتكم حبايبي
من طول الغيبات جاب الغنايم🌚 والا؟؟
ارائكم وافكاركم تجدد لي افكاري وتضيف لمسات لطيفه للقصه🫶🏻