أشوفك في سواد الليل نور شع قدامي

Part 9

( الاحداث والشخصيات خياليه لاتمد للواقع بصلة)
------
قم ضمني خل العيون الذوابيح
تذرف على صدري رذاذٍ يريحه

وأنسى العتب ترى العتب للمجاريح
ماهو لمن أستمع للنصيحة
-------
حطت تولين يدها على بطنها وفزت جوهره فاتحه فمها وسحبتها تولين تجلسها: اجلسييي لاتفضحيينناا
جوهره: كذااابببههه احلفييي!!!
تولين: والله شفيك
جوهره: كيف متى ؟
تولين: توني دريت هاليومين
جوهره: اي شهر؟
تولين: توني باخر الثالث
جوهره: لا قصرتي حبيبتي توك تحسين انك حامل؟ صدق انك فاهيه انتي وزوجك
تولين: شسوي يختي ماكنت ادري
جوهره: ياربييي بصير عمه مره ثانيه متحمسه مره اشوفه احس بيشبهني اكيد
تولين: ياسعده لا طلع يشبهك بس لا ابيه يشبهني اكيد بيطلع على ماما اتعب تسع شهور ومايشبهني!
اتصل سلمان على تولين
جوهره: انا اقوم واخلي طيور الحب لحالهم
ضربتها تولين بحياء: هلا سلوم
سلمان: نرجع البيت؟
تولين: ليه؟ تونا بدري الساعه ١١:٣٠
سلمان: مابيك تتعبين ياروحي
تولين: لا وين تعب والله انبسطت مره لعبنا ورقصنا والحين قاعدين ناكل اسكريم بالجو الحلو هذا وسواليف خاثره
سلمان بعصبيه: ايش ايش؟
تولين: وشو بسم الله
سلمان: وش اللي تلعبين مستوعبه وش تقولين بزر انتي!؟؟ في بطنك روح وانتي تنطين وتلعبين ولا كانك حامل !!
تولين: سلمان خلاص وبعدين لعبت بشويش اعرف انا وش اسوي
سلمان: لوتعرفين وش تسوين ماكان لعبتي بزر انتي؟ طول بعرض وتنطين انتـ قفلت بوجهه عصبب وسحب نفس يحاول يهدى ورسل لجوهره: هجدي البزر اللي عندك لا والله ارجعكم البيت الحين تراها حامل
جوهره انتبهت لوجهها اللي عبس فجاه
جلست وهي ساكته ومدت لها الكيك اخذته وهي تاكله وباقي معبسه بزعل وعيونها دموع تهرب بنظراتها قبل لاتبكي
انتبهت جوهره لرسالة سلمان: اقول اهجد انت لا افصل عليك وجع البنت حامل وهرمونات الحمل لحالها مأزمتها وشو له تزعلها! توها مبسوطه وفرحانه ونكدت عليها زعلتها ياسلمان وش قلت لها؟! اكيد هاوشتها صدق انك ماتستحي حتى بالعيد ماخليتها تتهنى اقول راضها بس وجع لها ساعه ماسكة البكية ماتهنت بلقمتها وقفت اللقمه بحلقها الله يسامحك
سلمان حس بتأنيب الضمير: بس انا خايف عليها وهي بزر تلعب وهي حامل! فرضا طاحت والا سقطت؟
جوهره: محد حريص على ولدها مثلها هي امه وترا مالعبت ونطت مثل ماتقول بس زحلقنا شوي ونزلنا واذا انت خايف عليها المفروض مازعلتها وعصبت عليها علمها بهدوء وهي حامل يا سلمان ماتتحمل تحتاج دلع واهتمام اكثر بكثييررررر من يوم ثاني
سلمان: خلاص لاتزيديني انتي بعد جيبيها معك المجلس بعد نص ساعة
جوهره: يلا دق علي لادخلت
تولين خذت المناديل وهي تمسح الدمعه اللي نزلت غصب عنها وخشمها احمر
جوهره باستغباء: وش فيك تولين من مزعلك
تولين: اخوك من غيره نفسي اضربهه
جوهره: ولا يهمك نرجع البيت ونتعامل معاه
تولين تنهدت وهي غاصه ببكيتها: افف خلاص غيري الموضوع ماحب افضفض لاحد
حضنتها جوهره وهي تتدلع قدامها وترقص تحاول تضحكها
الين ابتسمت من بين دموعها وسحبتها: تعالي تعالي المجلس بسوي لك اجواء
دخلت المجلس وجلست تنتظر جوهره تجي وفزت من انفتح باب الرجال بتصد لكن انتبهت للي دخل وقامت بتروح لكنه كان اسرع منها ومسكها: تولين وقفي شوي
حاوط خصرها وهي منزلها عيونها بزعل ماتبي تناظره قرب وهو يبوس خدها: انا اسف عصبت من غير سبب انا اسف ياروح سلمان انتي سامحيني
تولين نزلت دموعها اللي ماسكتها وهي تضرب صدره: سلمان لاعاد تعصب علي ومحد بينتبه على عيالي اكثر مني لاتحسسني اني سويت مصيبة انت حتى ماسالتني عصبت علي بنص سالفتي وقفت الفرحه في حلقي خربت يومي
ابتسم وهو يرجع يبوس عيونها ويمسح دموعها: خلصتي؟
تولين: لا ابغى اضربك
فتح يدينه: تفضلي
ضربت صدره الين تغطت عيونها من دموعها وحضنته وهي تبكي: سلمان جرحتني ترا بكلامك كان ودي اضربك وقتها كف من كلامك
حضنها وهو يبوس كتفها ورقبتها الين هدت وحضن وجهها بكفوفه: انا اسف كم مره اقولها عشان تسامحيني؟
غطت وجهها ورجعت لحضنه: يكفي انك ماتعيدها ياسلمان ماحب هالاسلوب
سلمان: من عيوني
قعدو على وضعهم شويات ودخلت جوهره: الله الله قاطعت وقتكم ياطيور الحب
ناظرتها تولين وهي تخزها:اجل بسوي لك اجواء هاه كنتي تدرين
جوهره: بصراحه انا مارضى عليك غسلت شراعه لك قبل تغسلينه انتي قلت اساعدك
تولين: كفو
سلمان: هييهه انا موجود
تولين: احسن تستاهل
جوهره: بالضبط تستاهل
سلمان: طيب نرجع البيت؟ ابي انام نعست
تولين: يلا مشينا
رجعو داخل ولبسو وطلعو كلهم مع سلمان رجعو للبيت والشباب بقوا مع زياد
دخلو غرفتهم تسبح وانسدح بشورته بتعب بينام والتفت عليها من شافها تركض للحمام وراح وراها وهو يسندها تستفرغ كل اللي ببطنها مسكها وهو يغسل وجهها ويمسحه: اطلع بتروش
سلمان: اساعدك؟
تولين حمر وجهها وهي تدفه: مو لهدرجه
قرب من وجهها اكثر: باقي تستحين مني؟
تولين بعدت نظراتها: خلاص سلوم اطلعع
طبع قبلته على انفها وخدها وعضها بسرعه بخدها
ودفته بألم: ااايييي
حط يده على صدره بوجع
تولين: احسن عورتني
طلع ودخلت هي تتسبح لبست بجامه وتمدتت بعد ماجففت شعرها ونامو
اليوم الثاني قامت بكسل شدت المفرش عليها وهي تنقلب للجهه الثانيه فتحت عيونها من حست بالمكان جمبها فاضي: اوف تموت لو مارحت النادي تحب عضلاتك اكثر مني ياربيي صبرني بس ودي اكب البروتين حقه وارمي كل الحديد حقه لكن ارحمه عشانه طيب
ضحكت من انتبهت انها تكلم نفسها: جننتني ياسلوم جننتني
شدت المفرش وكملت نوم
بعد ساعتين طلعت من الشاور تمددت بالروب تتتظر الخدامه تنظف الغرفه لفت عليها بملل: ليلي جيبي لي فواكه لوسمحتي اذا خلصتي جيبي خوخ وتفاح
ليلي: حاضر مدام يبغى عصير؟ فيه عصير برتقال انا سوي جديد اليوم
تولين: ايوه لوسمحتيي
ابتسمت الخدامه وطلعت بعد مانظفت الغرفه ودخل وراها سلمان ورمى شنطته وجزمته: السلام عليكم
تولين: وعليكم السلام
اخذ منشفته ودخل يتروش طلع بشورته وتمدد على السرير بتعب: اليوم تكسرت تمرنت ارجل ومتكسر ماحب تمارين الارجل ابد
تولين: افف ياحظك صدق ودي ارجع للنادي لكن امي مانعتني مع انه مايأثر اذا دكتورتي سمحت بس امي رافضه
سلمان: اكيد حبي نخاف عليكم
تولين: الله يعيني يارببب على الخرافات هذي
سلمان ضحك: بنام ساعه وقوميني
تولين : تمام
قامت تلبس وجلست تسوي شعرها وتحط مكياج خفيف وحطيت الجلال على كتوفها ونزلت للبنات التفتت لهم بتساؤل من سمعت اصوات بالمجلس: من في المجلس بعد لاتقولون معايده تكفون للحين ماخلصتو؟
جوهره: يووههه مطولين عاد اهلنا كثاارر
تولين: افف مالي خلق اقابل احد
جوهره: معليك خليهم علي بس بشرط تفكيني من القهوه طفشت من كثر ماشوف الدلال والترامس
تولين: يووهه يابنت امرها سهل بس فكيني منهم مابغى اقابل احد خلاص طفشت وتعبت
جوهره: تم تقهوي الحين مافي شيء تسوينه سويت لهم براد مايخلص الا بكرة
تولين: ههههههههه
جلسو يتقهوون مر الوقت ماحست تولين فزت من شافت الوقت: يمه نسسيت سلمان

هذي صورة تقريبيه لجلستهم في الحوش على البلكونه او الدكه مدري وش تسمونها بس المكان اللي يقعدون فيه في الحوش ويكون شوي مرتفع عن بقية الحوش يارب فهمتو😂🙈

...........................
استغفرالله
الحمدلله
الله أكبر
لا اله الا الله

توقعاتكم حلويني🩷
فيه احداث حابينها تصير؟ اعطوني ارائكم وتوقعاتكم

شاركوني بالكومنت ابيات قصيد لها مكانة خاصة بقلوبكم وتحبونها؟

استمتعو بالبارت✨🩷