رواية صقور الداخلية 💪🦅✨💖

البارت ٣٨❤

(رواية صقور الداخلية 2🦅💖💪).
(بقلمي ياسمين رمضان 🦅💖).
(البارت 23✨🦅).
حور &ورد بخوف :سيادة اللواء ريم مش جاسوسة وحكو لية علي كل شي .
اللواء و الوزير اتصدمو منهم جامد.
اللواء بجمود : سيادة الوزير تقدر حضرتك تعمل معاهم اي .
الوزير بحزم : عسكري ايمن و سعد .
العسكرين : امرك يا سيادة الوزير .
الوزير بجمود: اقبضو علي الظابط حور اشرف و الظابط ورد اشرف حالا.
ادم و مراد و مرام وجاسر وريم بصدمة : اييييييي .
العسكرين كانو مترددين من ال قالو ومش عارفين يعملو اي لان مستغربين ازاي يقبضو علي صقور الداخلية.
الوزير بحزم : كلامي متسمعش لييييية.
العسكرين اتنفضو وراحو لحور و ورد يحطولهم الكلبشات.
وفجاة ادم و مراد و ريم ومرام وجاسر وقفو قدامهم .
ادم بحدة: لو اتقبض عليهم احنا هنروح معاهم .
مراد بحدة: لان احنا كمان كنا عارفين لو هتقبضو عليهم هتقبضو علينا احنا كمان.
مرام و جاسر: كلنا ف مركب وحدة .
ريم: محدش هيتقبض عليه غيري لان أنا ال اصريت اني اروح يعني أنا الغلطانة مش هما يا سيادة الوزير .
حور و ورد واقفين مبسوطين منهم وف نفس الوقت زعلانين أنهم هيتقبض عليهم.
الوزير و اللواء كانو واقفين يتبادلو النظرات لبعض بخبث شديد.
كلهم كانو واقفين مستغربين من نظرتهم لبعض.
الوزير بغموض: لكل الموجدين انتو شوفتو حاجة سمعتو حاجة من ال حصل دا دلوقتي .
العساكر والظباط: لا يافندم .
حور & ورد& ادم &مراد & ريم &جاسر &مرام
استغربو ومش فاهمين حاجة.
الوزير بغموض: الكل يمشي دلوقتي . ف دقائق فعلا كل العساكر و والظباط مشيو ومفضلش غيرهم .
ادم بعدم فهم: ممكن افهم يافندم ال بيحصل دا انا مش فاهم حاجة.
الوزير بتنهيدة : مش هقبض عليهم لأنهم امهر اتنين ف الداخلية وعمرهم ما غلطتو اي غلطة اكيد مش هقبض عليهم عشان غلطة عملوها صحيح غلط كبير أنهم طواعو ريم بس ذكائهم هو ال أفرج عنهم انهاردة .
اللواء: بمعني أنهم يخلو الجاسوس ال كانت بعتاة جاسيكا يبقا حامي ريم طول الوقت وكمان قدرتو تنقذوها دا ال ابهر سيادة الوزير منهم ومنكم..
حور و ورد ابتسمو بنصر وباقي التيم
الوزير بتحذير: بس اياكو غلطة زي دي تتكرر انا مش بفضلكو عن أي حد انتو كلكو ولادي زي العساكر والظباط ال كانو موجودين بس لما شوفت نظرة الحزن كنت عارف دا ال هيحصل وشوفت قد اي حبهم ليكم ومش موافقين علي قراري دا و الحركة دي تعلمكو يا حور انتي و ورد انكو متكرروهاش تاني لانكم قدوة لكل العالم مفهوم ومبسوط من النجاح ال حققتو ف المهمة كلكم وانكوو خلصتو من مالك وزعماؤ.
اللواء بابتسامة: مبسوط منكم كلكم يا شباب الله ينور عليكم وبذات القردة ال واقفة دي ( قصدو علي ريم 😂).
كلهم ضحكو.
حور بشكر: مش هنسا ابدا اليوم دا يفندم انك أفرجت عننا وهنكون عند حسن ظنك.
الوزير بابتسامة: واثق من دا يا حور وفخور بيكي انتي و ورد وادم ومراد و جاسر ومرام وريم كمان.
الكل ابتسم .
اللواء: يلا الكل يروح دلوقتي خدو إجازة لفتره طويلة.
الكل فرح اخيرة هيرتاحو .
الوزير ركب عربيتة وكان وراة كام عربية لزوم الحماية.
واللواء اخد ريم بحب وركب عربيتة .
اللواء بحب:خوفتيني عليكي يا قردة طلعتي ذكية وميتخافش عليكي.
ريم بحب: انت الفضل يا بابا انك وقفت جنبي.
اللواء ابتسم ليها ومشيو .
و مرام و جاسر ركبو موتسكلين بتوعهم.
حور جابت ماكس واتحرك معاهم.
و حور و ورد وادم ومراد كل واحد فيهم ركب عربيتة .
الي فيلا الشافعي .و وصلو الي الفيلا.
حور بحب:خليك هنا يا ماكس دا بقا بيتك خلاص.
ماكس فهم عليها وحضنتو هي و ورد وسابو ريح ف الجنينة ودخلو.
سعاد كانت قاعدة بتقرا قران وبتلاقي ال بيدخلو من الباب.
سعاد بفرحة: ولادي حمد الله على السلامة.
كلهم بفرحة: وحشتينا يا ماما و اتبادلو الاحضان.
سعاد: طمنوني خلاص انتصرتو عليهم.
ادم حكا ليها كل حاجة.
سعاد: يترا أم عثمان لما تعرف ابنها ما*ت هيحصلها أي.
حور: انتي هتقوليلها براحة عشان ميحصلهاش حاجة.
سعاد: حاضر يا بنتي.
مراد:بفضل الله يا ماما انتصرنا ودلوقتي وقت الرحرحة انا جعان نوم مش قادر. وطلع فوق بسرعة.
كلهم ضحكو علية.
ادم بنفاذ صبر: ولا كانو متجوز ساب مراتو وطلع.
ورد بضحك: سيبو انا لو مكانو كنت هعمل كده الا النوم عندنا.
حور و سعاد ضحكو لان ادم كان هيتشل.
ادم بشلل: تصدقي حلال فيكو السجن انتي ومراد.
ورد باستفزاز: يااااه دا هيبقا احلي سجن واحنا مع بعض يا آدم.
ادم كان بيتشل حرفيا وقلع الحزام.
حور بضحك: اجري يا ورد بسرعة. وفجاة ورد اختفت.
ادم بخوف: بسم الله الرحمن الرحيم راحت فين دي.
سعاد بضحك: ربنا يكملك بعقلك يا آدم يبني خليت البت طارت لفوق انا هطلع انام يا حبيبي.
ادم بأس ايديها وطلعت فوق و مفضلش غير حور .
ادم: انتي هتفضلي واقفة مش هتتطلعي .
حور بحب: مستنية اطلع معاك دومي.
ادم بحب: دا من امتا دا أن شاء الله.
حور بحب: من ساعت ما شوفتك وانت وقفت قدام الوزير بتدافع عني ومش خايف منو.
ادم قربها لية وماسكها من وسطها.
ادم بحب وثقة: لان مرات ادم الشافعي متتخدش من قدامو ويسكت انتي مراتي يحور يعني لو محماتكيش هحمي مين انتي كل حياتي انتي نورتي دنيتي لما شوفتك وبقيتي حلالي.
حور كانت مبسوطة من كلامو وكانت مكسوفة جدا ف نفس الوقت ولسة هيحضنها ....
لاقو مراد بيسقف من فوق😂.
مراد بغمزة: ايوة يعم الروميو هو دا الكلام اخيرة العب يعمممم.
ادم بغيظ: والله مهسيبك يا مراد.
حور ما*تت من الضحك علي منظرهم.
وطلع جري علي السلم عشان يلحقو مراد دخل اوضتو ف ثانية وقفل الباب.
ورد بضحك: بكرة مش هيسيبك وربنا 😂.
مراد بضحك: هفضل هنا ومش هخرج 😂.
واخدو شاور و مراد قفل النور واخد ورد ف حضنو ونامو.
✨ف اوضة ادم و حور ✨.
حور براحة: كدة خلصنا من مالك و والزعماء بتوعو وبكدة ناخد بقا استراحة شوية من المهمات لحد ما نشوف اللواء هيبعتلنا عن مهمة اي جديدة.
ادم بغرور: ونا جاهز.
حور بتريقة: وانا جاهز اي الغرور دا .
ادم بغيظ: اتاسفي حالا.
حور بعند: صقر الداخلية مش بيتاسف ولا اي سيادة المقدم .
ادم بخبث: مش هتتاسفي يعني طيب .
حور بقلق مزيف: شمة ريحة خيانة من نظراتك دي.
ادم بصلها بخبث شديد و مسكها ولف ايديها الاتنين ورا ومسكهم بايد وحدة وفضل يزغزغ فيها بحب وضحك با ايدو التانية.
حور بضحك: كفاية مش قادرة خلاص سبني بقا.
ادم بغرور مزيف: مش المقدم ادم الشافعي ال يتعاند معاة يا حوري مش كدة.
حور بحركة ذكية ضر*بتو ف رجلو وبعدتو عنها.
حور بانتصار وثقة: لا ف وحدة تقدر تعاندك وهي انا.
ادم ابتسم: ودي الحقيقة يا حوري.
وحضنها باشتياق كبير وووووووو نامو.
❤في الصباح الباكر علي ابطالنا الحلوين❤
بتصحي سعاد من النوم تدخل الحمام تتوضي وتصلي وتنزل تحضر الفطار مع سلوي المساعدة بتاعتهم.
✨وبعد عدة ساعات✨
بيصحي ادم وبيلاقي حور لسة نايمة جنبو.
ادم بمشاكسة:بدأ وقت العب.
وجاب شوية الوان وحطها علي ايد حور واستني اللحظة ال حور تحط ايديها علي وشها.
وعدا دقائق حور لسة مثبتة ايديها.
ادم بديق: اي ايدك موجعتكيش. وراح مقرب ليها وهوب حور لبست ايديها ف وشو.
حور بضحك: من حفر حفرة لأخية وقع فية 😂.
ادم بوعيد: طيب اوي.
ومسك ايديها وحطها علي وشها.
حور بديق : اددددمممممممم.
ادم بانزعاج: خرمتي ودان امي.
حور بغيظ: هوريك بس استني عليا.
ادم فضل مستنيها هتعمل اي لقاها دخلت الحمام.
ودخلت الحمام غسلت وشها و اتوضت وطلعت ولبست الاسدال وصلت وخلصت صلاة وقامت لبست بنطلون اسود واسع وتشيرت بينك فوقي وعملت شعرها دفرتين.
ادم باستفزاز: مش شايف يعني هتعملي حاجة.
حور بغموض مزيف: هتشوف بعدين وغمزت لية ونزلت.
ادم بخوف مزيف: نبرة دي مش مرتحالها ربنا يستر .
ودخل غسل وشو و اتوضي وصلي ولبس بنطلون زيتي و قميص زيتي بارز عضلاتة ورش برفيوم وخرج برا راح ل اوضة مراد.
✨ف اوضة مراد و ورد✨
ورد فاقت وصلت ولبست نفس لبس حور بظبط.
ومراد كمان صحي وصلي ولبس قميص ابيض و بنطلون جينز وكان قاعد خايف 😂.
ورد بضحك: لو مكنتش فضلت تدايقو امبارح مكنش دا حالك 😂.
مراد بقوة مزيفة:ولا يهمني انا هنزل ومش هيقدر يعملي حاجة.
وبيتفتح الباب لاقا ادم قدامو😂.
مراد بزعررر: ابليسسسس وقفل ف وشو الباب بسرعة 😂.
ورد بضحك هيستيري: مش قادرة همو*ت يلهوي علي منظرك لا و اي ولا همك حاجة. وفضلت تضحك وقامت تفتح الباب.
مراد بزعيق مزيف: لااااااااا .
ورد بضحك: اهدي مش هيعملك حاجة مدام انا واقفة معاك اهدي.
وبتفتح الباب بتلاقي ادم فوشها .
ورد بضحك: ادم خلاص بقا هو هيحرم مش هيدايقك تاني.
ادم بخبث: عشان خاطرك انتي بس يا وردتي .
مراد بغيرة: مين دي ال وردتك ياض وسعي كدة انتي .
ادم بذكاء: مسكتك يا مراد محدش هينجدك من ايدي انهارده.
مراد بخوف مزيف: يا ورد يا حور الحقونييييي.
ادم ضحك غصب عنو 😂 وفضل يضر*ب فيه بهزار.
ورد بضحك: باي باي مراد مليش دعوة بين اخ واخو سلام.
ونزلت تحت لاقت حور و سعاد قاعدين علي السفرة بيفطرو.
ورد: صباح النور يا حلوين.
سعاد&حور: صباح الورد يقمر .
سعاد: فين ادم ومراد .
ورد بضحك: ادم بيعذب مراد فوق.
سعاد بنفاذ صبر: مش هيعقلو هما الاتنين.
ورد بضحك: مربتيش حد فيهم يا سوسو.
وفجاة بتلاقي ال رفعها لفوق.
مراد بغيظ: مين ال مترباش عرفيني كدة.
حور بغرور مزيف: عندها حق اصلا يا مراد ونزلها بقا.
وبتلاقي نفسها اترفعت هي كمان.
سعاد بضحك: انا تعبت منكو والله انا خارجة اقعد ف الجنينة لحد ما تخلصو اكل وخناق ف بعض.
ادم بحدة مزيفة:قولي مين ال مترباش .
حور بتحدي: انت قد الماسكة دي.
ادم بتحدي: قدها.
حور بخبث: ورد جاهزة .
ورد بخبث: جاهزة .
حور و ورد لفو جسمهم وبحركة سريعة وقعوا ادم و ومراد ف الأرض.
حور & ورد بثقة: صقور الداخلية مش ال يتلوي دراعهم ابدا.
ادم و مراد ضحكو علي ثقتهم بنفسهم.
و فجاة لاقو ريم و ومرام وجاسر دخلو عليهم.
ريم بضحك: اي دا يا مراد شكلك مضحك اوي.
مراد بغيظ: بلاش انتي يا قردة.
مرام بضحك: جينا ف وقت مش مناسب ولا اي.
جاسر بمرح : لا دا ال عادي عندهم يا مرام.
حور & ورد بترحيب: اهلا بيكم نورتو بجد.
و حور سلمت علي مرام وريم و ورد كذالك .
ادم و مراد قامو وسلمو عليهم.
ادم بترحيب: اهلا بيك يا جاسر دا وقت المناسب يعم تعالي أفطر معانا.
جاسر: لا تسلم انا لسة فاطر انا ومرام جينا نقعد معاكو شوية ونمشي.
مراد بمرح: كويس انكو جيتو نقعد قاعدة شباب ونتسلي.
حور بفرحة: حلوة الفكرة بس افطرو معانا الاول.
ورد بحب: ملناش دعوة يا مرام انتي وجاسر انكو فطرتو هتفطرو تاني مفيش نقاش.
مرام بضحك: ماشي يا ستي مش هنكسفكو.
ريم بزعل: يعني انا محدش عزم عليا حتي.
حور بمرح: تعالي جنبي يا احلي ريمو احنا نقدر نزعلك تعالي اقعدي يلا انتي تقعدي بدون عزومة اصلا وحضنتها بحب.
مراد بفرح: احسن يا ريم نيهاااااا.
كلهم ضحكو عليه 😂.
بدأو يفطرو ووفضلو يهزرو مع بعض لحد ما خلصو فطار وقعدو كلهم سوي ف الصالون.
وبدأو يتشاورو ف الكلام .
ادم بحمحمة: بما اننا متجمعين سوي احكولنا يا حور انتي و ورد و ريم علي الخطة بتاعت ريم.
حور & ورد & ريم: الموضوع كالاتي 😎.
حور: ريم كانت بتتمرن كويس اوي واقترحت علينا أنها تروح بنفسها لعند مالك و وزعماؤ.
ورد: طبعا احنا رفضنا دا وهي فضلت تلح وبعد زن كتير وافقنا.
حور : بدأنا نختبرها كتير واتاكدنا أنها قد المهمة دي بس قولنا هتروح ازاي لعند مالك.
ريم : طبعا قولت ليهم عثمان مراقبني وهو الوحيد ال ممكن يساعدني اني اروح لمالك.
ورد : مكناش متوقعين ان عثمان هيخطفها.
حور : بس ال طمنا أنها كلمتني وقولت ليك يا آدم انت ومراد أنها خاينة وطلعت جاسوسة.
مراد : يعني حوار الخطف دا كان صدفة.
ريم : بظبط وكانت دي احسن خطوة عشان عثمان يخدني لمالك طبعا عثمان كان هدفو  من خطفي انو يعت**دي عليا بس انا طلعت اذكي منو وضر*بتو وكلمت مالك اني معاة وهنتقم من حور و ورد عشان اخويا نادر و اقدر اسافر ليه اعرفكو كل اخبارو وكلمت حور لما عثمان هربني معاة عشان اوريها ان الخطة نجحت وعثمان و مالك صدقو اني معاهم و وصلت الصين وكلمت مالك اني معاة وبعد كدة عرفت الجاسوس تبع جاسيكا وعرفت حور و ورد كل حاجة وبقا مراقبني عشان لو حصل اي غدر من مالك وزعماؤ  ينقذني والأسف وقت المهمة لما كنا انا و مالك و مارلي و جاسوس جاسيكا وعثمان و تشارلي  مالك قت*ل مارلي و عثمان والجاسوس عشان محدش فيهم يعترف عليه لو اتمسكو واخد تشارلي علشان ذكي ووقبل ماخبطني علي راسي واخدني معاة كنت بضربهم بكل قوتي بس للاسف غدر بيا الواطي وخبطني وأما وصلنا المستودع انا فوقت وفضلت اضرب فيهم ولاكن مالك حط الحقنة ف رقبتي وقبل ما أفقد الوعي كانو عمالين يضربو فيا وبعدها محستش بحاجة بس ولاكن قالو حاجة خوفتني اوي.
ادم بذكاء: قالو انهم هيدمرو العالم ويبقا هما المالكين صح.
ريم بصدمة: عرفت ازاي .
ادم بذكاء : لان الغبي قال لينا ف الشاشة لما خطفك أن هيفجر كذا مدينة ف العالم ف انا فهمت انو ناوي علي تدمير العالم كلو طبعا لو خدتو بالكم انا ضر*بتو ب المسد*س جنب ضهرو عشان لما يقع في البحر ميعرفش يعوم ويمو*ت وبكدة كل ال معاة ف كل دول مش هيعرفو يتحركو من غيرو وبكدة خلصت العالم من شرو .
الكل انبهر من ذكاؤ.
جاسر بانبهار: حرفيا انا كل مرة بتفاجى منكو بجد مبسوط اننا تيم واحد  .
كلهم ابتسمو ليه
مراد : بس شابو بجد ليكو يا حور انتي ورد وريم خلتونا نصدق أن ريم خاينة فعلا .
حور بابتسامة: شكرا يا مراد السبب ال مخلناش نقولكو عشان عارفين انكم هترفضو بس احنا اتعلمنا من غلطنا.
مرام : عارفين انكم اذكياء وهدفكم صح بس أن شاء الله المهمه جاية هتبقا ريم معانا مش لوحدها .
ادم : أن شاء الله هيحصل وهخلي اللواء يوافق انها تشتغل معانا.
ريم بفرح : شكرا بجد يا آدم من زمان كان نفسي ابقا معاكو بجد يارب بابا يوافق.
مراد : هيوافق أن شاء الله يا ريمو.
ريم : يارب يا مراد
ورد : بس بجد مرام وجاسر فرقو جدا معانا ف المهمة دي
ال اله الحادة كانت سهلة جدا انها تمو*ت كل كمية دي.
مرام بحب : حبيبتي يا ورد كلنا كنا بنكمل بعض حرفيا.
ادم : دي حقيقة فعلا وهنفضل سوي ومش هنتفرق باذن الله.
الكل بحب : اكيد.
ووفجاة تيلفون ورد بيرن .
ورد باستغراب : جاسيكا .
الكل : ردي عليها اكيد في حاجة.
ورد : حاضر .
وردت عليها وو .
ورد : الو يا جاسيكا عاملة اي يا حبيبتي.
جاسيكا بنهج : معاذ هرب يا ورد ملحقتش امسكو كان الظابط بيديلو الاكل قام مسك العصاية بتاعت الظابط وضر*ب كل ال في الفرع وهرب مننا خدو بالكو كويس يا ورد اكيد هيجي علي مصر.
ورد بصدمة: هرب تب انتي كويسة طيب.
الكل باستغراب : مين ال هرب .
جاسيكا : انا بخير بس خالي بالكم من نفسكم هقفل دلوقتي لاني هرتاح شوية اوكي.
ورد بصدمة: حاضر خلي بالك من نفسك وقفلت معاها.
حور : مين هرب يا ورد في اي.
ورد بذهول: معاذ هرب واكيد جي علي مصر هنا.
مراد بكره: ويجي ومالو جي علي المو*ت برجلية .
ادم بهدوء: اهدي يامراد مش عايزين اي تهور خلية يجي واحنا هنشوف شغلنا معاة كويس.
حور باطمئنان: متقلقيش يا ورد مش هيقدر يعمل حاجة لانو جبان اصلا.
ورد بحزن: انا قلقانة انو ممكن يعمل حاجة ف مراد أو ماما سعاد أو فيكي انتي وادم.
حور بثقة وحب : مش هيقدر يعمل حاجة يا توأمي.
ورد ابتسمت ليها وهديت شوية.
وفجاه تيلفون حور بيرن.
حور باستغراب : الو .
معاذ بشر : طبعا كلكو قلقنين من هروبي مش كدة .
حور بضحك: يبني نقلق اي دا احنا عاملين فشار ولا فارق معانا واكملت بثقة وقوة لان مستحيل صقور الداخلية و اشباح المخابرات يخافو من قطه هربانة.
الكل ابتسمو من جرأتها وثقتها بنفسها.
معاذ : مش هرحمكو يا حور انتي والي معاكي وبذات ورد  هتشوفوو انا هعمل اي فيكو كويس هنتوجه قريب اوي.
حور بثقة: وانا جاهزه للمواجهة. وقفلت ف وشو.
معاذ بشر : هيبدا اللعب من دلوقتي يا حور انتي واختك. وكلم شخص ما وابتسم بخبث ووو.
في مكان ما ف الصين تحت الارض.
ممر عريض وفي غرفة كان بداخلها شخص 
نايم علي السرير بتعب.( طبعا عرفتو مين)
الدكتور : مالك بية الجرح مش عميق اوي بس لازم تروح المستشفي عشان...... وقاطع كلامة بغضب
مالك بغضب : اومال انت موجود لية اعمل ال تقدر علية علشان اخف بسرعة اخلص .
الدكتور بخوف : حاضر حاضر
الدكتور ضمد ليه الجرح كويس ووطلع برا الممر ومشي بسرعة.
عند مالك .
مالك بشر : اقوم بس وهنتواجة يا صقور الداخلية انتو واشباح المخابرات الي معاكو دول  مش مالك ال يحصل فية كدة.
( هتسالو عاش ازاي فضل يعوم لحد ما وصل للشط وكان معاة تيلفون ضد المياة مخبية ف الكوتش وكلم حد من رجالتو وعرفو مكانو واخدو علي الممر ال تحت الارض دا بس ✨)
يتبعععع .
رايكو ف البارت ❤️.
يترا معاذ هيقدر يعمل حاجة.
ومين شخص ال كلمو.
ومالك هيعمل اي لما يخف .
تابعو معايا ف بقيت البارتات ❤️.
لسه في تشويق كبير جي قريب 😎❤️.
تشاو ❤️.
#روايه_صقور_الداخليه 🦅✨
#بقلمي_ياسمين_رمضان💖✨.