العنقاء// زواج قاصر والعاشق المنقذ ..!

بارت 1

سـ أبـتسم دائـمآ لـ عـزة نـفسي ولا أبـالي بـ أنـها سـ تـكون قـاتلتي يـومآ مـا !!

انا من دون الخلگ خيم عليه الحزن لكن الله ساندني...
~~~~~~~~~~~~~~~~~~~~~~~~~~~~

اخذني الخيال وهرب عقلي شاردآ بذكرياته الى يوم ابتدت به كل معاتاني كل دقيقه وثانيه

مزقت قلبي كنت طفله كل همها

تلعب مع صديقاتها بألعابها المفضله..!!!

   ««««««««««««««««««««««««««««««

اني بنت من عائله معروفه والكل يحمد بصيتهم

ولكن لكل بيت اسراره

اني اخر العنقود الاهلي من مواليد 1998/6/10 عندي 3 اخوان مرتقب ساجد مرتضى واخت وحده امال وامي بدور وابوي حسين وبيبي ام ابوي ام الحسنين ... اسمي وتين...:

بيوم گاعده ومشغوله وي اختي امال باللعب يمي موبايل البيت رن ومثل كل مره من فضولي اروح قبلهم اريد أعرف منو يتصل صحت الوو منووو

رد شخص ما اعرفه بصوته الخشن گال..!!

انتي وتين اني اعرفج ويوميه اراقبج من ترحين للمدرسه ومن ترحين للمجالس الحسينيه..

وتين : ـ حسيت بطني خبطت من الخوف همست منو انت
علي: ـ صديق الواحد من اخوتج..
ــ من خوفي سديته بوجهه وتندمت لان فتحت خط..!
ضل الرقم يوميه يتصل ع موبايل البيت واني من غبائي اجاوب بس اريد اعرف منو هذا وشيريد؟؟

گعدت ادرس وهم اتصل الرقم اخوتي طالعين امي بالسوگ ابوي بالشغل بيبي مسافره..
امال:ًـ اكلج وتين انتي ليش خايفه منه اخاف يطلع واحد من خوان صاحباتج جاوبي عدل وتأكدي منه

...رديت الووو..
علي:ـ ها الحلو مشتاقلي اكيد ههه
فتحت عيوني بصدمه ونترت منو حضرتك عمو ليش تتصل؟؟
ضحك بأستفزاز... ههههه عمو حلوه منج هاي

رجفت وتندمت لان جاوبت گبل طبكت الخط بوجهه
وهوه ضل كل شوي يتصل من يردون اخوتي يسكت ويسد الخط ومن يردن البنات يسأل عليه بكل عين صلفه...!!
اهلي شكو بالموضوع وكل مره احاول ما ابين ع نفسي الخوف لان مامسويه شي غلط بعقلي

بقت امي تضربني وخواني يضربوني يگلولي عندج علاقه وياه واني جنت حته ما اعرف شنو يعني علاقه..!!!
كل يوم يمر عليه ب ابشع التعذيب والحرمان بطلوني من مدرستي بدون مايعرفون منو هالشخص وشيريد مني...

الى ان وصل ب امي تگعدني من النوم وتكتلني وتغلط عليه وتتركني...
حته اختي الاكبر مني ماتدافع عني..!
بيوم جنت كلش مريضه توسلت بيهم ينامون يمي اخاف يصير بيه شي لان ضل يغمه عليه كلساع بسبب الضرب..!!!!
نام ابوي يمي واني غفيت ماحسيت غير ع امي وهيه تجرني من فراشي وطلعتني بره الغرفه واتسلمتني عض وضرب وتگرص وتگلي اذا طلع صوتج اذبحج هذا الحيوان يتصل كلساع ويكول وين وتين اريدها..!!