العنقاء// زواج قاصر والعاشق المنقذ ..!

بارت 3

لا أعلم مالذي حدث!!!
فجأه وجدت نفسي بـ مكان مملوءٌة بـ أحرف وقد
تكون هي بلسمً لـ جراحي اخاف التقدم وأتجرء!!!
قمة التناقظ بداخلي لَـگِنْ سأفعل مابـ العقل...
و الأن....!!

~~~~~~~~~~~~~~~~~~~~~~~

وتين: ـ

شعندج هنا يحلوه ؟؟؟... ها گولي شعندددج؟؟..

ماعرف شنو صار بيه بلحظتها حسيت بروحي خلص هذا حدي لو يكتلني لو يسويلي شي مو زين ...

تقرب عليه والسلاح موجه ع راسي من خوفي مانطقت ولا حرف بلعت ريگي بخوووف

بقيت ادور بعيوني بلكي يتعده احد..

فجأة طلع شخص ثاني واسمعة
يكول...:!

:عوفهاااا

ــــ يخوي لاتبلينه بيها هاي طفلة مابيها المطلوووب ..

التفت هذا الشخص ليوره وهوه بس نزل سلاحه ماعرف شلون اجتني الجرأة والحيل وطكيتها بركضة واهمس بداخلي وتين انطلقي....

وماحسيت إلا واني يم الشط والهث من التعب والخوف وكلشي يتراجف بيه.. ..

حسيت اكو شي رطب برجلية وتفاجأت من شفتها كلها دم لان مشيت وركضت فوك النفايات وماحسيت من نجرحت...! شحس واني جروحي داخل روحي.. هه

بقيت يم الشط واني فكرة تجيبني وفكرة توديني امتلئ عقلي بألافكار المو زينة ماعرف اريد انتقم منهم واخليهم يحسون بقيمتي او اخلص منهم لان اعرف محد ح يستقبلني بعد الي سويته !

شمرت كل صوري واني ع الجسر وگلبي يلهب من الالم والتفكير شفتها صارت صدك وحانت اللحظة الي اذب روحي بيها بس شلون!!

شلون اموت ورح اغرگ؟ اخاااف اريد اهلييي ياربي ارحم بحالي ماردت هيج يصير اخخخ

همست بداخلي..! بس لا شنو هنوب اهلي يذبحوني من ارجع...؟

والافكار تجيبني وتوديني وتنخل بگلبي نخل وبس امواج الماي وصوت الطيور يمي بنص تفكيري وجاي اعبر سياج الشط قاطعني شخص التفتت برهبه واردفت عوفني بحالي ولا تتقرب..!

رجال كبير بالعمر: ها بويه شعندج هنا منهو وياج احجيلي... ؟

وتين: اختنكت واني اباوع ع امواج الماي ومرعوبه من المنظر ... ضل يحجي وياي ويهدئ بيه هواي الحد ما حسيت روحي من صدك اخاف اچيت..!

ماعرف ليش كلامه اثر بيه من کال تبيعين الاخره ع مود الدنيا فكري زين من تنتحرين رح تحتركين بنار جهنم..

.. فوك الغرگ حرگ ..

رجعت ليوره وهمست بصوتي المبحوح والدنيا بلشت تصبح وصوتي مايطلع من البجي والرجفه..!

وتين: عمو اهلي م مايردوني يعذبووون بيــه ..

الرجال الجبير : بابا انا اخذج بيدي واذا مايردونج يبعد عمج انا اخذج يم بنياتي اربيج مثلهن..
لا تخافين امني واستقري وخلي عينج بعين الله مايعوفج ابد.. صدگيني..!
ها يبا يلا توكلي على الله وامشي ارجعج البيتج..