“هذه ليست ملامحي ..
أنا بريئه يا إلهي ، بريئه
من كلّ هذا الحزن.”
**********************
وتين: ـ سمعت كلامهم ومثل النار اشتعلت بيه
تقدمت عليهم وكتفت ايديناتي ووگفت گدامهم واردفت...: ـ. هاااا يعني السيد اذر المحترم مسجووون..؟
دار ضاهر عليه فاز مني ماحسباله واگفه وسمعت كلامه من يگول مسجون ومايطلع إله بكفاله...
تقدمت عليهم اكثرر وهمست مضيگه عيوني..
بالله ليش مسجون وليش ضامين عليه..؟
ابتسم ضاهر تك خد وحك طرف خشمه دنك ورجع يباوعلي واردف..:
ـ لا خويه لاتخافين ماعليه شي بس السالفه ومابيها اذر جان ماخذ شباب بسيارته موگفتهم سيطره والشباب الوياه ماخذين بيدهم شررب ف اخذوو وياهم
فتحت عيوني مامستوعبه كلامه وزهراء تباوعلي وتبتسم ابتسامه خبيثه كأنو تگلي حل بيج..!!
عفتهم ورحت العمتي وگلبي يللللهب ليش يچذبووون عليه ليشش.!؟
فتحت الباب شفتها نايمه بسابع نومه وبحضنها البزونه مالتها..!
غميت گصتي ورجعت ليوره وهمست بگلبي
خرررب عووود هاااي هممم ام وتفكررر ب ابنهااا المسجووون؟؟.
رجعت الغرفتي مااكدر انام بس افكر منين ما ادور راسي احس بروحي مخنوگه..!
گمت شغلت البلازمه طلعت اغنيه. بوجهي واحس كلامها اذاني اكثررر...!!
الكلمات..
حسبالي خوش وليد سلمتك الرووح
ماشفت منك غير الهم الجروووح
ايــااا زماااني لييش ماتنصح ويــاي..
فوگ القهر والضيــم تتشمت اعداي..
........
بسرعه طفيت البلازمه ورحت ع فراشي وغطيت راسي ونمت
وره كم يوم زاد الوجع عليه گطعت الاكل حته مااطلع من الغرفه ابد يحجون مايحجون مااطلع ومالي خلگ احجي واسمع حجي...
مرت خمس ايام ع نفس الشي النزف والالم حته وجهي صار شاحب وبيين عليه التعب..!
گعدت ارتب بملابسي لأن هملتهم بهاي الفتره بسبب نفسيتي تعبت
وانفتح الباب...!
التفتت واشووف اذر بوجهي....!!!
شهگت وگمت ع حيلي خليت ايدي ع حلگي مصدوومه شطلعه منو كفله.؟
مشه بخطوات ثگيله يريد يجي عليه وندگ
الباب بقوووه وسمعت صوووت خشششن ومرررعــب
اول مره اسمعه...؟!
أنت تقرأ
العنقاء// زواج قاصر والعاشق المنقذ ..!
Misterio / Suspensoكانت طفله اكبر همومها اللعب مع صديقاتها ولكن للزمن حكم اخر:! قسوه.. زواج غصب..إهانة..عدم الامان.. ضرب.. تشتت.. مرض... سحر.. وحب يدفعها ثمن اخطائهم لتنشطر روحها بين نارين..!!
