العنقاء// زواج قاصر والعاشق المنقذ ..!

بارت 18

قد نضجت مبكراً وهذا ليـس بالشـئ الجيد احياناً
اصبحت ادرك كـل شي فـي عمرٍ يُقال عليه أنه فتره مراهقه، ولكني لم اعد بمراهقٍه، اعي تفكير الاشخاص الأكبر مني عمرٍ وبمنتهى السهوله وانا اقل بـالعشرين من عمري
وهكذاا قد صرت كهلاً رُغمـاً عني .

...............................................

العنقاء // زواج قاصر والعاشق المنقذ..!!

بقلمي انـا../.. أم أمـير

،،،،،،،،،،،،،،،،،،،، ،،،،،،،،،،،،،،،،،،،،

وتين: ـ بقت عمتي عشر دقايق يمنه وراحت بس كلش ضجت من كلامها..

يوم رابع من ولادتي اجتني عمتي أم عاصم ثقبت اذانات طيوبه ودلعتها وراحت..

اليوم البيت هوسه الحبايب كلهن ملتمات وكلمن ملتهي بشي لأن اليوم يجون الحجاج من بيت الله الحرام..

بقيت بالغرفه واسمع الهلاهل والهوسات يرحبون بالحجاج
ــــــ

الهوسات...

اهلاً بالحجي جايب ريحة مكه وجاي
....
ياهلا بحجي اليجينه زار مكه والمدينه
....
حجي جاي من بيت الله والچذاب يعمي الله...

.....

ـــ طبعآ هاي الكلمات متروح من بالي نزلت دمعتي بدون سابق انذار شهكت ومسحت عيوني واخذت نفس احاول اغير من نفسيتي ماريد افكر بيهم اخوي اللي دمر حياتي بزواجي هسه رايح يحج ع شنو

اشو لا عندي غرفه مثل البنات لا ذهب لا مكان خاص بيه حته راحة بال ماكو..زوجي مأذيني وهمه قابلين ومأذيني وياه...!

ونوب حته ملابسي مشمورات فوگ السطح اغراضي كلهن بسطح بيت اهلي مشمورات للشمس والمطر ومن غير الحيوانات التجيهن ونتام عليهن دجاج بطوط وبزازين ... والخ

ومن احجي واگللهم نزلو ملابسي جوه محد يقبل بحجة ماكو مكان يشيلهن..!

تخيلو اذا احتاجيت اغير ملابسي ومالگيت لبس مناسب الي لازم اصعد بالسطح وادور بالگواني وحده وحده ونوب ارجعهن واغطيهن...!!

ــــــ انقطعت افكاري(.....)
ب فتحت الباب واني احجي وي روحي والعب بشعر بنتي

بدور ـ هاي بيبيتج اجت تتحمدلج السلامه

وتين ـ گعدت عدل ونزلت طيوبه من حضني ع فراشها وتقربت بيبيتي عليه وضمتني بحضنها حيل
واني هم بادلتها الحضن ايبااااه شگد مشتاقتلها..

...الحجيه:ـ الحمدلله ع سلامتج بيبي مبارك ماجاج تتربه بعزج ودلالج يابعد جبدي بيبي حبوبه

تحجي والدموع نتزل من عيونها تشرح كلشي بداخلها من كـلام..!!

... وتين: ـ حبيبتي بيبي وانتي هم الحمدلله ع سلامتج وحج مقبول وسعي مشكور يارب..