العنقاء// زواج قاصر والعاشق المنقذ ..!

بارت 6

لن يقتنعو بأنك تتألم حتى تموت أمام أعينهم...!!

فتاة ضائعه بين ضلم الاهل وجبروت الجهله..

أنا دنيا ./بنت عمة وتين /.

انا من مواليد 1992/9/15

احنه اربع خوات انا الاخت الاصغر من الاخت الكبيره بيناتنا...

اليوم ملتمين بغرفتنه انا وخواتي نسولف ونضحك ونتشاقه بيناتنه..

دنيا: ـ اگلج زينه اليوم شو احس گلبي ينغزني ولا بگلبي فرحه بس لا رح يصير شي..

زينه: ـ فال الله ولا فالج شكو مو جاي نسولف ونضحك شحلاتنه..!!

دنيا: ـ اي بس مدري يمكن مجرد احساس!

نزلنه نساعد امي بالمطبخ انا وزينه

وفردوس وصابرين يدرسن فوگ بالغرفه

شوي وندگ الباب

ركضت اشوف منو..
همست ماماا اجت خالتي ام عاصم..

استقبلناها احلا استقبال وكعدنه تغدينه وشربنه شاي

بعدين گعدت يمها نسولف

دنيا: ـ اگلج خاله شعجب زرتينه معقوله ماصاير شي!؟

ام عاصم: ـ لاولج شيصير قابل.

اجيت اشوفكم

ــــــ اهااا تمام زين خاله سولفيلي عن طفولتي عفيه

ام عاصم: ـ يمه شسولفلج عن يا ضيم!!

ـــ كلشي سولفيلي امي ماتسولف ملتهيه بشغل البيت طووول الوقت

همست الي خالتي

بوقت اللي چنتي زغيره بعمر شهر يمكن ضاعت كل ملابسج ومن دورتهن امج ماكو
اخر شي شافت بيبيتج ام ابوج تاخذهم وتحرگهم
وامج خافت وما حچت شي لان بيبيتج ضالمه قاسيه وياها ودوم تضربها...!
تدهورت صحتج إلى الاسوء وبقيتي مريضه وابد ماتصحين الحد ماصار عمرج سنتين تقريبآ

دنيا: ـ صدگ خاله يعني عشت مأساة من طفولتي.!

ام عاصم : ـ اي يمه الله يعينجن ع حياتجن

ـــ زين خاله سؤال بينج وبيني شنو صاير سولفيلي گلبي ينغزني..

ام عاصم.. رح يخطبون وتين بنت خالج بس لاتحجين يم احد ع ما همه يعلنون موعد خطوبتها

دنيا: ـ فتحت عيوني بصدمه وهمست بس وتين بعدها زغيره ليش اهلها رح يزوجونها..!

ام عاصم: ـ مادري حبيبتي يلا صيحي ع امج راح اروح البيتي..

دنيا: ـ صحت ع امي ونصطرت ع وتين ليش رح يزوجونها..!!

‏وفجأة ترى أنّك بالفعل استهلكت نفسك كُليًا؛ تكلمت كثيرًا، شرحت أكثر، بررت بما يكفي.. ثم تأتي عليك لحظة ترى أن طاقتك قد نفذت، فَتتوقف عن الكلام وتبتعد عن الناس، وتذهب لأقرب ملاذ لك وتطلب منه الرأفه بحالك وتجلس مُكتفياً بنفسك مع من هوه ارحم..