العنقاء// زواج قاصر والعاشق المنقذ ..!

بارت 4

أنا بقعةُ ضوءٍ..
بينَ ظلّيْنِ
وهواءٌ هارب..ٌ
مِنْ موجتيْنِ توأميْنِ
وقطرةُ ماءٍ..
تسرّبتْ مِنْ يدِ البركة ِ
و مسافةٌ..
بيْنَ ثانيتيْنِ مِنَ الخوفِ
أسكنُ كلَّ الأشياءِ الضيّقةِ..
والأمورِ المنسيّةِ في هذا العالمِ
حولي..
تطوفُ المدينةُ بأحزانِها..
وترقصُ المآذنُ على أوجاعي
ويطوّقُني الحزنُ مِنْ جهاتٍ خمسٍ
وما زلتُ أطالبُ بمعجزةٍ ثامنةٍ
تعيدُ الطيورَ..
إلى شبابيكِ غرفتي .

♕♕♕♕♕♕♕♕♕♕♕♕♕♕

وتين: ـ
فقدت كل شعوري بحواسي من انفتح الباب.!

دخلو اخوتي مرتقب وساجد ومرتضى يردون يهجمون عليه واني من الخوف حسيت عيوني غوشت وشفايفي يبست

رفعت عيوني اباوعلهم شكلهم مررعب
رأسآ وبحركه سريعه ساجد اخذ لايت الشحن من الكهرباء وشمره عليه...

حسيت عيوني صارت بيها غواش ...
نضربت براسي رأسآ نزل الدم ع وجهي..

من الصدمه والرعب صارت وشه بذاناتي غوركت عيوني بالدموع بدون ما انطق حرف رجعت ليوره وگلبي يهتز من الخوف همست يلا اقري الشهاده وتين هذا حدج..!

فجئا اجه عاصم ابن عمتي دفعهم وصار بيناتهم ضرب طلعهم وطبگ الباب حيل..!

نسحنت روحي الم وخوف وبس صياح اسمع وغلط وسب اجاني صوت ابن عمي احسان اسمه فالح ..

صاح بصوت يرج البيت رج..

هاي عاااار لازم نذبحها ونغسل العار مالهاااا

صاح عليهم عاصم اذا اسمع واحد يحجي بعد ارميكم وحق الله..

كافي خلي نعرف نتصرف لا نندم بعدين..!

بقيت روحي تلوب اروح وارجع بمكاني ولازمه راسي هم وجع وهم خوف ورعب ومستقبل مجهول ماعرف شراح يصير بحالي بعد... ؟

همست
لا بس اني مامسويه شي محد لمسني اهلي يحبوني بس معصبين مني ماجان لازم اطلع اذا ماخاف من الموت ليش هسه خايفه..!!؟

انقطع تفكيري وگلبي وراسي. احس بي طبل من الرعب والرهبه

انفتح باب الغرفه ودخلو عليه ابوي وعمي اسمه احسان وعاصم وياهم..

عاصم وكف ابين ابوي وعمي واردف تفاهمو وي البنت عدل واني عندي ثقه تامه مراح تجذب هاي تربيتنه وربت ويانه كلنا نعرف هيه شنو..:

وهم بعدها طفله يمكن عمرها ما يتجاوز ال 14 او اقل.. ف خلي نتكلم وياها بدون ضغط ماشي..؟

اني استمع الكلامه واحس روحي تنتفض ونفسي يزيد وي كل كلمه يگولها..

ابوي گعد ع السرير مقابيلي وعمي يمي بالأرض وعاصم واگف يم الباب خاف احد يحاول يكسره لو شي..

همس عمي
احسان:ـ احجي بابا وين جنتي احنه وياج مو عليج اذا نسلمج للأولاد ياكلونج بدمج كل واحد يريد ينهش منج لحمه وحصه.. !
.
زاد الغواش بعيوني وگلبي اسمعه يدك بذاناتي رفعت راسي اباوع الابوي عيونه مدمعه وصايرات بركان دم ومدنك وساكت مايحجي شي...!.
نتر عمي بصوت مرتجل واقوه.
.
وتييين احجي لا يصير غير شي والله العظيم اشرب من دمج احجييي وين جني طلعتي ويااااه.. ؟

نططت عيوني وهمست بصوت متشحرج
و وي منو طلعت؟

احسان: ـ صاحبج..!
حجاها وهوه عاكد حواجبه بعصبيه

دنگت راسي وسحبت هوه واحس ماكو نفس بيه شكد ما اجر النفس مخنوگه../

تقويت وكلت خلي اواجه الموضوع برحابة صدر لو بيها لو بدگة شوانيها..؟!

همست العمو.

وتين:ـ اني ماطلعت وي احد يشهد الرب عليه

رفع ايده وضربني راشدي وذاني ضلت تون حسيت نص وجهي صار حااار من قوة الضربه ومنا ضربة اللايت ينزف منها راسي..
ماحسيت ع اي شي گبل غمضت...

ماعرف شكد بقيت ع هاي الحاله
فزيت شفت اخوي مرتضى وياهم داخل للغرفه وعمي وابوي وعاصم..!
من انتبهت سمعت صوت اخوي مرتضى يحجي وي ابوي..!

مرتضى: ـ انا اعرف بيها عدها علاقه وياه وهوه اكثر من مره يتصل عليه وانا ارفض اگله اختي بعدها زغيره بس هوه قافل هيه شردت وياه وخايفه تگللكم لأن خلاها تطلع وهوه نايم بحضن امه..! ومن خافت منكم تگول ماطالعه وياه...
وها ترا هيه جانت تبوگ من كنتوري شراييح وانا ماحجيت..!

احس گلبي ضل ينتفض نسيت الجرح البراسي ونسيت كلشي وركزت وي كلامه اللي مثل السجين بگلبي واني اهمس بداخلي اكول معقوله اخووووي. ابن امي وابوي يطعن بيه... ؟؟

اني اخته الزغيره. ليششش.!؟

فزيت بخوووف بحيث صفيت ع الحايط كلش

من ابوي ضل يلطم ع وجهه يصيح اني شنوو هناااا طرطووور..!

كل هذا صااااير وانا ماادري..

دار عيونه عليه والشرار يطلع منهن احس شوي وينفجرن

حسين : ـ احجي وتين رااااح تخبلوني..

بقيت احلف وابجي ماطلعت وي احد والله محد لمسني محد لزم مني شعرايه والوب بروحي.

محد جاوبني منهم عافوني وطلعو كلهم... ..!

بقيت صافنه افكر شراح يصير وياي رح اكمل لو لهنا ويموتوني..! فكرة الموت صارت متروح من عقلي وشكد ما جنت اريد انفذها هسه اخاااف منها..!

فجئا سمعت اصواتهم علت بين صياح وعياط ويمكن تضاربوا ؟!

عمي صااح اتصلوا ع ام عاصم خلي تجي وتفحصها تشوفها خاف احد لاعب بيها حته نعرف نتصررف....؟!!

يتبع... ــــــ

للحكايه بقايه ✨🔥