العنقاء// زواج قاصر والعاشق المنقذ ..!

بارت 7

ماذا لو مُتنا قبل أن نقول كل شيء .. ماذا لو مات الذين نريد أن نقول لهم كل شي?

~~~~~~~~~~~~~~~~~~~~~~~

بارت طويل تعويض ع البارات السابقه

وتين : ـ وره اسبوعين تحدد زواجي المشؤوم..!!

دخلت الغرفتي گلبي يأذيني احس روحي رايحه..
ذبيت عبايتي والشال بالأرض وشمرت روحي ع السرير اريد انااام حيل تعبانه.

تگلبت يمنه ويسرى مااگدر انام
عقلي مشوش كل الجاي يصير وياي حسبالي حلم وافز منه

قاطع تفكيري دخلت اختي امال يمي...!

رفعت حاجبي بتعجب وهمست بتعب..

ـــ جايه تتباركيلي لو تتشمتين بيه مثلهم.؟

امال: ـ ع شنو اتشمت بيج هوه انتي جنتي تردينه واخذتي بعد شنووو...

وتين: ـ شنوووو گلتييي ماسمعت بالله عيدي..؟

امال: ـ يعني تغشمين روحج؟
العالم كلها درت بيج شارده وسترو عليج ونطوج اله بدل مايكطعون راسج..

هه قابل مثلي حبيت سنين من اني طفله كلش وهوه مامعبرني عود هذا ربينه وياه ويدري بيه احبه
بس حضوض الگ.... اب مومثل حضي

وتين: ـ احسن بركان صعد الراسي لو اشرب من دمها ما ارتاح وگفت ع حيلي وهمست بنتره

لج هيووو حدج بالكلام لا والخلقج ادووووفج دوووف عود انتي اختي وهيج تتبلين عليه وتغلطين چا العالم شنوووو

هسه انا شحجيت غير الحق..؟

وتين: ـ تفطر گلبي من كلامها الينگط سم

تقدمت عليه وجريتها من شعرها حيل
صميت ايدي وضربتها برگبتها
احس روحي اريد اموتها
وهيه ترافس جوه ايدي وتبجي
واني تخبلت من كلامها

فجئه دخلت امي علينه وجرتني منها
واجه الدور عليه ملختني تملخ
كسرتني تكسر

حست بروحها تعبت هنوب گعدت مقابيلي تسب وتغلط عليه...

بدور: ـ ولج تعيلين ع الاكبر منج زماله عار

فوگ دگايگج الج عين تحجين وتعاركين
كلبه بت الكلب اذا اسمعج تحجين كلمه اخلي خوانج يموتونج والله....

وتين: ـ سكتت منها روحي خلصانه.. عافني وطلعن اثنينهن
بقيت روحي تلوب وافكر بمستقبلي ماحسيت ع نفسي من غفيت

مرت هاي الايام بأقسى ماعدها وكل يوم يمر مو احسن من القبله..: بهاي الايام اجتني الحلوه من الهبطات مرتين خلال هالشهر..: وبيوم تحدد زواجي الخميس توفت مرت عمي .. عمي من غير ام يعني شريچة بيبيتي ام ابوي

تأجل زواجي للأسبوع الوراه...

بقى ع زواجي يومين..!

واگفه بالمطبخ اريد اشوف شلون يطبخون اريد اتعلم حته لو شي بسيط ولازم اتقبل الامر الواقع..!