“اصبحنا لا نلوم الغرباء ، فالمقربين فعلوا الأسوء.”
꧁꧁꧁꧁بسمﷲ꧂꧂꧂꧂
وتين: ـ ماذا لو احتضنوني منذ البدايه هل سأكون حزينه لهذا الحد..؟؟
ــــــ بقيت بالمطبخ وعيوني تتنطر واحد منهم يجي يودعني ع الأقل..!
صاحو عليه رجعي مايرضون يجون
رأسآ دموعي نزلت ماگدرت اتحمل هالموقف
اخذتني بيبيتي الحضنها وهمست بذاني...
بيبي حبوبه لا تهتمين ع عنادهم رح اجي ابات وياج الليله..:
هزيت راسي اي والشهگه ابلعومي وكل بالي وتفكيري يم اختي امال ليش حته هيه ماشفتها...!
درت وجهي وطلعت من البيت بدون ماالتفت ع احد والحزن مخيم ع عيوني..
اااخخ وتين شراح تقابلين من حياة وحدج؟؟
صعدت بالسياره ودگات گلبي مثل الطبل اتدك بذاناتي.
بقيت يم الجامه گاعده واذر يمي
وجان تجي بيبي وتگعد بصف اذر من الجهه الثانيه يعني هوه صار بالوسط
بهاي اللحضه مدري اضحك مدري ابجي..!
اذر عود استحه منها لايگدر ينزلني ولا يگدر ينزلها...
بيتهم قريب ع بيت اهلي بسرعه وصلنه دخلو السياره للگراج بداخل البيت...!
ونزلوني من السياره تلگوني ثلاث بنات متوسطات بالعمر..!
مشني ع كيف وزلمه ذبح دجاجه جوه رجلي
حسيت روحي دخت واريد اتقيء من ريحة الدم..!
گعدت ع قنفه حاطينها بالگراج مالتهم
شلون ماجان وقليل ناس اجو من اقاربي
الناس تباوع البدلتي وشكلي هه
ماحسبت رح اندفن اكثر من السابق بمجرد لبستها..!
امي واخوتي وابوي ماشفتهم بعد ولا واحد من اخوتي اجه وياهم
محد بهذا الوقت غير بيبيتي اجت وياي وهيه اساسآ رافضه فكرة زواجي بس لاحياة لمن تنادي...
بقيت بره تحت انضار الناس مااعرف احد بيهم وكلش قليل وياي ناس من اقاربي وبسرعه راحو بقيت اني لاحول ولا قوه ماعرف شسوي وشلون اتصررف
كلهم تعشو وراحو واني حته الغرفه الي ع اساس غرفتي مااندلها...!!
بقيت لحد ساعه تسعه بالليل گد ما تعبت يجي ع بالي انام..
شفت بنات يجن بعمري وازغر واكبر يلعبن حليه..
اخخخخ شكد تمنيت اشمر البدله واركض وياهن بالگراج..!
شوي واجن نسوان 2 نفسهن الي تلگني من نزلت من السياره گالن يااا العروس هناااا صدك جذب شبيكم الناس طشت وهاي المكروده گاعده بالحر..!!
دخلني للغرفه ماهتميت ولا ميزت ع شكلها ولا عندي لهفه بيها خبطت بطني من الوجع والخوف محد معلمني شسوي بهيج ليله ولا عندي فكره ابد مرت ساعه واني وحدي بالغرفه انفتح الباب دخلت بيبيتي وياها بنيه متوسطه بالعمر گعدن يعلمني واني ضليت صافنه وخايفه مثل بلاع الموس شوي وراحن بقيت افكر
أنت تقرأ
العنقاء// زواج قاصر والعاشق المنقذ ..!
Mystery / Thrillerكانت طفله اكبر همومها اللعب مع صديقاتها ولكن للزمن حكم اخر:! قسوه.. زواج غصب..إهانة..عدم الامان.. ضرب.. تشتت.. مرض... سحر.. وحب يدفعها ثمن اخطائهم لتنشطر روحها بين نارين..!!
