العنقاء// زواج قاصر والعاشق المنقذ ..!

بارت 2

و‏تهرب من الضجيج إلى العدم، والعدم يفزعك، لا هدوء في الهدوء كما تظن

♡♡♡♡♡♡♡♡♡♡♡♡♡♡♡

أمال : ـ. انا الاخت الاكبر من وتين لكن اختلاف بيني وبينها من السماء للأرض..!
انا من مواليد 1995/5/2
عشت حياتي البنت المدلله من بعد خمسة اخوان 2 متوفين اكبر مني ومشايفتهم لان توفو بعمر صغير بمرض الفقر دم...!
واخواني الثلاثه الكبار مرتقب ساجد مرتضى وانا واختي وتين اخر العنقود...
حضرتي اختلف عن اختي انا من النوع الخانس وشوي فاهيه.. هه

بعكس اختي اجتماعيه وواعيه اكثر مني وتحب تاخذ حگها من صغرهااا...!:
وتين كانت الصديقه المقربه لبيبيتي ام ابوي بحيث بكل سفر وبكل طلعه ترافقها حته الناس تشبهه ابيبيتي الحجيه..! لأن شخصيتها قويــه..
لكن قدرها حتم عليها وعليه حياة العذاب ولكن لكل وحده طريقه مختلفةةة..!!!!

يتبع.... ــــــ

تكملة البارت الأول.. لاتنسون المشاركه والتصويت بنوتات ✨

أمال .: ـ نمنا انا ووتين عفتها مخنوگه وتبجي بس مابيدي حيله شسويلها هيه الي تجيب المشاكل الروحهااا ..! غفيت وهيه جاي تسولف وياي ماحسيت اله ع صوت صياح وعياط گمت مفزوعه ومرعوبه اشوف شجاي يصير بالبيت شنو هالهوووسه..؟؟
گمت من فراشي باوعت المكان وتين مهيه بفراشها.. ؟؟
دگ گلبي بخوف واحس روحي نمردت بس لا كتلوها لو هيه نتحرت..!!
اخخخ گلبي صوجي عفتها ونمت چان بقيت گاعده وياها. شيصير لو سامعه منها ومهدئتها كله مني انا غبيه ودليل غبائي رح اضيع اختي مني...؟!
قاطع كلامي صوت يرعد بالبيت...
وينهااااا والله اشرب من دمهااا.. الحقيره النذله اعلمها ورب العباد اعلگ راسها اباب الحوووش...

..صوت فالح ابن عمي..

أمال: ـ احس صار براسي طبل من الخوف اكيد مايعوفوني بحالي وحسبالهم انا شردتها..!!

ركضت الغرفة امي والبيت مگلوب گلاب عمامي واولادهم كلهم عدنه واخواني واولاد عماتي وولد خوالي كم واحد هم جاي انتفض جسمي من الخوف ومن رعب المنضر كلهم اسلحتهم بيدهم والصياح مالي البيت ويتحلفون بس يلگونها يكتلونها خلاص... راحت عيوني ع الساعه ب 5/34 دقيقه الفجر.. ؟!!

شفت امي وخالتي بالغرفه امي تبجي وتندب حضها وخالتي يسار تحسب ع اختي.. ليش شردت من البيت..!!

مابين خوفي ورجفتي وقبضة گلبي...
انصدمت ب اخوي.. ساجد
دخل عليه للغرفه وهجم فوگي وعيونه ناطات وحمررر..
لزمني من حجابي وضربني راشدي ويصيح عليةةة بفحيح صوته المررررعب..!

ساجد: ـ اموتج اليوم اذا ماتحجين اختج وين احجيييي..
امال: ـ ساجد انا معليه بيها شمعرفني وينها اصلآ انا نمت من وكت وفزيت ع صياحكم.!!
شو هذا جراني حيل وصمطني بالگاااع.
وانا فقدت ملخت روحي تملخ واصيح انا معليه بيها لحد يلزمني بيكم خييير ولگوها شلي غرررض اناااا..؟
فجئه گامت امي وسحبت ساجد من عندي

بدور : ـ ولك عوفها شعليها هاي المگروده وجاي تحاسبها روح حاسب ذيج العااار ال.... ه
لو گادرين بس ع هاي الفقيررره..؟؟!

ساجد: ـ فارت روحي وانا اسمع الأولاد يحجون ع عرضي اختي الزغيره جانت مثل الورده بالبيت ليش هيج سوت ليييش.. جانت اقرب من روحي الي هسه لو اشرب من دمها ما يرتاح بالي من العار الجابته النه... ماتحملت حجيهم ورحت هجمت ع امال اختي ردتها بس تحجي. تنطيني لو راس خيط بلكي تعرف شي عنها حتى اتصرف بس محد يسمعني ومحد ينطي صبر نفكر شنسوي كلهم يردون يموتوها وانا اول شخص ما حتويتها من البدايه..!؟

طلعت من يم اختي امال ورحت للديوان كلهم گاعدين دخل اخوي مرتضى وچان يگول انا اعرف وينها...!!

كلهم هدووو وانا وياهم
گمت ولزمته من قميصه وحجيت بعصبيه احس بركان بداخلي. وينها احجي صار ساعه ندور وماكو ليش ساكت اذا تعررررف ليشش...؟

مرتضى: ـ گعدو وخلي افهمكم

مرتقب: ـ شتفهمنه احجي العندك وخلصنه يلااا..

مرتضى: ـ شوفو قبل فتره خابرني هذا صاحبها وگلي اريد اخطبها ومن هالكلام وانا بصفتي اخوها رفضته وگتله اختي صغيره وماننطيها..!
وذاك هددني گلي خوش اذا ماتنطوها اعلمكم وسد الخط وحضرني

مخلص كلامي يمكن شارده وياه وانا اندله بيتهم..!.

صارت هوسه وخبصه وكلهم جهزو سلاحهم وطلعنه متفرقين قبل لا يصير الصبح والجوارين يحسوون
لحگوني وندلو البيت وكلمن راح بجهه...

عاصم: ـ حاوطنه بيت الولد وانا طفرت من السياج بلكي اشوفها عدهم حته اگدر اطلعها بأي طريقه واحميها من هذول الوحوش..!
بنت خالي وينها ووين هاي السوالف بس بيت خالي واعرفهم ربيت وياهم الحد ما الله مكني وتزوجت وطلعت منهم...

عبرت السياج ووياي اخوي محمد وصالح ابن خالي احسان.. ـ
مرتضى اجه ويانه والباقي بره البيت ينتضرون...

مشينه. بهدوء ولمحت اشخاص نايمين من الشباك الداخلي

تقربت وهمست الجماعتي اليمي صبرووو خلي اشوف منو جوه نايم..؟.
وگفت وباوعت ب تمعن شباب 2 ومره جبيره وولد صغير نايمين..

صحت ع مرتضى بصوت خفيف
تعال شوف هذا الخايس هنا لو طالع..؟

تقرب مرتضى وشاف.. شوي ورجع گال هذا هنا نايم..!!!
فتحت عيوني بصدمه واردفت بداخلي معقوله هذا يطعن بشرف اخته ويگول اختي شارده وي صاحبها..!! وتالي يطلع الولد نايم بحضن امــه..!

هذا ابد مو صاحي...!!
ولج وتيييين وينج ليش هيج جاي تدمرين روحج وتدمرين اهلج وياااج..؟

كلتلهم يلا انسحبوو بسرعه.....

للحكايه بقايا.. ــــــ