كلما اشتدت عليك مواجع الحياة كلما فلت من يدك شخص كنت تضن بأنه عكازتك وقت الضيج..!!!
................................................
دنيا: ـ ايامي عاديه خاليه من الحياة
وضعي كلماله بالنازل..!
گعدت اليوم من وكت حته اساعد امي بالبيت وبشغل البيت.
نزلت جوه امي گاعده تطبخ غده
باوعت عليها ورحت للحمام غسلت وطلعت
رجعت يم امي گعدت
همست صباح الخير يمه
ـــ صباح النور تعالي صبيلج ريوگ وتريگي وگعدي خواتج يتريگن
.. ان شاءلله يمه
تريكت وصعدت گعدت البنات يتريگن صابرين وفردوس عدهن مدرسه وانا وزينه مبطلات بسبب بيبيتي ماخلتنه نكمل ..!
نزلن البنات تريگن وانا بقيت بالغرفه
ومرت الايام مثل ماهيه
وبيوم نزلت شفت عدنه شهاب ابن خالي احسان گاعد بالاستقبال وي امي وابوي وبيبيتي
سلمت وسويت روحي صاعده فوك گلت خلي اسمع شعدهم من مؤامره اليوم..؟
تجمدت بمكاني وانا اسمع شهاب يقنع امي ابوي يريد ياخذ صابرين اختي يتزوجهاا...!
خليت ايدي ع گلبي واسمع كلامهم واحد يرفع واحد يكبس بين القابلين وبين الرافضين
گامت بيبيتي خيريه وگالت يمه الله بالخير شنو اليمنعكم ماتنطون صابرين لشهاب..؟
بعدها زغيره...؟
گال ابوي لا خواتها اكبر منها بعدهن ما متزوجات شلون ازوج هاي الطفله وخواتها گاعدات ..؟
ردت عليه بيبيتي واردفت... والله يمه اذا تريد انا اقنع صالح اخو شهاب ياخذ زينه بنيتك الجبيره هاا شتگول
احسن مايرحن للغربه عاد يم خالهن اخو امهن وعمتهن اخت ابوهن..!!
سكت ابوي وامي ماحجت اي شي راح شهاب وانا راسي ضل يفتر
اهلي ع شنو هيج رح يسوون صابرين طفله مو مال زواااج...!!
مرت الايام وبيبي تقنع ب صالح ياخذ زينه ع مود اهلي يقبلونن ينطون صابرين لشهاب...!
وبيوم تمت الموافقه وحددو يوم المهر مالتهم
التمن عماتي وخالاتي عدنه
وعدو حگهن للبنات صح فرحتلهن ذني خواتي روحي من الدنيا بس خايفه عليهن لأن صابرين زغيره وخاف ماتگدر ع مسؤلية زواج وانا احجي ع بيت خالي من زوجو وتين وهيه زغيره وهسه رح يزوجون هاي ازغر من وتين بسنه وزينه هم خايفه عليها لأن رح تتزوج هم بشخص رافضها بس ع مود اخو يگدر يتزوج اخذ زينه..!
ومرت الايام بين خواتي واهلي صابرين بطلت من المدرسه بقت بس فردوس تداوم
صار موعد زواجهم بأيام قليله شهاب مستعجل ع الزواج...
بكل هاي الفتره كل خطابه تجيني بيبيتي ترفض رفض تااام واهلي وياها..
وضعي ونفسيتي بدت تتعب
تزوجن خواتي وراحن البيت جديد حياة جديده..!
«~~~~~~~~~~~~~~»
امال: ـ. من بعد زواج اختي مرت الايام مثل الحلم البيت هدوووء
اهلي حيل هادئين انا بقيت ملتهيه اساعد بيان ع اطفالها لان اخر طفله جابتها وي زواج وتين وطلعت مريضه وتحتاج رعايه خاصه...!
بيبيتي الحجيه گامت ابد ماتبقى بالبيت كله تطلع تگول مالي خلك البيت من بعد وتونه..
گاعده بالمطبخ الف دولمه وي امي
همست.. يمه خلي نودي دولمه الوتين هيه تحبها وبيتهم قريب..
بدور:ـ سكتي امال الدولمه ماتكفي ولاتجيبين طاري ذيج بعد انسيها هيه عايشه احسن منج حته ماتخابر علينه ولا تجي شكو نذكرها احنه...؟
ــــــ سكتت منها كملت وگمت احس گلبي يرفرف كأنو رح اشوف احد عزيز عليه
تقربت ع صالة الاستقبال وشميت عطره الاحبه وهمست بگلبي
افييييش ياريحتك الطيبه حبيب روحي عدنه اليوم...!
بس شالفايده هوه اساسآ ماحاطني ع باله يلا بس اسلم عليه وارجع المهم اشوفه واريح گلبي المشتاقله...
دخلت للصاله وهمست.. السلام عليكم. شلونك محمد..
وگف ع حيله وخله ايده ع صدره ويحجي بدون ميباوعلي..!
محمد:ـ احم وعليكم السلام هلا بيج خويه انا بخير انتي شلونج؟
امال: ـ همست بداخلي كلمة الخويه من تگولها احسها مثل السجين بگلبي لو بس تشيلها اناااا بخـــير..
ـ انا الحمدلله بشوفتك
حجيت هيج وركضت جوه الغرفتي احس مسويه فد انجاز من سلمت عليه ماعرف ليش اضل بس اررجف من اشوفه ليش الهالدرجه احبه وهوه لااا...!!
محمد يصير ابن عمتي ام عاصم ازغر واحد بخوانه وعنده اخت ازغر منه بعد..!
خليت راسي ع فراشي وگلبي يدگ بكل قوته..
فجئه تذكرت اختي وتين من تگلي لا تحبينه وهوه يشوفنه مثل خواته وچنت ارفض هالفكره وابقى مصره ع حبي اله حته لو حب من طرف واحد...!
بقيت افكر ب وتين شلونها هسه متأذيه و تعبانه لونستني وراحت عايشه مرتاحه....؟
يتبع...:
للحكايه بقايا...
أنت تقرأ
العنقاء// زواج قاصر والعاشق المنقذ ..!
Mystery / Thrillerكانت طفله اكبر همومها اللعب مع صديقاتها ولكن للزمن حكم اخر:! قسوه.. زواج غصب..إهانة..عدم الامان.. ضرب.. تشتت.. مرض... سحر.. وحب يدفعها ثمن اخطائهم لتنشطر روحها بين نارين..!!
