العنقاء// زواج قاصر والعاشق المنقذ ..!

بارت 5

لطالمَا شعرتُ بالغرابة في حياتي،
وأني لا أنتمي إلى أيّ شيء،
لا مِن هُنا ولا مِن هناك،
لقد كُنت دائمًا مثل صَدع،
وفي احتياجٍ دائمٍ للصّمت.

بارت خامس

بقلمي انا  أم امير 

***********************************

امال : ـ   من بعد ما طلعو الاولاد كلهم بقيت بغرفة امي استمع الكلامها وي خالتي  واحاول اطبع الكلام بدماغي وخالتي تهمس الامي..!

يسار: ـ أگلج خيه ام مرتقب لا تضوجين روحج وتدمرين نفسيتج هسه الاولاد يجيبونها سحل وين تروح يعني..؟

بدور: ـ والله يا خيه ماادري هاي البت  راح تموتني لو ميته ابطني ولا جايه للدنيا شگد متعبه من هيه وبطني معذبتني كون الله يخلصني منها ومن همها..

امال: ـ حسيت راسي يوجعني حيل وانا اسمعهم بنص حديثهم انفتح باب الغرفه علينه..!

مرتقب: ـ. گومي امال  ـ

امال: ـ وين اروح
مرتقب سمعي الحچي وگومي بلا كلام زااايد..

ــــــ  گمت وياه گلي صعدي فوگ الغرفتي يم البنات

.. نسوان اخوتي..

مرتقب: ـ  شوفي لج اذا المحج لو المح خيالج جوه انهيج من الدنيا فاااهمه   هنا تبقين اكلج وشربج وكلشي  ع ما نسوي حل الهاي الحقيره..:

امال ـ دنگت راسي واتمتم بگلبي...
هوه منو الضيعها غيركم..

ـــ  ما اشوف اله ومرتقب جراني من ملابسي وفتح باب غرفته وشمرني حيل..

انشمرت للأرض وبچيت بحرگه..
انا شعليه وهيج تعاملني شعليهه شبيك ويااااي

رأسآ رجع عليه دفرني ابضهري وهمس بغضب

اذا اسمعلج نفس اموتج بيدي فهمتيييي..!

هزيت راسي اي  وبقيت گاعده بالزويه وبس دموعي تنزل
نسوان اخوتي وحده حضرت روحها وراحت  البيت اهلها مرت ساجد...
ومرت مرتقب موجوده.. 

ابين صفنتي والخنگه اللي بداخلي اتقربت يمي مرت اخوي مرتقب

بيان:ـ. هههه حل بيها تستاهل عليش ضايجه تعالي اعلمج ع المكياج خلي نغير جوو

ـــ  فتحت عيوني بصدمه...

امال: ـ هاي شبيج شاربه شي البيت محروگ حرگ جوه وانتي خابصه روحج بالمكياج؟

بيان..  يووو انتي هم غثيثه مثل اهلج الله يكرفكم كون كلكم واخلص منكم..

ـ گمت ع حيلي وگلتلها والله ماكو غيرج انتي الغثيثه وكلشي يصير من تحت راسج..

ـ گامت اخذت علبة الحليب مالت بتها وشمرته عليه وتقربت وكتلتني بقيت مثل الطير جواها هيه شرسه وانا فاهيه بس احجي وادفع ثمن غلط كلامي..!