هناك أشياء تسقط ليس لها صوت، البعض يسقط من العين، والآخر من القلب....!!
....... ...... ....... ........ ........ ......
العنقاء //زواج قاصر والعاشق المنقذ...!!
بقلمي انا... آمِ آمِــــــــيـــــــّر
••••••••••••••••••••••••••••••••••••••••••••••••
وتين: ـ سمعت الصرخه ملت البيت شمرت الموبايل وطفرت من مكاني احس كل اعضاء جسمي تتراجف اريد بس اوصل الباب الغرفه ماكو..
فتحت الباب وانفاسي تتضارررب بشكل مو طبيعي منو مات؟
ركضت ع غرفة بيبيتي شفت عماتي يدگن ويلطمن
صيحت عليهن اريدهن يحجن منو مات وهنه ع صرخه وصوت حته مامنتبهات عليه عفتهن ركضت ع غرفة اهلي بدون وعي ومااعرف ماحمييد المات لأن هواي محمدات عدنه
دفعت الباب وصرخت يمهههه حميد مات وعفتها وركضت للحوش الطم وابجي رجعت العماتي شفتهن بالهول يلوبن وامي والبنات يمهن اتوجهت ع عمتي اسيل سألتها منو مات؟
ماترد مثل الدخلت بصدمه حته ماتبجي بس الدموع تلولح بعيونها
رجعت ع عمتي عهد وصرخت ولكم فهموني منو ماااات.؟؟
لزمتني عمتي عهد من جتفي وثنينه نتراجف
وهمست والشهگه واضحه بصوتها وايديناتها ترررجفف
وتين.. محمد ابن عمتج ام عاصم استشهد...
ولج حمييييددد راااح مااات مااات ولج العصر يجحي وياي
فتحت عيوني بصدمه وكأنو صاعقه ضربتني
رجعت ليوره وخرتها مني
عقلي تشوش ابتسمت وهمست ههه شبيكم ماميت هذا اكيد مقلب من عنده.!!
گامت امي تصيح ولج مات مات هذا مرتقب نزل خلي نتأكد منه
عفتهن يبجن ويخابرن حته يتأكدون بلكي الخبر يطلع جذب
رجعت الغرفتي ابجي ومامستوعبه الصار
اخذت الموبايل شفت الخط مفتوح
همست وصوتي گوه يطلع من الصدمه
وتين: الوو
حمد: ها شكو عسه ماشر
ــــــ ابن عمتي استشهد يمكن بس بعدهم مامتأكدين من الخبرررر...
: صدگ تحجيننن.؟
لاحول ولاقوة الابالله العلي العظيم
خليني وياج ع الخط لاتسدينه
وتين: ماشي رح اعوف الموبايل بجيبي لأن اخاف احد يشوفه
احجي وياه وابجي
مر شوي وقت
وفجئاة سمعت الصريخ عله گمت ركضت طلعت
من الغرفه گوه اجر برجليه وانفاسي تزيد تقربت عليهم واسمعهم يگولون اييي هوه هوووه لاااااا يمههه محمد متگطع طـاگه عليــه مفخخه...!
حسيت نهد حيلي گعدت بمكاني مصدومه
وعماتي هم گعدن مايعرفن شنو يسوون قبل لا يروح اجالنه وفرحان يريد يخطب..
أنت تقرأ
العنقاء// زواج قاصر والعاشق المنقذ ..!
Mistero / Thrillerكانت طفله اكبر همومها اللعب مع صديقاتها ولكن للزمن حكم اخر:! قسوه.. زواج غصب..إهانة..عدم الامان.. ضرب.. تشتت.. مرض... سحر.. وحب يدفعها ثمن اخطائهم لتنشطر روحها بين نارين..!!
