عشق الباربيانو

اقتباس

رددت ورد بي صراخ قوي ودموع هستيريا وقلبها يحترق من الداخل وجسدها ينتفض بقوه شديده .ماتنطق ياسامر طلع ايه في التحاليل

صمت سامر ولم يجيب عليها وظلت عينه الحاده مثبته فوق تلك الفتاه الباكيه بشده وباربي تعانقها بقوه وتحاول السيطره علي جسدها المرتجف وهي تحاول الهروب بي أي طريقه

وقفت ورد أمام سامر ورددت بي أعين حاده منكسره ووجهه غارق بي الدموع وعقلها لا يتخيل تلك الخيانه وكسره القلب .ماتنطق يابني انطق وريحني انطق وريح قلبي

أدار وجهه للجهه الاخري ولم يجيب عليها لتتوسع عينيها علي الاخير واخذت تردد بصراخ قوي وهي تصفع وجنتيها بقوه وتحرك راسها للجهتين
بعدم تصديق وحرقه .يعني يعني البت دي بنته مش كده يعني أبوك فعلا كان متجوز عليا أبوك خاني ودبحني ابوك خاني ودبحني ياسامر رد عليا أبوك عمل كده لتكمل بصراخ حاد وعويل شخص مذبوح وهي تقبض علي تلابيب ثيابه بقوه .ماتنطق ماتتكلم اتكلم وريح قلبي حرام عليك

اقتربت زينات من ورد ورددت ببكاء وعقل شارد لا يشعر بي العالم كله .ورد يابنتي اكيد في حاجه غلط

لا ياتيتا مافيش حاجه غلط قالتها باربي بجديه وهي ترمق ورد بحزن وشفقه وعينيها تزرف الدموع بلا توقف

لتتمسك بيد تلك الفتاه الباكيه واكملت بقوه وهي تتوجه بها الي الداخل .حسناء بنتكو زيها زي سامر وريما وليها في القصر ده ومن حقها تعوضوها عن كل اللي شافته في حياتها

لا دي مش أختي وانا متأكده من كده قالتها ريما بي صراخ وبكاء وهي ترمق حسناء بقرف واحتقار لتنفجر الاخري بي البكاء وكادت أن تجري الي الخارج لتردد باربي بصراخ باكي وعينيها علي ورد المنهاره بي البكاء .لا دي أختك لازم تتقبلي الحقيقيه دي حسناء أختك فاهمه يعني ايه أختك لو مش مصدقاني بصلها كويس وانتي تتأكدي

نظرت ريما الي نسختها الموجوده أمامها لتردد بصراخ منهار قوي وهي تبكي بلا توقف .لا مش أختي البت دي مش أختي والله العظيم ماهي أختي

لتنهي حديثها وهي تجري الي الخارج ليتمسك سامر بيدها وأخذ يردد بهدوء متخلي عن صمته الغامض .لا أختك أختي وأختك وسواء رضيتي او مرضتيش هي أختك فاهمه

نظرت اليه ريما والجميع بصدمه وازداد بكاء ورد ونحيبها وحسره قلبها الشديده لينظر سامر الي الخلف وعينه لا تفارق عين تلك الفتاه المتخفيه داخل أحضان باربي .اسمعوني كلكو وافهموني كويس من هنا ورايح حسناء جزء من عيلتنا زي ماباربي قالت بي الظبط وللمره الاخيره حسناء أختي زيها زي ريما عندي وزيها زيي وزي ريما عندكو

كادت والدته المسكينه أن تتحدث ليقاطعها بنبره حاده غير متحمله .خلاص ياأمي خلااااص
لو سمحتي أنا مش متحمل

قالها وتوجه الي الخارج بسرعه البرق ليتوجه جده الصامت خلفه بعدما القي نظره بارده حاده علي الجميع