عشق الباربيانو

الفصل السابع والعشرون

قامت باربي بقلب الطاوله لينتفض الجميع من مكانه ومعالم الصدمه واضحه علي وجههم

ردد الجد بقلق وخوف وهو يتوجه اليها .ايه يابنتي اللي حصل إنتي كويسه

ردد سامر بصراخ وعدم تصديق وقد أفاق من صدمته للتو وأخذ ينظر اليها تاره والي الطاوله المنقلبه تاره أخري .ايه القرف اللي عملتيه ده إنتي إتجننتي في عقلك

رددت باربي بغضب وأسلوب حاد للغايه وهي تنظر اليه والي مالك باتهام .لا متجننتش ياسامر أنا متجننتش إنتو قاعدين تتريقو وتضحكو علي بابا وعاوزني أتكتم وأسكت للدرجادي شايفني زباله أنا وعيلتي وقاعد تضحك إنت وصحبك علينا

إندهش الجميع من هجومها ومن كم الاتهامات التي تقدمها لتردد الجده بقلق وهي تنظر الي وجهه سامر المشتعل بشده والنيران الصافيه أصبحت تقطر من عينه .يابنتي إهدي مين بس اللي إتريق إحنا بنتكلم عادي وإحنا حانتريق علي باباكي ليه بس

ردد مالك بحرج .أنا والله مقصدي حاجه أنا بتكلم عادي ربنا يعلم أنا بحب عم فواد قد ايه

نظرت اليه باربي ورددت بصراخ وأسلوب فظ .لا كان قصدك أنا فهماك كويس إنتو الاتنين كان قصدكو تهينوني أنا وبابا إنتو الاتنين محترمتوش غياب بابا وعملتوه بهلوان وقعدتو تضحكو وتتمسخرو عليه

توجهت اليها دنيا ورددت بحده شديده وهي تقف أمامها .إنتي متتكلميش معا جوزي بالاسلوب ده إنتي فاهمه قسما بالله لو غلطي في جوزي تاني لاكون ماسحه بيكي الارض إنتي

قاطعها الجد التي ردد بصرامه وغضب .دنيا تعرفي تخرسي إياكي أسمع صوتك

نظرت اليه بصدمه ورددت بدموع وكسره .إياكي أسمع صوتك هو ده اللي ربنا قدرك عليه ياجدي مش شايفها إتكلمت معا جوزي إزاي وهو موجود في بيتي بقا بتدافع عنها ومش فارق معاك اللي عملته

كاد الجد أن يتحدث ليقاطعه مالك الذي ردد بهدوء وإحترام وهو يتمسك بيد زوجته ويده الاخري يحاوط بها كتف شقيقته .خلاص ياجدو محصلش حاجه علي العموم أنا أسف مره تانيه بس والله ماكنت أقصد حاجه وحشه

رددت دنيا بحده وهي تزيل دموعها الحزينه .إنت مش محتاج تبرر لحد أنا غلطانه أساسا إني جيت أول مره أحس إني غريبه ومليش مكان هنا

أنهت حديثها وهي تتمسك بيد رودي وتوجهت بها الي الخارج بسرعه لتجري سهام خلفها وهي تنادي عليها بلهفه ليتوجه مالك خلفهم وهو يزفر بضيق وزهق

بعد رحيل الجميع
رددت ورد بحده موجها حديثها الي باربي .
عجبك اللي حصل حرام عليكي يابنتي دي

قاطعتها باربي ورددت بقسوه وأسلوب حاد وكلما تذكرت مافعلته ورد بالصباح يزداد حزنها وغضبها بالاكثر .أنا مغلطش في حاجه أنا

قبض سامر علي معصمها وردد بهدوء أقل من الهدوء الطبيعي وهو ينظر داخل عينيها وينذرها بالهلاك والدمار اليوم .إخرسي وتعالي معايا