غلـآآ روحي من غلـآآهـآ ؛ ريم الغـلـآآ عيوني فدآآهـآآ

بارت 17

نهـآآر هاليــوم ،،
بيت بوعبدالعزيز :::
بوعبدالعزيز : صبـآح الخير
الكل : صبـآآح النور
بوعبدالعزيز : هآ عزوز جـآهز ؟ خذينا موعد مع عايلة بوسلطان
عبدالعزيز : هيه الحمدلله جآآهــز
أم عبدالعزيز : الحمدلله ، أشهد إنك خذيت القرآر الصح
سعاد : متى بتسيرون لهم ؟
بوعبدالعزيز : بعد صلاة العشـآ ، لأن بعد صلاة المغرب مشغولين
منال : بالمبـآآرك
...

بيت بو جـآآسم \ غرفـة أفنـآآن ::
أفنان تصيح وتدخـل عليها غالية
غالية تقعد عدالها : خلاص حبيبتي ، لا تتعبين عمرج ، إنتي إن شاء الله بييج نصيب
أفنان : أبـآ حميد ، ليش مـآ يتزوجني أنا ليش ؟ أنا أفكر فيه وأحبه جيه يجآزيني
غالية : بس هوه مـآ يعرف عن هالشي
أفنان : بهالسرعه يخطب ، أنا توقعت بعد ما يخلص الدرآسه يخطب
غالية : وهوه مخلـص ، هذي آخر سنة له
أفنان : بس أنا قلت يمكن بعد ما تخلص الأمتحانات ، غالية أرجوج سـآعديني
غالية : شو أسوي يعني ؟ خلاص اليوم بسير يخطب البنيه
أفنان : أرجوج قبل لا يخطب سوي شي أرجوج
غالية : إنتي تعرفين رقمـه ؟
أفنان : هيه ، هـآآج ********
غالية تتصل حق حميد ، حميد يشوف الرقم غريب ...
حميد : مرحبـآ
غالية : هلا حميــد
حميد مستغرب : غالية ؟ شو تبين ؟ عسـى ما شر ؟
غالية : الشر ما ييك ، أبـآك موضوع بخصوص أفنـآن
حميد : أفنـآن ؟ ليش شو صـآير ؟
غالية : أفنان يـآ حميد تحبك ، تحبك وآيد ، ويوم درت بخطوبتك أغمي عليها ، هيه دايمـآ تفكر فيك ، وتبـآآآك
حميد : ما دري شو أقولج ؟ بس أنا خلاص معزم أخطب
غالية بتردد : إنزين غير الوجهه
حميد : لا ، مستحيل ، أنا أبـآ البنيه اللي بنسير اليوم أخطبها ، وما بتزوج غيرها
غالية مب عارفه شو تقول : حميد ، بس أفنـآآن !
حميد : أفنان الله يوفقها ، ويرزقهـآ بولد الحلال اللي يهنيها
أفنان تصيح وشلت الموبايل من عند غالية
أفنان تصيح : حميـــــد
حميد مستغرب من الأسلوب : هـلا
أفنان : حميد أرجـوك ، أرجــوك يا حميد
حميد : على شو تترجيني ؟ خلاص يا أفنان أنا بخطب اليوم اللي دخلت عقلي وقلبي
أفنان : وأنا ، وأنـآ يا حميد ؟
حميد : و انتي الله يوفقج إن شاء الله
أفنان تصيح وفرت الموبايل ، وحميد سكر الخـط وهو متخربـط من اللي يصير ، فج الكوميدين وطلع صورة ريم وقال بخاطره : والله محـد بيبعدني عنج يـآ ريم ، أحبج
...

ولمــآ يـآ وقت الخطوبة و انخطبت ريــم لحميد ، حميد شعوره لا يوصف ، و ريم طـآيره من الفرحـــه ...
في غرفة ريم وبدور ::
نعيمه تبوس ريم : ألف ألف مبروك تستـآهلينه وهوه يستـآهلج
ريم : الله يبـآرك فيج
نجلاء تسلم على ريم : بالمبـآرك يالغالية بنت الغالية الله يهنيج
ريم : الله يبـآرك بعمرج خـآلتي
فوآآز : والله ريـآل طيب ماشاء الله عليه ، بنسأل عنه بعد
مساعد : ما يحتـآي ما شاء الله عليه
بدور تحضن ريم : مبرووك ، عن جد تستاهلينه ويستـآهلج
ريم : الله يبـآرك بحياتج حبيبتي
فوآآز : الملجه بعد الامتحـآنـآت بيومين والـعرس بعد الملجه باسبوع
نجلاء : مب كأنه بسرعه
مساعد : الريال مستعيل وآآيد على شـآن يسيرون شهر العسل قبل لا تبدأ المدرسه
نعيمه : هيه صح زينــه ترتيبـآتهم !
سالم : ألحين انتن شدن حيلكن في الامتحـآنـآآت
ريم و بدور : إن شاء الله
...