غلـآآ روحي من غلـآآهـآ ؛ ريم الغـلـآآ عيوني فدآآهـآآ

بارت 26

تشرق الشمس الذهبية لتنيـر سمـآء الحب من جديد ، وتشعـل الرومانسيـه من جانب
آخر إنـه اليوم المنتظر الذي طـآلمـآ انتظره الجميـع ، ليشـآهدوا " ملـآك الكون " في
أبهـى حله ، ليشـآهدوا الشـآب الذي " طير " عقـول البنـآت و هو عريس ..> اللهـ ع ـاللغة ..
إنــه يوم زفـآف أجمل اثنين عرفـوا " حميد & ريــم " كيف سيكونـآآن ؟ تابعونا
...

السـآعه 10:30 قـآمت ريم من نومتهـآ وهيه ما حبت تقوم مبجر على شـآن ما تتعب
بعدين وتستوي نعسآآنــه ، الحلوة خذت لها " شور " ولبست لبس خفيف على شـآن
ما يثقل عليها عقـب ، و مشطت شعرهـآ ..
أما حميد قـآم في نفس الوقت وخذ له " شور " واليوم فرحـآن أكثر من كل يوم ، لبس بدلتــه وعلى طول مسك موبـآيله ..
خذت ريم موبايلها وشـآفت المرسل :: {.. حبيب الـروح ..ْ~!
المسج :::
سلـآآم العشق وأعمـآقه ، يضم القلب و أشواقـه ، تجيك الروح مشتـآقه ، تهديك القصيد ألوآن .. على درب الهـوى جينـآ ، من أول ما تلاقينـآ ، تغير كل ما فينا ، وعشنـآ فرحة الأزمـآن ..
وردت له ريم بمسج : شربت الحب من كـآسك ، وطعم الورد بانفاسك لأنك عذب باحسـآآك وأنـآ ..[ وما كملت لأنها تستحي ] ..
و يمـر الوقت وسـآرت ريم الفندق على شـآن تتعدل هناك ، و أما خالاتها وأختها كانن معاها .. عايلة بوسلطـآن ساروا الصالون ، وعايلة بوجـآسم بعد ، عايلة بوفـوآز عزموا قرآيبهم من الكويت بعـد من غير المعازيم الباقين ..

في الصالون " اللي فيه منيرة وأشجـآن " :::
منيرة : يـآ سلام كيف بتطلع ريموه اليوم ؟!
أشجآن : أكيد حلوة ! ماشاء الله عليها
منيرة : اشتقت لها من يومين ما كلمتها ولا سمعت صوتها
أشجآن : لا تلومينها مشغولة
منيرة : أنا ألوم اللي يلومها أصلاً
أشجآن : عاد لو شافج عبدالعزيز ، شو بيسوي ؟ أكيييد بينبهر
منيرة ضحكت و في نفس الوقت استحـت ...

في الصالون " اللي فيه سعـآد و منـآل " :::
سعاد : يلا منـوله سيري تعدلي بيضيع الوقت علينا ونحن ما خلصنا
منال : ألحين بسير ، عآد أكيد اليوم بتطلعين كشخـه ، وبيشوفج سلطـآن وآآو
سعاد : منال عن الخبـآل
منال تغمز لها : أونج استحيتي ؟
سعآد أونها عصبت : يـلا عاد عن الزلاعة
منال ضحكت

في الصـآلون " اللي فيه غالية " :::
أفنان اتصلت على غالية ، وغالية متفاجئة !
أفنان : هلا غلويــه ، ولا تقولين بتسألين عن أختج ، ما صدقتي أسير عنج !
غالية متلخبطة : هلا هـلا ، شحالج حبيبتي ؟ لا يا عمري ما نسيتج
أفنان : أنا تمـآآم وبخير ، شخباركم أنتـوا ؟
غالية : الحمدلله طيبين
أفنان لاحظت : أسمع صوت استشوآآر
غالية انصدمت وسكتت
أفنان : غلويـه وين إنتي ؟
غالية : أنا في الصالون
أفنان متفآجئة : و شو تسوين في الصالون ؟
غالية : اليوم عيد ميلاد ربيعتي وعلى شـآن جيه سرت أتعدل في الصالون
أفنان : أهـآآ
غالية بخاطرها : الحمــدلله
...

صوب حميـد و رآشد اللي كـآنوا على البحر :::
رآشد : يه يه يه ، ازقـرت اليوم ما شاء الله
حميد : أكيـد ، أكيد ازقرت
رآشد : يـآني تمنيت هاليوم و أشوفك طآير من الفرحـة
حميد : الله يسعدك ويهنيك
و رن تلفون حميد وكان ( الشيطـآن ، ميود يتصل بك )
حميد : خير ؟! شو تبـآ ؟
مايد : بسمك اللهـم .. حشـآ أنا أخوك يالنذل
حميد : محد نذل غيــرك
مايد : تصدق إني تمنيـت هاليوم ايي !
حميد : ليش إن شـآء الله ؟
مايد : على شان تاخذ مرتـك وأفتك من مجآبل ويهك
و على طول ميود قطع الخط قبل لا يحصل له هزبـه محترمه
...