في غرفة الانتظـآر الكل على أعصابه وبعد كلام ريم عن حميد لما دخلت عليه طمنتهم عليه .. وبعد مرور الوقت يـآ الدكتور وطمنهم إن حميد الحمدلله بخير ، ريم فرحت وآيد واستـآنست .. ومر هاليوم وبـآجر الملجه ..
...
نهـآآر هاليـــوم \ الساعه 8 الصبـح :::
ريم تمت تتصل للكوافيره والممكيجه تأكد الحجز ، وأما خالاتها يجهزون البيت للملجه
بيت بوسلطان لموا أغرآضهم على شان ينتقلون لبيتهم اليديد أو بالأصح " قصرهم "
أما بيت بو جاسم قاعدين يقنعون أفنان تسير الملجه بس هيه رآفضه نهائياً
بيت بو حمد طالعين يستانسون يقضون الاجازة في خورفكان
بيت بوعبدالعزيز قاعدين يتجهزون للملجه ويقايسن البنات فساتينهن
....
عايلة بو سلطـآآن انتقلوا بيتهم اليديد \ غرفة حميد ::
حميد يرمس مع ربيعه رآشد على الموبايل
رآشد : والله كبرت يا حمـود وبتملج باجر
حميد : هيه ، بملج وأخيـــراً
رآشد : عاد بعدين ما بقدر أشوفك ، كله بتطلع معاها
حميد : هيه عاد تحلم تشوفيني ، بتشوفني بس فالأحلام
رآشد : مالت عليك عآد من زينك ألحين
حميد : يهـــد
ويدخل ميــود الغرفة ،، حميد سكر عن ربيعه رآشد يشوف مآيد شو يبا !!
حميد : نعم ؟! شو تبـآآ ؟
مآيد : أبا أقعد معاك نسولف عن ريم
حميد : نعم نعم ، وإنته شو يخصك بريم ؟
مآيد بجدية : والله إنها حلوة
حميد يضرب مايد : أ يـآ مسود الويه تتغزل فيها وجدآمي
مآيد : عاد فكنا عاد بنشوف
حميد : انزين يلا برع
مآيد : أفا تطردني ؟
حميد : بــرع برع
مايد : انزين بقول لك سـآلفه
حميد : قول
مايد : نوريـآآن تصيح
حميد : ليش ؟
مايد : لأنك باجر بتملج وهيه تحبك
مآيد بسرعه شرد ، وحميد فر عليه الـ { الشوز }
حميد : أسميه إنه مستخف مسود الويه
حميد وآيد وآيد فرحآن لأن و أخيـراً بيملج على ريم
،،
حميد سار المول يشتري موبايل حق ريم + هديه بعدين بتعرفونها ...
منيرة تكلم ريم على التلفون ::
ريم : مرحبــآآ
منيرة : هلا هلا والله بالعروس
ريم تبتسم : هلا فيج حبيبتي ، شحالج ؟
منيرة : الحمدلله ، شحالج إنتي ؟
ريم : طيبة طاب حالج
منيرة : ريمـآنوه جآهزه حق الملجه بـآجر ؟
ريم : هيه الحمدلله تجهزت وخلصت
منيرة : انزين أقولج حميد طـآير من الفرحه اليوم ازقرت ، وآيد وآيد يحبج
ريم : و أنا بعد أحبه ، أنا ضحيت بكل شي على شـآنه
منيرة : وحتى هوه ضحى بكل شي على شآنج إنتي القلب والروح عنده
ريم تبتسم : الله يخليه ويحفظه ، وينه هوه ألحين ؟
منيرة : طلع المول ما دري ليش ؟
ريم : سلمي لي عليه يوم بيرد ، وقولي له ترآك أمس ظآهر من المشفى لا تتعب عمرك ..
منيرة : يبلغ إن شـآء الله ، يلا مع السلامة
ريم : مع السلامة
...
حمــد و سعيـــد فالمـــول :::
حمد : أبا أقول لك موضوع
سعيد : تفضل
حمد : أختي اللي تباها انخطبت وبـآجر ملجتها
سعيد منصدم : شنو ؟ مب أنا قلت إني أباها قلت بعد ما تخلص امتحانات
حمد : هيه ، بس الريال هذآ تقدم لها بسرعه شو أسوي أنا ؟
سعيد يأشر على حميد : هذآ اللي تقدم لها صح ؟
حمد : هيه ، هوه
سعيد ساير صوبه
سعيد : لو سمحت أخوي ممكن نتكلم ؟
حميد : هلا أخوي ، تعرفني ؟
سعيد : بتعرف كل شي ، تعال انسير المطعم
ولمـآ ساروا المطعم ::
سعيد : أنا سعيد ربيع حمد أخو خطيبتك
حميد مستغرب : هلا والله
سعيد : أنا أبا أكلمك بموضوع
حميد : تفضل
سعيد بشجاعه : أنا أبا خطيبتك
حميد من الصدمة يصارخ : شو تبـآ خطيبتي إنته ينيت ؟
سعيد : انزين أنا أحبها وهيه دخلت قلبي
حميد يوقف : ترآ والله لا تشوف شي ما يسرك ، شو تحبها هاه ؟ شو دخلت قلبي ؟
الزم حدودك أحسن لك ولنـآآ
سعيد : انزين خلنا نتفاهم
حميد : سير زين
وجـآن يسير حميد ورجع بيتهم وقعد بغرفته يفكر ...
و يمــر هاليــوم بسلآآم , و اليـوم هوه يوم الملجه ..
ريم قـآمت بنشـآط وحيوية ومستـآنسه ، أما حميد فهو ع الجانب الثاني مب قادر يوصف فرحته وسعادته اليوم يقدر يشوف ريم وكل الأيام بعد برآحته ..
ويـآ وقت الملجه والمعـآآزيم وصلوا وألحين ريـم وبدور حبن يطلن على ريم
أنت تقرأ
غلـآآ روحي من غلـآآهـآ ؛ ريم الغـلـآآ عيوني فدآآهـآآ
General Fiction؛ ريم الغـلـآآ عيوني فداها للكاتبة (شذا الورود ) تحكـي قصة بنتيـن عـآشن في ظلمـ أبوهـن بعد وفـآة أمهن " طيبـة " ، وكـآنت أعمآرهن مب فوق الـ 10 سنوآت و الوآلدة توفـت في حآدث سيـآرة ، لكن خلآآل حيـآة أمهن تزوج أبوهـن من سميرة و يـآبت له ولدين و بنتين...
