غلـآآ روحي من غلـآآهـآ ؛ ريم الغـلـآآ عيوني فدآآهـآآ

بارت 24

منيرة سـآرت تيلس شوي بعيـد عن عبدالعزيز ، عبدالعزيز نفخ من دآخله وحـآسه إن مب مرتـآح ، ومب عـآرف كيف يبتدي !!
عبدالعزيز شل عمره ، وقرب من منيرة
عبدالعزيز : شحالج منيرة ؟
منيرة بصوت يا دوب ينسمع : بخيــر
عبدالعزيز : مبروك عليــج
منيرة : الله يبـآرك فيك
عبدالعزيز : إن شآء الله أقدر أسعدج وأهنيج
منيرة : ما تقصر
عبدالعزيز : أنا بعدني ما عرف عنج أي شي !
منيرة : ولا أنا
عبدالعزيز يعطي منيرة الكرتون : تفضلي ، هذآ موبايل وفيه رقمــي
منيرة : مشكور
عبدالعزيز : مرتـآآحــه يا منيرة ؟
منيرة منصدمه من هالسؤال ! : أنا اللي أسألك ، مرتـآآح يا عبدالعزيز ؟
عبدالعزيز متلخبط : هيه أكيــد
وتبدآ منيرة الجدية : بس شكلك متضآيق ، ما عطيتني ابتسـآمه حتى ، كأنك مغصوب تآخذني
عبدالعزيز متفاجئ : لا منيرة لا تفهمين الموضوع غلـط
منيرة : انته مب قـآدر تنسى حبك الأولي ، شو أسوي بك أنا ؟ مب أنا عرضت الزوآج عليك
عبدالعزيز عصب و ، وقف : يكفـي منيرة !
منيرة وتدمع عينها : لا ما يكفي ، قرر من ألحين تباني ولا لا
عبدالعزيز حده منصدم ! منيرة قعدت على القنفة وحـآطه ايدها على ويهها
عبدالعزيز ولد أصول ، وحس بتأنيب الضمير ، سـآر و قعد عدآلهآ
عبدالعزيز : منيرة " حبيبتي " خلآآص
منيرة انصدمت لما سمعت كلمة " حبيبتي " ، و رفعت رآسهآ
عبدالعزيز : خلاص لا تزعلين ، ترآ أنا أتضايق يوم أشوفج زعلآآآنه
و بدوآ الحبـآيب سوآلفهم الحلوة ، وتبـآدل مشـآعر الحب كانت وآضحه على الاثنين

أما من هنــآآك أجمل اثنين " ريم وحميــد " اللي ما منهم اثنين ، يعشقون بعض أكثر من أي اثنين ،،

حميــد وريم ::
ريم : حميد خوفتني والله
حميد : فديت خوفج أنا ، يـآي باجر الزهبه
ريم استحت : و اللي عقبه ليلة الحنـآ
حميد : وبعدهآ بيومين عرسنـآ
ريم فرحت من دآخل قلبها : حميد ليش هالأصباغ ؟ شو بتسون فـ بيتكم ؟
حميد يكتم هالشي : ما شي
ريم : حميد هلي يمكن ردوا البيت ، الوقت متآخر ، أنا ألحين أبا أرجع
حميد : أنا بوصلج
ريم : لا حميد ريح حـآلك ، السـآيق بييني
حميد : لا والله ما ركبتي مع سـآيق وأنا موجود ، أنا دريولج أفا عليج غنـآتي
ريم ابتسمت : حميد وين بنسـآفر ؟
حميد فرح لأن ريم ما سألته هالسؤال من قبل : لو تبيني بشلج في ايدي وأطير بج من مكـآن لي مكـآن
ريم استحت : انزين وين ؟
حميد : بنسيرأول شي تركيـآ ، عقب بـآريس ، وبعدين بنمر روما و مدينة ثانيه في ايطاليا ، وآخـر شي بنسير فـآرنا في البرتغال ..
ريم : بس مب كآنه وآيد ؟!
حميد : كل دولة في أسبوع ، وبجذيه بيصير شهـر
ريم : تتهنــى إن شاء الله
حميد كله فرح وترقب وانتظار ، متى يسير مع ريم بروحـه ؟!
ورد ريم لبيتهم ..

أمـآ هاليوم أشرف على الانتهـآء على الأحوال التالية ::
ريمـآآنــه : فرحآنه وآيد ، حبها لحميد كل يوم يزيد ، مستآنسه والفرحه مب شايلتنها هذآ هـوه حلم حيـآتها ..
حميد : يترقب ، يعد الساعات والدقايق والثوآني ، يبا كل يوم يمر أسرع من اللي قبله وايي يوم يكون مع ريم بروحـه ، فهي انسـآنة الورد ، انسـآنه تسكن القلوب ، و سرقت قلب حميد ، حميد حـده فرحآن لأن كل يوم عن يوم يكشف مدى حب ريم له ..
أفنان : متغيضة ، وتبـآ تذبح روحهآ من اللي تشوفه وتسمعـه و العرس قرب ، على شآن جيه أخذها بو جـآسم و وداها بوظبـي عند خآلها على شـآن ما تحضر عرس حميد وتسوي مشـآكل ..
منيرة : بعد سـوآلف هاليلة مع عبدالعزيز ، اكتشفت إنه هالريـآل طيب ، وخلوق ، صح شوي متعلق بخطيبته السـآبقة ، لكن بشوية حب تكسب قلبه ، وهيه مرتـآحه !
عبدالعزيز : حس اليوم إن منيرة غير عن كل البنات ، صح إن خطيبته السابقه ما زالت عـآلقه في ذهنه ، بس الله عوضه بـ منوره و حس إنه مرتـآح معاها من أول ليلة ..