چا هَيچ اليَحب يَتجازة بِـ الشَوغات؟
#الاجـدع😈🔥
﹌﹌﹌﹌﹌﹌﹌﹌﹌
خابرت ميار ::- الو ميار لا طلعين وي السايق انا جايتج
::- ها شكو
::- عندي الج مفاجئة
::- لا تكولين جايبتلي ارنوب
::- ارنوب??
::- اي اريد ارنوب حلو واريدة كون ابيض وها كون ما ياكل بس جزر علمود اسويلة وياي سلطة جزر واريدة....
سديت الخط بوجها وعكفت وجهي بقرف::- هاي شتحس
باوعت لفرقد منتهي من الضحك فحطان لان جنت رابطة الموبايل ع السيارة والصوت عالي::- بالله هاي شيسمونها
::- اجيبلها ارنوب لو تطلب عيوني اجيبلها?!!
باوعتلة بجدية::- فرقد عبالي بس اعجاب?!!
::- لا مهرة جديات احبها وناوي اتقدم الها بس خل تخلص سادس!!!
سكتت ضايجة رجع كال::- مهرة ادري رائيج شنو بهل موضوع بس صدكي انا مو مثل....
قاطعتة::- ماكو داعي تبرر الي صدكني اعرفك واعرف دواخلك بس الافضل ما تفتح هيج موضوع ولا تحاول لان اهم شي بالوقت الراهن هو مستقبلها ما اريدها تلتهي بغير شي وانت تعرف قصدي كلش زين
::- مهرة انا احبها واريد مستقبلها مثل ما انتي تردي بس يا مهرة اتلوع وانا اشوفها كدامي وما اكدر احجي
سكتت الموضوع حيل ينفرزني وما احب ادخل بي بس علمود اختي ولان ثنينهم اعزاز علية ما كدرت اوكف بصف واحد منهم
::-مهرة سؤال?!!
رديت وانا اباوع للطريق::- جواب
::- مهرة ميار عدها شخص تفكر بي
التفتت الة مخوزرة::- مستحيل اكص ركبتها غير مستحيل اخليها تخطي هي خطوة فاشلة ومخادعة
تنهد::- خايف مهرة
::- من شنو
::- امج?!!
سكتت وما علقت عن الموضوع لان عرفت شنو يقصد وهلشي حيل يضوجني ف غلقت الموضوع وفتحت وياه مواضيع عدة منا لمن وصلنا للمكان الي رايحة الة سفرة
وكفت واتصلت ببها تطلع ع الشارع عشر دقائق وطلعتلي اول ما شافت فرقد شهكت واجت تركض ناحيتة::- عززززةةة فووووفووو
اجتة تركض وحظنتة وهو يضحك وبادلها الحظن بس بارتباك وكلساع يرفع عيونة يباوعلي ويدنك خجلان مني
وخرت عنة وحجت::- فوفو حبيبي لك وينك يا عمري ليش هل غيبة
دنك راسة باحراج وحجة هو يتحمحم::- ااا شسمة طالعة حلوة
أنت تقرأ
لعنة الأجـدع'101'
حركة (أكشن)ماذا لو اجتمع الخير مع الشر الحب مع الكره الطيبة مع الانانية الانتقام مع التسامح القوة مع الضعف الوحدة مع الاجتماع الهدوء مع الضوضاء الذكاء مع المكر ماذا سيحدث اذا تجسد الشيطان بهيئة بشر ماذا سيحدث لقلبه المشتعل بنار الانتقام
