لعنة الأجـدع'101'

بارت الرابع والعشرون

زعلان بس الگلب
مايقبل النسيان
زعلان بس الصدك
ماريد اظل زعلان
راضيني خليني احس
عندك مهم
ماريد اظل تعبان .

.➛ ✿✿ ✿✿ ✿✿ ✿✿ ➛.

هلو بناتي شلونجن اتمنى تكونن بخير يارب

لا تنسن التصويت والتعليق بين الفقرات

دمتن في حفظ الله 💙🦋

الكاتبة شوك 🦋💙

احبجن 🫶🦋

حسابي الواتباد shok22_alabsaoya

.➛ ✿✿ ✿✿ ✿✿ ✿✿ ➛.

انفتحت الباب ودخلت بنية اقل ما يقال عنها جمال حتى اظلم جمالها بهل كلمة

حجت بصوت رزن ومليان ثقة::- السلام عليكم

كام الها ذو الفقار وحجة::- اهلا ست ريتاج وعليكم السلام تفضلي

باوعتلي وانا ساكتة حجة ذو الفقار::- ست مهرة تكون احد شركاء الشركة سابقا وهي دارت بالها من شركتنا بغيابي

ابتسمت بالطف وجاوبت::- اهلا وسهلا ست مهرة انا ريتاج

ابتسمت الها ومديت ايدي للمصافحة كعدت واردفت::- استاذ القوائم الي طلبتهن جهزن بس بعد كم واحد ما لحكت عليهن

اردفت::- وليش هل اهمال شنو يعني ما كدرتي عليهن?!!

صفنت بوجهي وبعدها كالت بانحراج::- سهرت عليهن الليل كلة وما خلصن بطبعي ما احب استعجل واحب يكون شغلي نظيف

::- بس هل قوائم نحتاجهن

::- مو مشكلة هسة نكعد عليهن انا وذو الفقار ونكملهن

::- ذو الفقار حاف?!!

حمحم ذو الفقار وكال مرتبك::- ااا احم ست مهرة جدية بعملها وما تحب التقصير

اردفت بابتسامة::- العفو منك استاذ ما بدر مني اي تقصير وانت تعرف عملي ما حاجة اكول

::- ونعم منج ست ريتاج ما قص..

قاطعتة وحجيت::- لا هذا تقصير مو لازم تكملهن

خزرني ذو الفقار رديتلة الخزرة اردف::- احم ست مهرة ريتاج عدها مسؤوليات غير الشركة

::- وان يكن كل احنا عدنا مسؤوليات محد كاعد وساكت وهل احنا مجاي نترك شغلنا

اردفت بتفهم::- زين وين جنتي طول هاي الفترة حسب علمي انتي شريكة قديمة وانا هنا صارلي اكثر من ثمن شهور ولا مرة شفتج مو المفروض تكوننين بالشركة واديريها?!!

::- شقصدج انتي?!!

ابتسمت بثقة وكالت::- التقصير مو مني ست واضح التقصير منين!!!