لعنة الأجـدع'101'

بارت السابع عشر

بدا لوني يتغير هذا شي يكفي

بدا صوتي يتعثر وارتجف چفي
احبك مـا گدرت اخفي

غني محسن
─ׅ─ׄ─ׅ─ׄ─ׅ─ׄ─ׅ─ׄ─ׅ─ׄ─ׅ─ׄ─ׅ─ׄ─ׅ─ׄ─ׅ─ׄ─ׅ─
هلو بنات شلونجن شخبارجن اليوم الرواية راح تبدي اعتبرو هل بارت بداية لكل شي 🌚🔥🔥

راح نفهم الأجدع وتفكيرة وراح نعرف اسرار تخصة ما اريد احمسكم اقرو البارت وادعولي 😂💜

+ تصوويت وتعليق بين الفقرات لا تنسوهن 🌚🙂

+ متابعة لحسابي الواتباد shok22_alabsaoya

قراءة ممتعة

دمتن في حفظ الله

الكاتبة شوك 🧚‍♂️❤️

احبجن 💜

─ׅ─ׄ─ׅ─ׄ─ׅ─ׄ─ׅ─ׄ─ׅ─ׄ─ׅ─ׄ─ׅ─ׄ─ׅ─ׄ─ׅ─ׄ─ׅ─

كاعدة وصافنة على وضع العجيب والنظرات غامضة والضحكات الشرانية اريد اعرف وافسر تصرفاتهم بس ما جاي اكدر

جنت بواحد وصرت بأثنين جان الاجدع شاغل تفكيري وهسة هذا اخو مدري منين طلعلي ولا الاحلى انا كاعدة بنصهم لا خجل ولا مستحى?!!

شجاي اسوي شنو هل ثقة العندي الهم او بالاحرى الة هو حتى ادخل شقتة بكل اريحية واكعد واسولف واتفق واسوي خطط هم?!! شجاي اسوي بنفسي انا شجااي اسوي من شوكت انا هيج وادخل بيتوت غرب من شوكت مهرة من شوكت اوكي انا ما البس حجاب واطلع سفور بس مو مال ابقى وي زلم ثنين وحدي بشقة ما فكرت بالعالم الي يشوفوني شيكولون علية

قاطع سلسلة افكاري الاجدع هو يكول::- مهرة احجيلة الصار بالحرف

فزيت وحجيت::- ها?!!

عقد حواجبة مستفهم::- مهرة شبيج تعبانة?! اذا تعبانة ناجلها لغير يوم?!!

صفنت بوجه وحجيت ببرود::- لا خلينا نخلص اليوم مو كلساع كعدة وسوالف

صفن بوجهي ساكت حجة مراد::- ست مهرة ممكن التفاصيل

باوعتلة قبل شوي كان يضحك وينكت شو هذا هسة انكلب غير شخص ولا كانما هذا هو

ما اهتميت لان لو احاول افهمه ما راح اجيب لنفسي بس وجع الراس والدوخة

بديت احجيلة كل الصار هو كدامة لابتوب وما اعرف شيسوي كال::- ممكن تخابرين اختج تحجيلنا التفاصيل اكثر وتنطي موصفات الشخص حتى نكدر نتصرف

هزيت راسي واتصلت بمياو بالاول ما ردت دكيت مرة ثانية اجاني صوتها الناعس سمعت مراد يهمس لاجدع::- اشتعلو اهلك على هل صوت بوية

جاوبة الاجدع::- صم اثمك

::- خاب يولوو منهي هاي

::- اختها خاب اختها صم بوزك صمة فشلتنا ضابط وشكبرك رجفت من صوت