لعنة الأجـدع'101'

البارت الثاني

- قتلت قلبي كي أبدو بهذا الثبات.♡"

#مهرة

﹌﹌﹌﹌﹌﹌﹌﹌

ركنت سيارتي بالكراج ونزلنا متوجهين للقاعة الي بيها الحفلة

دخلت الكل التفتو علية سلمت ع دفعتي والاصدقاء ووعزلت نفسي باحد الطاولات اباوع بكل برود

هواي علماء وكتاب صعدو ع مسرح والقو كلام بيهم شعر وبيهم خطابة وبيهم القة نصائح

اجت انفال وكفت يمي حجت وهي متحمسة::- راح يصعد

التفتت الها::- منو?!!

::- لج الحفلة مسوينها علمودة ضيف الشرف مو ضيف عادي

::- بطلي سخافة قابل عندة اربع عيون لو خمس ارجل هو حالة حالنا ليش معظمتة

باوعتلي بنص عين::- لجج يا خبلة عندة شهادات اكبر من راسج بأمريكا ودارس علم النفس ولغة الجسد ولغة العيون غير كل هذا عندة اكبر عيادة بامريكا والناس تجي من كل اصناف والبلدان و...

::- كافي شيصرعتينا بي ترة لو مو فلوسة ميكدر يوصل اسكتي

::- ولج غير هو من عائلة ال...

سكتت من سمعنا احد الاشخاص يرحبون بي::- اليوم ضيفنا المميز احد اشهر الدكاترة واشطرهم

صار تصفيق حار صعد ع المسرح رفعت نظري الة شخص عادييييي يتوسط عمرة بداية الثلاثينات

نظراتة ثاقبة وهذا لاحظتة من وكف ع مسرح واخذ نظرة ع جميع الموجودين

بدة كلامة::- السلام عليكم

الكل رد السلام دنكت نظري ع كاس العصير متجاهلة وجودة

حجة هواي كلام وللصراحة كلامة جان حلو وسلس وينطي هواي ايجابيات جنت مستمعة الة

احد الاشخاص طرح موضوع هو شلون نكدر نتخلص من الماضي

رفعت نظري وتركزت حيل وي كلامة ابتسم ابتسامة طفيفة وكال بكل بساطة::- نكدر نتخلص منة في حال تقبلنا

رد الرجال الثاني::- شلون يعني

::- قريت كتاب حول هذا الموضوع الطرحتة راح احجي جزء منة لان هو كتاب طويل وموضوع عميق

إن الأحداث السلبية التي وقعت في الماضي من شأنها أن تجعل حياتك صعبة. فتلك الذكريات المزعجة قد تجعل النوم مستحيلا، أو تُحيل يومك إلى جحيمٍ لا يُطاق. وفي كل الأحوال، ستأتي المرحلة التي يجب أن تختار فيها هل ستترك الماضي خلفك، أم ستُفسح له المجال ليُحدد مستقبلك! فحتّى الآن فنحن دائما ما نحمل ماضينا معنا، والذي يتجلى في طريقة تفكيرنا وحديثنا وإدراكنا للعالم من حولنا. إن التحكم في هذا الأمر صعبٌ، ويبدو وكأنك تسير على حبلٍ طويل ممتد في الهواء، ولا ترى نهاية الطريق! ولكن التعامل مع الأمر برويّة، خطوةً بخطوة، ومُحافطاً على عقلك مفتوحاً ، يُمكّنك من قبول ماضيك كجزء من نفسك. حيثُ يمكنك ترك كل العادات السلبية ورائك، تلك التي قيدت أحلامك ومنعتك من تحقيقها، أو حالت بينك وبين الوفاء بالوعود التي قطعتها