لعنة الأجـدع'101'

بارت السابع الاربعون

قلبي يسيرُ إليك، وخير ما يفعل هو أن يظلّ حائمًا حولك، يحرسك ويحنو عليك.

﹌﹌﹌﹌﹌﹌﹌﹌﹌﹌﹌﹌﹌﹌﹌

يسوق وكلبي احس صار يعد على الالف اختي اختي شبيها ليش ليش رجعت وصلنا المستشفى وكنان ما يعرف وين يروح وانا منهارة ابجي بصوت

سحبني يحرك بية منا ومنا روحي ممرودة مرد شفنا مراد يركض كعدت ب الكاع مهدود حيلي اجاني كنان يركض::- كومي كومي ما بيها شي

طلع مراد ما اعرف وين احنا نمشي امشي والتفتت واباوع للغرف اختي وينها اجة مراد يركض فحطان ووجه احمر مكلوب كلاب

جسمة كلة يرجف وانفاسة لاهثة انطة الدكتور المغذي والابر اخذهن ودخل للغرفة وانا منهارة احس حكلي يبس ما اكدر بعد اتنفس وبطني حيل تاذيني

مرت علينا الساعة مثل السم طلع الدكتور وملامح الاسف على وجه ظليت كاعدة واباوعلة ما عندي القوة اكوم دموعي على خدي::- البنية متعرضة لصدمة حيل جبير لذلك صاير عدها انهيار عصبي وضغطها معلك حيل لذلك طك عدها شريان ب العين ربك ستر ما نحولت

كعد مراد مهدود حيلة يفرك ب صدرة وحالتي اخس من حالة روحي نمردت مرد يا ناس هاي اختي ها مو بس اختي ها بنتي شبيها شنو الوصلها لهل وضع

شوية واجو ذو الفقار وانفال تبجي باوعت الهم وبجيت دنك ذو الفقار خلة ايدة على راسي::- زوعت العافية وربج لا تبجين حق ميار يرجع مربع

باوعت لانفال ابجي::- شصار

دنكت تبجي وتكول::- ما ادري اجانا يبجي ويكول كسرت ميار من سالنا شكو كال طلكتها

غمضت عيوني ب وجع ثاني صدمة اتلقاها لهل يوم وجع صار ب بطني قوي لزمت بطني وعقجت وجهي ب الالم

::- اخخ يمة

اجة كنان يركض::- شبيج مهرة

::- بطني

كومني وياه يصيح::- ماكووو سدية

اجت الممرضة تركض جابت عربانة صعدوني بيها هو لازم ايدي ويركض وي العربانة وانا الوجع يزيد علية

دخلوني للردهة نسائية واجت دكتورة فحصتني وكنان وجه كام ينطي الوان روحة فرفحت من القهر الدكتورة كالت الطفل نازل ولازم ارتاح وارفع رجلية وانطتني ابر ومغذيات وكل عادة دم ما عندي وصار بية هبوط

ظليت كاعدة شوية واجت انفال سالتها ب خوف::- ميار ميار شلونها

::- راح تطلع لا يظل بالج منتظريج يخلص المغذي مالتج

رجعت راسي ابجي شبيها اختي شصار بيها ووصلت لهل مرحلة خلص المغذي واجت الممرضة وخرتة طلعت ساندتني انفال اجر بروحي جر