لعنة الأجـدع'101'

بارت السادس والعشرون

الصوچ مني
ليش گتله شما تغيب تظل حبيب
وليش گتله الشمس وكت المغرب
احلى وعلميته اعله المغيب

𓍢 ָ ּ  𓈃 𓍢 ָ ּ 𓈃 𓍢 ָ ּ 𓈃 𓍢 ָ ּ 𓈃
بنات شلونجن شخبارجن ان شاء الله تكونن بخير 💙

بنات وين لهفتج وشوقجن للرواية تقبلنها مشاهدات 300 والاصوات بس 30 ما يصير هيج بنات يعني ولله حرامات اتعب نفسي واكتب شيكلفجن هو التصويت هاا??

ما خليتن لا واهس للكتابة ولا واهس لـ تكملة لرواية حتى الابطال ما الهم واهس يكملون على هذا التفاعل اليفشل

اسفة للبعض بس حيل جاي اضوج وهاي اخر رواية استلمها بعد ما استلم اي رواية لان حيل جاي انغث

دمتن بخير

𓍢 ָ ּ  𓈃 𓍢 ָ ּ 𓈃 𓍢 ָ ּ 𓈃 𓍢 ָ ּ 𓈃

مـيـار::- انصدمت وانا اشوف بنية من بنات قسمي واكفة يم جنطتي تباوع يمين يسار وبعدها سحبت جنطتي وخلت بيها راس الحية والورقة

::- وقف الصورة بلا وقربها

::- صار سيدي

توقفت الصورة وانا عيوني شاخصة وكلي ارجف::- تعرفيها هاي

فززني من صفنتي حجيت بمتمتة::- اايي اءءءء سس ارة

صفن بوجهي يباوعلي بنظرات اسف وندم دنك راسة وحجة بكزة::- استاذ فورا تجيبون هل بنية

حجة العميد::- سيدي خلينا نحلها بيناتنا

باوعلة مخنزر وحجة كاز اسنانة::- فورا الكاها مزروعة يمي فورا

هز راسة العميد وانا واكفة ما نطقت بحرف رحنا للمكتب طلب مني اكعد ما كعدت كلبي كلة يرجف

شوية ودخلت الاسمها سارة حجة العميد وياها::- تفضلي بنيتي كعدي هنا

هزت راسها واجت كعدت وهي تباوع بخوف واطرافها ترجف

تقدم مراد وشوفها التصوير فتحت عيونها على وسعهن وانتفضت بسرعة وكفت وحجت بدموع::- ولله ما الي ذنب هددوني ولله هددوني

اردف العميد::- اكعدي بوية استريحي واحجيلنا منو الي هددج

تبجي ومنهارة كعدت تباوع عين الي وعين على عميد خايفة ومرتبكة حجة مراد بنتر::- احجي فضيها

فزت ودنكت راسها تبجي بخوف اردفت::- اااء .... هو هو انا ...انا

شهكت ورجعت تبجي مسح على وجها يحاول يصبر نفسة والا هو شوية ويطك وجها صار ازرك من العصبية وشراين كصتة بينت صار يخوف حتى انا خنست من الخوف وهول الموقف