لعنة الأجـدع'101'

الجزء الواحد عشر

اسكنتك قلبي وانت هجرت الديار بساكينها و الان و بعد وقت طويل لم يعد اهل الديار يرجون اللقاء

#الأجدع

⭒─ׅ─ׂ─ׂ─ׅ─ׂ─ׅ─ׂ─ ۰ ★ ۰─ׂ─ׅ─ׂ─ׅ─ׅ─ׂ─ׅ─

لا تنسون التصويت والتعليق بين الفقرات بنات قدرو تعبي رجاء جدا جاي اضوج من اشوف التفاعل هيج 💔

••••••••••••••••••

جحة باستغراب وعلامات الوجه مصدومة::- انتي مطلقة?!!!

اخذت الجنسية منة وحجيت رافعة حاجبي::- شيخصك انت هااه?!!!

سكت اخذت كارت بعصبية من السربيشن وصعدت لغرفتي بالطابق ال15 جسمي كلة يرجف

كعدت على جرباية وكلشي مر مقابيلي مثل الشريط الفليم صرخت::- لا لا لا مهرة مهرة مو وقتج اصحي اصحي

حسيت انفاسي انبكتت ودكات كلبي علن ما كدرت اصبر ركضت على جنطتي اليدوية وطلعت منها الحبوب ايدية ترجف وانفاسي لاهثة

اخذت حباية وشربت وراها ماي اجر النفس بسرعة حسيت روحي راح تطلع ما كدرت اتحمل اكثر

طلعت طالبة المساعدة شفت الاجدع يمشي بالممر دموعي صبو وحدهن جان منطيني ضهرة متوجه للغرفة الخاصة بي

اريد اصيح باسمة مجاي اكدر الغواش سيطر على عيوني وحسيت كلبي راح يوكف ما اعرف شنو الشي الي خلاه يلتفت ناحيتي وتفاجئا من شاف حالتي

اجة مسرع باتجاهي باخر ثانية وكعت من طولي واحتل الظلام عيوني

بين الوعي واللاوعي حسيت بي يحجي بس ما عرفت شنو يكول دايخة حيل رجعت نمت

كعدت مرة ثانية الفراش دافي ومريح حيل طولت يلا فتحت عيوني باوعت حوالي لكيت نفسي نايمة على سرير دافي التفتت واشوف الاجدع كاعد مقابيلي على كرسي وغافي بعمق

تفاجئت شيسوي بغرفتي هذا??!! باوعت للبردة جانت الدنيا ليل معقولة نمت ساعات لان احنا وصلنا ب2 بليل للفندق

تحركت بسرعة فز مسح على عيونة وباوعلي حجة::- ها مهرة

::- شتسوي هنا

ضفن بوجهي::- معقولة ناسية لو شنو?!!

::- شنو شصاير

سكت يباوعلي اجتني لحظة ادراك تذكرت الصار حجيت منحرجة وعيوني منزلتهن::- مشكور تعبتك وياي