لعنة الأجـدع'101'

بارت الخامس والعشرون

شمنتظر مني بعد ؟
تغلط واسامح وأچز
من ليلك شحصلت
لو مخنتك لو أفز

.➛ ✿✿ ✿✿ ✿✿ ✿✿ ➛.

هلو بنات شلونج طبعا الاغلبية يعرفون جنت مسافرة لأيران والبعض دخلن خاص يعرفن ليش تاخرت بالتنزيل

حبيباتي جنت انا مسافرة وكلت هل شي بالبارت السابق

بارت تعويضي طوووووييلل استمتعو بي 🔥🌚

لا تنسون المتابعة والتصويت والتعليق بين الفقرات

* بنات فدوة لا تعلقن بملصقات او نقاط لان مجاي تطلع للبنات

دمتن في حفظ الله 💙

حسابي الواتباد shok22_alabsaoya

.➛ ✿✿ ✿✿ ✿✿ ✿✿ ➛.

بعدت عنة مبتسمة بخجل تقرب طبع بوسة على راسي وحجة::- روحي مهرة لا اسوي عملة ونفينا حظنا

هزيت راسي وهو يضحك عفتة وطلعت كلبي يركض ركض وخدودي متولعات نار من الخجل

رحت لغرفة ميار لكيتها كاعدة نايمة على ضهرها وعيونها لـ سكف ودموعها تنزل بهدوء منا و منا

تنهدت ومشيت خطوات متوجها الها كعدت يمها ولزمت ايدها ما حجيت شي اعرف لو شما احجي ما راح يخفف المها هسة اكتفيت اخلي ايدي على ايدها واحظنها حتى تحس انا يمها ما اعوفها

قاطعت الصمت من كالت::- انكطعنا من شجرة لا اب لا ام ولا واحد يسال علينا?!!

غمضت عيوني ونزلت دمعة مني بسرعة مسحتها كلمتها حسيتها سجين ونبتت بكلبي بقت هل كلمة تاكل بروحي اكل

رجعت كالت::- جنت شما تسوي بية اكول حقها تعبانة لـ تعب ابويا كل احنا ما تحبنا بكد ما تحب ابويا بس اليوم اكول مهرة امنا ما تحبنا ابد ما تحبنا

غمضت عيوني بقهر ميار وصلت للحقيقة الي جنت اخدعها بيها جنت دائما امي من تضرب ميار اكول الها مامة تعبانة مامة تحبنا بس هي تعبانة شوية هسة من ترتاح تصير زينة وتجي تبوسج وتراضيج

اردفـت::- انا مو ميار الصغير الي تقشمريني بكم حجاية انا هسة ميار الكبيرة واكول الج مهرة امنا ما تحبنا احنا ما النا احد

كالتها ودفنت راسها بحظني تبجي بصوت لميتها بحظني وحجيت::- لا تبجين ميار باعيلي انا وين رحت وذو الفقار وفرقد وانفال كل احنا يمج اذا ما نكولج اهل نكون سند ليش تبجين شتتوقعين منها هاا??! جنت ادري بيها راح تعوفنا اذا مو اليوم باجر المرة الما حنت على بنتها وهي طريحة الفراش ترديها تحن علينا هسة?!! عبالج من جنتي تحجين وياها علمود تنصي صوتها وما تحجي وتدعي علمود ما يوصلني كلامها عبالج ما اسمعج غلطانة جنت كل مرة تدعي علية اريد اكوم واعين روحي وارجع مثل قبل واقوة هيج جنت?!!