لعنة الأجـدع'101'

البارت الخامس

وحَسبنا أننا لا نَهون ، وهُنَّا 🫂💔!!

#الاجدع 😈🔥

﹌﹌﹌﹌﹌﹌﹌﹌﹌

رجعنا لـ محافظتنا وابويا صار بنصب جبير بالدولة وفتح اكثر من شركة بالعراق وخارج العراق

طول الفترة الي طلع بيها انا دايرة وجهي عنة وشكوك بداخلي مجاي تخليني ارتاح

لحد ما بيوم جنت ستوني داخلة لل بيت ووكفني صوتة::- لحظة مهرة

وكفت اباوعلة بكل برود::- خير?!!

::- بوية ادري علاقتنا متوترة بس قبل عاد تحجين وياي كلمة هسة حتى الكلمة كطعتيها ليش يا بوية تدرين انا مو حمل فراكج. ليش تعذبيني تدرين انتو بالدنيا كلها شعندي غيركم انتي واختج?!!

تجاهلت كلامة وكملت مشيتي للغرفة دخلت وتنهدت ضايجة وطالعة روحي دخلت سبحت ونزلت روتين ممل

اتصلت بية انفال رفعت المكالمة وحجت::- اليوم عازمتج

رفعت حاجبي باستغراب وحجيت::- ليش لازم اليوم ك**ج ما هو يعربد وي النسوان?!!

::- مـهـرة?!!

::- لا تكولين مهرة باعي وجهج متروس اثار ضرب وتعنيف ع شنو صابرة ها??!!

::- وين اروح بس كليلي وين اروح اذا عمي رماني وما عاد يسال علية بس تدرين العتب عليمن??!! العتب ع اخوي وعضيدي ذو الفقار ما سال علية ابد

رجف صوتي بلعت غصتي وحجيت::- مو سالفة ادافع عنة وانتي تعرفيني انا احجي الحق حتى لو كان الي بي ضرر بس انتي اختاريتي رجلج تذكرين من اجاج وما ستقبلتي?!!

::- بس هو يدري بية عايشة بالضيم حتى كلت لفرقد وشاف حالتي معقولة ما حن كلبة ع اخيتة الوحيدة تدرين ليش هو برير يضربني لان يدري ما وراي احد يشك حلكة ويوكف بعينة يدري العم ذباني وشرط علية ما تجي ولا توصل للباب والاخ مسافر لخارج ما عد رجع من سنتين

::- اجاج وكالج عوفي كلشي وامشي وياي بس ما قبلتي واصريتي تبقين يم رجلج المهم ما علينا شنو مناسبة العزيمة

تنهدت::- مهرة غير راس السنة والعالم والكرة الارضية كلها تطلع تحتفل وحد عنها احنا?!!

::- العالم اذا طلعت عريانة نطلع نتعرين وبعدين كلها مجرد تغيير بالرقم ع اساس احنا راح تتغير حياتنا هي نفسيتها

::- اخخ منج مهرة تكطعين ام الواهس يمعودة دخلينا نطلع!!

::- انا ما اكطع الواهس بس احجي كلام واقعي شراح يتغير مثلا هو بس الرقم حياتنا هي هي على عموم اخذي ميار وياج انا بالنسبة الي ما اطلع

::- مهرة شنو السالفة?!!

::- كافي انفال البيني كافيني كلت ما اطلع يعني ما اطلع