لعنة الأجـدع'101'

بارت التاسع والثلاثون

منين نجيب مثلك حتى ننساك
ومنو المثلك يعوضك لو خسرناك.
﹌﹌﹌﹌﹌﹌﹌﹌﹌﹌﹌﹌﹌﹌﹌
السلام عليكم بناتي شلونجن

حسابي الواتباد shok22_alabsaoya

قراءة ممتعة 💙

دمتن بــ خير 🫂💙

الكاتبة شوك 🦋💙

﹌﹌﹌﹌﹌﹌﹌﹌﹌﹌﹌﹌﹌﹌﹌

ريتاج::- طار كلبي ورجلية نشلت مراد طلع مستعجل وعافني الوب بــ مكاني روحـــي فرفحت ماخذة الصالة طول بــ عرض والموبايل ما وكع مني اتصل بي وما يرد

انحرك دمي اريدة بس يرفع الاتصال روحـــي طلعت ولله بهل ساعة مرت علية عمر مو مجرد ساعة

من بعد ساعات ومحاولات اتصلت وانت ياسانة انو يرد بس فاجئني من رد عطت بي مفرفحة روحـــي ::- أنت وين رحت وعفتني هنا الوب ليش ما ترد علية انشغل بالي

رد بــ نفرزة::- شبيج شبيج غير ملتهي انــا شنو العب وما رديت عليج

شهكت ورديت بــ هضم::- كـنـان وينن ليش بــ السجن

جر حسرة و اردف::- جاية النزاهة تفتيش ومسوية تحاليل للكل وكنان لكو يتعاطى مهدائات

شهكت بــ فزع::- شنو مهدئات من وين ليش من شوكت

::- ما ادري ما ادري ما خلوني اشوفة ما خليت واسطة حتى ادخل واحجي وياه بس ماكو ما يقبلون

نزلو دمــوعــي بــ عجز::- جا شــلون هسة?!

::- اتصلت بــ المحامي وهسة منتظرة بلكت يجي ونشوف الوضع

::- فدوة من اتصل عليك طمني مراد لا تشغل بالي

::- اي اي يلا روحـــي واي واحد يدك الباب لو كائن من يكون ما تفتحي مفهوم?!

::- اي

سد الاتصال وانا ما تحملت انهاريت وروحي فرفحت وكلبي انقبض حسيت انفاسي كوة اجرهن بعد كمت بية ما بية توضيت وصليت ركعتين لوجه الله وركعت وما تحملت كمية الضغط الـــي جاي تصير علية بجيت بــ قلة حيلة بــجيت وروحي مفرفحة على اخوي انــا قوتي بيهم انــا ساندة نفسي بيهم ولله ما اتحمل افقد واحد بيهم ما اتحمل كلبي ممرود مرد ما اعرف شنو طالع بــ ايدي اسوي ما اعرف

خطرت بــ بالي فكرة بسرعة ركضت للموبايل مــالتــي واتصلت على مراد من اول رنة جاوب

::- ها ريتاج بعدة المحامي ما واصل

::- وين عنوان مــهـرة...

مــهـرة::- صار الـــي اريدة والممرض الـــي متفقة وياه خبر النزاهة عن الأجـــدع بــ انو يتعاطى مهدئات اشبه بــ المخدرات وهيج راح نكول لوضيفة كش ملك وراح يدخل السجن بــ سبب التعاطي

من اول ما اتصل بية وكالي اخذو وانا حركة صارت بــ كلبي ما اعرف شنو سببها!! اريد ابجي بس على شنو ما اعرف